Friday, August 10, 2007

حجازي والمفتي .. وكرسي في الكلوب..تحديث أخير

تحديث:::
ده الكلام اللي قالوه حجازي .... حكايته على عهدته ومسؤوليته ... دون مصادر خارجية
(ورد إلينا من صديق)
الكلام مش جديد ومكرر ونمطي .. تقليدي في الحالات المماثلة .. لم يثر تعاطفي باي حال
فقط اردت ان اشارككم باحدث ما وصلنا
وده الكلام اللي قالته وكالة أنباء رويترز
هناك بعض الثغرات في الرواية .. ومن السخف والحماقة
ان يتم اقحام واقعة تعدي رجال الشرطة على مصري وقتله ودي حاجة بقت بتحصل كل يوم وتحويلها إلى مشكلة طائفية .... او ذات أساس طائفي واغفال حقيقة اعتداءات الشرطة المتكررة على المصريين
وتحديث أهم بكتييييييييير:
ايا كانت قضية حجازي وظروفه وايا كان ..سواء كان مخلصا أم مدعيا .. عميلا أم ضحية ... مش مهم .... تفاصيل الافراد ليست مهمة على الإطلاق ........
لايجب أن نغفل القضية الحقيقية .. التي أثارتها تلك الحالة .. القضية الحقيقية هي (حرية الاعتقاد).. ان تملك الحرية في أن تؤمن بما تشاء وألا يسلط أي شخص كائنا من كان سيفا على رقبتك لانك غير معتقداتك الشخصية ....
متى سندرك أن قوة الدين ليست بعدد اتباعه وان من يغير معتقده ليعتنق آخر ليس غنيمة .,. المسألة أصلا ليست حربا ...
لا تنسوا القضية الحقيقية ... رجاء
في البوست السابق استغرق الأمر نحو 50 تعليقا للتوصل إلى ان من حق اندرو ماريو ان يبقوا مسيحيين كما هم ولا يعني إسلام والدهم انه يتعين عليهم ان يعتنقوا الاسلام هم أيضا .. لانهم وصلوا لسن يسمح لهم بقبول واختيار العقائد .. ولان الوالد لم يكن مسلما وقت إنجابهم وانه انفصل عنهم قبل 7 اعوام ... إلى آخر القصة الطويلة
ولكن أبى القدر إلا ان يضعنا في مأزق آخر (ويا خوفي يا بدران) من المأزق الآخر الذي سيكون له من العواقب ما لا يسر ويرضي .. (وربنا يستر) خصوصا وان الأمر هذه المرة (ككل مرة) في يد القضاء (واني لاشفق عليه) النزيه العادل المتزن .. (وكلنا عارفين اللي فيها)ه
الحطاية ببساطة مخلة طبعا هي عن الشاب محمد أحمد حجازي .. والذي سيصير اسمه أشهر من نار على علم في الأيام المقبلة .. وسيواجه الأمرين .. وسيتاجر الكثيرون باسمه وسيستغله آخرون لتصفية حسابات قديمة (والايام بيننا)ه
ما علينا .. حكاية هذا الشاب البالغ من العمر 25 سنة انه عايز يبقى مسيحي !!!!!!!!!!!!!!!!
أن أن أن .......(موسيقى الرعب بتاعة افلام المليجي)ه
والخبر كما اوردته المصري اليوم والدستوراليومي يفيد بان (المواطن) محمد أحمد حجازي أقام دعوى قضائية أمام المحكمة الإدارية يطالب فيها بتغيير ديانته للمسيحية. وأكد انه اعتنق المسيحية منذ كان في 16 من عمره وتزوج فتاة مسلمة اعتنقت المسيحية هي الأخرى ولكنهما لم يتمكنا من تغيير أوراقهما .. ولكن اليوم هي على وشك وضع طفلهما الأول ويريدان أن يقيدانه مسيحيا ويغيرا أوراقهما الرسمية
وها هو حجازي في خضم مناقشات التبعية الدينية والتوريث الديني .. يحطم كورسيا في الكلوب .. ويعلن انه عايز يبقى مسيحي زي ما أي مسيحي بيقدر يقول انه عايز يبقى مسلم وبيقدر وبيبقى والناس والحكومة بتشجعه
تصريحاته لم تقل إثارة عن رغبته المجنونة الشجاعة المحفوفة بالمخاطر .. فقد أكد انه أجرى نوعين من مراسم الزواج احدها إسلامي على يد مأذون والآخر في الكنيسة.. مرة لأجل الأوراق الرسمية ومرة لأجل المعتقد الشخصي
نخله ونعش المفتي
اما من أين تأتي ثقة محاميهم (وهو طبعا ممدوح نخلة محامي الكنيسة المصرية) من الفوز .. فالرجل دق اليوم مسمارا جديدا في نعش المفتي المسكين .. الرجل الذي صار يثير غضب الجميع ولا يرضى عليه أحد ,, وهي إشارة على انه على حق فيما يبدو
وقال نخلة اليوم انه واثق من الفوز استنادا على تصريحات المفتي بانه لا إكراه في الدين وانه يجوز للمسلم تغيير دينه إن أراد باعتبار ان الدين مسألة ضميرية بين الانسان وربه (الله يا عم المفتي .. ما هو ده اللي بنقوله من زماااان). وأكد نخله إن المفتي قال إن الله تعالى كفل للبشرية حق اختيار الدين دون إكراه أو ضغط خارجي
اي قول أقول بعد كل ما قيل
المفتي .. أكد ان الدين حرية .. وان من حق أي إنسان ان يختار .. وان المسألة مش ان دخول الدين مش زي الخروج منه واللي مش عاجبه يروح يموت ..
حجازي ضرب كرسي في كلوب التشدد
وكرسي في كلوب اصحاب الاصوات العالية المتشدقة بالدين
كرسي في كلوب تجار الدين
كرسي في كلوب مانعي نور الحرية
هنتكلم عن ايه بقى .. إلا ان قلنا سيبوا كل واحد حر يعمل اللي هو عايزه .. طالما لا يدعو ولا يبشر ولا يسيء
ولي سؤال على هامش ::
التوقيت .. واضع تحتها 1500 خط . .بجميع الألوان
-لماذا كل هذه القضايا الآن؟ لماذا ماريان وكريستين ؟ لماذا العائدين؟ لماذا اندرو ماريو؟ ثم لماذا حجازي الآن؟
فالقاسم المشترك بين هذه القضايا ان كلا منها استغرق وقتا طويلا للظهور على السطح
-هل هي مؤامرة للقضاء على المفتي الذي لا يرضى عنه أحد؟ لا اليهود ولا النصارى ولا المسلمين أنفسهم؟
-أم أن الأمر أكبر من ذلك .. وهو تمهيد حكومي مدروس لتأهيل الشعب لتعديل جذري في بعض القوانين