Friday, May 12, 2006

مسخرة اعلامية ..دروس في النفاق الصحفي

توقفت عن قراءة الصحف القومية منذ عامين تقريبا .. ولا اقربها الا بالصدفة البحتة ولا اقرأ سوى حظك اليوم والاعلانات ولا ادفع فيها مليما احمرا ولا اخضرا من حر مالي اطلاقا مطلقا ... ولكني اليوم عمدت بقصد مع سابق الاصرار والترصد إلى قراءتها مع تأكدي من عدم ولا مليم فيها وذلك لعرض سريع لحالة المسخرة الاعلامية التي نعيشها مع صحفنا القومية التي تتعامل معنا كما لو كنا اطفال او بلهاء او مختلين عقليان او مغيبين عن الوعي ..
مش كفاية المهزلة اللي حصلت امس من سحل وبهدلة واعتداء ومطاردة لمواطنين لمجرد انهم تظاهروا سلميا .. وما حدث من تحويل قلب العاصمة لثكنة عسكرية واحتلالها من قبل قوات الامن ومعاملة ابناءها كما لو كانوا اعداء .. وما حدث من إهانة واهدار لكرامة المواطن المصري الي حد ضربه بالجزمة في الشارع في وضح النهار تحت سمع وبصر العالم كله وبتوجيهات كمان !!
كل ده غير الاعتداء على رجال الاعلام وسرقة معداتهم كما لو كانوا يتعاملون مع لصوص وليسوا قوات امن ..
ويبدو وان المؤسسات الحكومية لم تكتفي بهذه المهزلة فقد أضافت عليها مهزلة اخرى تمثلت في التعامل الاعلامي مع الاحداث .. والذي اعطى مثالا حيا في الموالسة والتدليس واحتقار عقول الناس والاسختفاف بيها ..
-لنستعرض كيف تعاملت وسائل الاعلام المختلفة مع احداث 11 مايو الاسود .. (يظهر ان الايام السودة كترت في بلدنا) ..
الصحيفة المحترمة المصري اليوم ::
جاءت عناوينها كالتالي ....
-القاهرة تحت «الأحكام العرفية» بسبب «تأديب» القضاة..
وقوات الأمن تسحل المتضامنين مع القضاة وتعتقل ٣٠٠ووصفت الصحيفة تعامل قوات الامن مع المتظاهرين (بالقسوة البالغة) وتناولت الصحيفة وقائع ما حدث في هذا اليوم ووقائع الاعتداء على المتظاهرين ورجال الاعلام وسرقة معداتهم واحتجازهم وتهشيم الكاميرات منهم مصور الجزيرة ووكالة رويترز للانباء ووكالة الاسيوشيتيد برس ومصور الصحيفة نفسها.
-القبض على 250 متظاهرا تضامنوا مع القضاة
-اغلاق مسجد الفتح في وجه المصلين .. ومنع الصحفيين والمصورين من الاقتراب من موقع الاحداث
-الامن اغلق جامعة القاهرة ومن الاساتذة من الخروج لمساندة القضاة
-استاذ في قانون يطلب القبض عليه بتهمة سب النظام ووزير الداخلية .. بعد منعه من الدخول.
-القاهرة تحت الحصار والناس تتسائل نروح فين؟؟
مجند يرفض مرور يوسف جاهين قائلا (ممنوع يا حاج!!)وآخر يقول ان (اصبحنا في بلد ابو نشابة (ابو عصاية وانا نفسي ارمي الحاجات دي وامشي لكن الظابط منعني)بينما قال ضابط برتبة مقدم (الناس لازم تحمد ربنا ؟؟ احنا بدلنا غير العراق ولبنان .. كويس ان الناس لاقية الفول تاكله الصبح ده احنا 70 مليون).
-حصار مقري حزب الغد والتجمع والغاء مظاهرة ادباء وفنانين من اجل التغيير
-ضابط امن قال لاحمد فؤاد نجم (احنا بنحبك لكن عندنا اوامر باستخدام العنف ضدكم).

-الاخبار::
اما الاخبار بتاعة محمد بركات .. فاكتفت بخبر صغير في الصفحة الاولى عن تأجيل المحاكمة فقط ولا كلمة عن المظاهرات واكتفت بخبر صغير عن تأجيل المحاكمة وقالت إن (المستشاران مكي والبسطاويسي رفضا حضور الجلسة بعد أن رفضت لجنة التأديب السماح لأعضاء مجلس ادارة نادي القضاة وعشرات القضاة حضورجلسة المحاكمة).
-الاهرام::
اما اهرام القط فلم تكتفي بالانكار بل زادت بالكذب والتدليس غير المعقول ولا المنطقي كما لو انها تخاطب اطفالا او مختلين عقليا ..
فقالت (وسط إجراءات أمنية غير مسبوقة حول مقر دار القضاء العالي بوسط القاهرة التي أصيبت باختناق مروري كبير‏,‏ قرر مجلس التأديب الذي يتولي محاكمة المستشارين هشام البسطويسي‏,‏ ومحمود مكي تأجيل نظر المحاكمة بناء علي طلب النيابة العامة للرد علي الدفوع التي أثارها دفاع المستشارين اللذين رفضا أمس المثول أمام مجلس التأديب‏ .. لانهما أصرا علي الحضور مع حشد كبير من أعضاء ورئيس نادي القضاة‏ وبعض الناشطين السياسيين‏).
واضافت (وكانت منطقة دار القضاء العالي شهدت اجراءات امنية كثيفة لتأمين اجراءات الجلسة (شوف ازاييي؟!؟!؟!؟) انتشرت السيارات المدرعة في شوارع 26 يوليو ورمسيس وعبد الخالق ثروت وتم اغلاق الشوارع المؤدية الي دار القضاء ونقابتي المحامين والصحفيين ونادي القضاة واغلقت ابواب محطات مترو الانفاق بالاسعاف لمنع المظاهرات والتجمعات المتضامنة مع القضاة خشية تحولها إلى اعمال شغب ولحماية الممتلكات العامة والخاصة.(ونعم التهريج !!!!!)
وتصدت لمظاهرة نظمها اعضاء وقيادات كفاية والتي حاولت اختراق الكردونات والحواجز الامنية والاعتصام امام دار القضاء والنادي وحاولوا الاشتباك مع قوات الامن التي تصدت لهم وقامت بتفريقهم والقت القبض على اكثر من 100 .. (شوف الحتة الهلس اللي جاية دي ) كما تصدت قوات الامن لمسيرة نظمها بعض اعضاء هيئة التدريس بجامعة القاهرة سيرا على الاقدام من الجامعة حتى النادي ومنعت وصولهم إلى المقر وتسبب ذلك في اصابة حركة المرور في شارع رمسيس بالشلل التام وارتباك شديد واصاب عدد كبير من المواطنين والموظفين بالضيق والتذمر والغضب الشديد بسبب عدم تمكنهم من الوصول إلى اعمالهم وطالبوا باعتبار يوم امس اجازة وعدم توقيع جزاءات عليهم.
الجمهورية :::
بلا اي كسوف او خجل من الكذب وبوجه مكشوف كتبت الجمهورية بتاعة محمد علي ابراهيم -اعضاء كفاية اغلقوا وسط البلد .. شوف ازاي؟؟؟؟؟
وانهم تسببوا في عرقلة المرور مما دفع بأجهزة الامن للتدخل لمنع الفوضى بعدما قام المتظاهرون بترديد هتافات وتمت محاصرتهم في شارع رمسيس الا انهم تفرقوا وتجمعوا امام مسجد الفتح مما ادى (برضه) لاستياء المارة والموظفين والقي القبض على عدد منهم بتهمة اثارة الشغب وتكدير الامن العام ...
اما صحيفة الحياة اللندنية
فكتبت في العنوان (الازمة بين الحكومة والقضاة على حالها بعد تأجيل البت في مصير قاضيين)
وقدمت الصحيفة درس رائع في الحياد لاستاذة النفاق الصحفي ..
فحينما تناولت الصحيفة احداث المظاهرات قالت بالحرف (.. تفجرت تظاهرات مؤيدة للقضاة نظمها زملائهم من اعضاء نادي القضاة وناشطون من مختلف القوى السياسية .. وفرضت قوات الامن امس طوقا كثيفا حول نادي القضاة ودار القضاء العالي واغلقت الشوارع كما منعت الموظفين بنقابتي المحامين والصحفيين ودار القضاء من الذهاب إلى اعمالهم. كما تم اغلاق اكثر من 100 محل تجاري في ذات المنطقة).
ونقلت الصحيفة عن مسؤولي كفاية والاخوان المسلمين ان عددا كبيرا من اعضائهما تعرضوا للضرب المبرح والاعتقال من قبل قوات الامن .
---------------
اما الصحف الامريكية::
الواشنطن بوست//
قالت (الالاف من قوات مكافحة الشغب الامريكية تضرب انصار الديموقراطية في القاهرة يوم الخميس وتطاردهم وتجرهم في الشوارع لتفريق المظاهرة التي اندلعت لتأييد قضاة قالوا انه وقع تزوير في الانتخابات.
ويبدو ان العنف هو إشارة لبداية تبني الحكومة المصرية موقفا جديدا تجاه الاحتجاجات المطالبة بالاصلاح والتي تعرب عن عدم رضاها عن الرئيس حسني مبارك لفشله في الوفاء بالوعود التي قطعها بشأن التغيير الديموقراطي
في البلاد)
واضافت (قوبل المئات من المتظاهرين بمظاهر من العنف من قبل صفوف من قوات الامن يحملون عصي طويلة واغلقوا الشوارع حول المحكمة في قلب القاهرة. بينما طارد رجال يرتدون زي الشرطة المتظاهرين في الشوارع وسحبوهم وضربوهم ثم اقتادوهم لشاحنات على مقربة من موقع التظاهر او في مباني قريبة.
وسحب رجال الشرطة سيدة مسنة من زراعها بعنف في محاولة لاداخلها إلى سيارة الشرطة ومزق رجال الشرطة جلبالها وسقطت على الرصيف في ملابسها الداخلية حسبما قالت الناشطة بثينة كامل).
ولم تختلف غيرها من كبريات الصحف كثيرا في ذكر المهازل التي وقعت امس بينما ركزت النيويورك تايمز على الحالات الفردية لمواطنين اعربوا عن سخطهم على النظام وقال احدهم (نحن نعيش في دولة بوليسية .. هذه امور غير مسبوقة) وقالت مواطنة اخرى (نحاول فقط ان نذهب إلى اعمالنا)
ولم يبقى سوى ان نقول ان لهؤلاء الحمقى الذين الحقوا العار بمهنة الصحافة الشريفة .. عيييييييب !!!
ان اردتم ان تخدعوا الشعب فرجاء تحلوا ببعض الذكاء !!!!!

11 comments:

حاجات ومحتاجات said...

لالا يا بلو يعني تتجني على صحافتنا الحرة ومش كدة وبس دنتي اللي غلطانة كمان!
حد قال لك ترجعي تقري جرايدنا الرائعة تاني ههههه

arabic man said...

لا تنغش كثيرا ببعض الصحف التي تعتبرها حيادية فهي بمعظمها ذات سياسات مدروسة نحن البلوغرز لنا دور مهم في كشف النفاق الاعلامي أيضا
تحية للصحافة الحرة

arabic man said...
This comment has been removed by a blog administrator.
arabic man said...
This comment has been removed by a blog administrator.
Anonymous said...

متعزيناش فى حالنا يا بلو ... والله الواحد مبقاش لاقى حاجه حلوه يتكلم عنها

اﻷهرام اللى كان بكتب فيها

نجيب محفوظ - يوسف ادريس - زكى نجيب محمود - وطبعا هيكل

اللى كل مقال لواحد منهم بكتاب يتقرا ، طبعا للاسف أنا لسه كنت صغير ساعتها ووالدى هو اللى بيحيكلى وازاى انه الواحد كان بيروح يشترى الجرايد قبل مايجيب اﻷكل نفسه .

جاى دلوقتى يمسكها هذا السرايا المخبول والموالس
واللى ان شاء الله هيتعلق فى ميدان عام زيه زى المجرمين التانين اللى موتوا الشعب المصرى

ولازم يا بلو تتوقعى ان الفساد دلوقتى فى كمل حاجه حوالينا والموالسين كتير قوى

طبعا أنا مش هتكلم عن اﻷخبار ولا الجمهوريه لانهم شرحه

بس صدقينى هما بيكتبوا لنفسهم .. احنا مش سازجين ولا عبط زى ماسيادتهم متصورين

الشعب المصرى دا أصله فرعون فعلا يعنى بيفضل نايم نايم وسلبى وجبان وكل الصفات اللى بتوصف المعنى دا

وفجأه هتلاقيه وقف مره واحده وبقى سيل جارف يقلع كل جذور الفساد اللى حوالينا

بس هوا كان محتاج شعله والشعله هنا النخبه أو الصفوه - طبعا مقصدش هنا بتوع الروتارى ولا الليونز -

أقصد نخبة المجتمع من مثقفين ومفكرين وسياسيين وعلماء


وكان أول جزء فى النخبه قال كلمته هما القضاه والبقيه تأتى

ودا اللى الشعب المصرى محتاجه


معلش اعذريه .. أصله شعب متعود انه ميتحركش لوحده حتى من أيام الفراعنه .

bluestone said...

((لالا يا بلو يعني تتجني على صحافتنا الحرة ومش كدة وبس دنتي اللي غلطانة كمان!
حد قال لك ترجعي تقري جرايدنا الرائعة تاني ههههه ))

لا وانا اقدر اتكلم على الريادة الاعلامية .. مقدرش .. طبعا ..

هي فعلا غلطتي وقد تبت وانبت ولن اعود لمثل هذا الشر العظيم .. بس عزائي الوحيد اني مادفعتش ولا مليم يعني مش حرق دم وخراب ديار ..


(((لا تنغش كثيرا ببعض الصحف التي تعتبرها حيادية فهي بمعظمها ذات سياسات مدروسة نحن البلوغرز لنا دور مهم في كشف النفاق الاعلامي أيضا
تحية للصحافة الحرة ))

انا لا اتعامل مع اي مسلمات .. لذلك فانا اقرأ واحكم واقارن بين ما تراه عيني وما اقرأه وما يحدث على ارض الواقع .. وكلنا نعلم ما حدث وقد تحدثت الصور افضل من الاف الكلمات ..
ولا احد ينكر انهم في صحافتنا القومية الغراء يتعاملون مع القارئ او المواطن من منطلق اللي ما تعرفوش مش ممكن يزعلك .. وخلصنا على كده .. لا حيادية ولا شفافية ولا حرية .. كله بيكتب سبوبة ..



(((اﻷهرام اللى كان بكتب فيها

نجيب محفوظ - يوسف ادريس - زكى نجيب محمود - وطبعا هيكل )))
شوف يا عم احمد .. مش بيقولوا كل عصر وليه ادان .. هي دي الفكرة كل عصر ليه قيم ورموز بتعبر عن قيمة العصر ده واهميته .. والزعيم اللي كان فيه في عصره مطربين زي عبد الحليم وام كلثوم وكتاب زي محفوظ والسباعي وغيرهم

غير الزعيم اللي مطربه الاول محمد ثروت وشعبان عبد الرحيم ورموزه القلم فيه هما سرايا ونافع والقط ..
ده ابلغ دليل على العصر اللي احنا فيه والمستوى اللي وصلنا له ..

صدقني نفسي اصدقك ..
صديق عزيز قال لي مرة ان التاريخ بيقول ان الشعب المصري عبر تاريخه لم ينجح ابدا في القيام بثورة من تلقاء نفسه .. لازم تدخل يا من الخارج يا اما من الجيش .. اما الشعب من تلقاء نفسه لا يمكنه حتى تنظيم صفوفه بشكل منطقي .. !!!!

كلام صديقي منطقي جدا .. ومحزن جدا في نفس الوقت !!!!

Mukhtar Al Azizi said...

هل من الممكن أن أحتفظ بمدونتك هذه عن تعامل الصحافة مع الحدث وأشير اليها في مدونتي؟ شكرا

bluestone said...

(هل من الممكن أن أحتفظ بمدونتك هذه عن تعامل الصحافة مع الحدث وأشير اليها في مدونتي؟ شكرا )

بكل سرور .. بل ويشرفني ايضا ..

قلم جاف said...

شكراً لإنك ما قلتيلناش روزا قالت إيه في الموضوع.. أنا لسة عضو جديد في نادي الضغط العالي .. ولسة ما أعرفش دوا ضغط كويس علشان أستحمل روزا وصحفجيتها المرشقين في التليفزيون ودريم وفضائيات الجاز من عينة روطانا والإيه آر طين!

Anonymous said...

الحفلة كانت كويسة فعلا. أنا قعدت للآخر مع اني ما كنتش ناوي الحقيقة يعني (ما تقولوش ليحيى مجاهد :)

حالة عجبوني، و دي تاني مرة أشوفهم بس.

ضيّ كانوا هايلين: الأغنية السوريالية و المقامة و القصة ال ما فهمتش مغزاها، و لما غنوا للعادلي قعدت أدور على الشخص ال كان بيصور فيديو لكن للأسف ما لقيتوش. كان لازم يكون في حد معتمد عليه للتوثيق. لكن كان ممكن وقتهم يقصر شوية؛ يعني يخلوهم في إبداعهم هم و يسيبوهم مثلا من أغنية الشيخ إمام لأنها معادة و بيطلعلنا ناس عاوزين يقعدوا يسمعوا فيها و يزهقونا :)

لكن ما عجبنيش الشعر عن حاتحور خالص.

لحن النوبي و ميسة كان كويس جدا كمان، و أغنية كراسي تيفال.

هو انتم ما حطيتوش النسخة الكاملة من وثائقي الجزيرة على القرص؟ أنا فهمت أنه النسخة ال اتعرضت كانت مختصرة (لكن ما حضرتش العرض)

التنظيم كان كويس جدا كمان في رأيي.

ابن السبيل said...

علي فكره الأهرام بتاعة سرايا أخبار اليوم هي اللي بتاعة القط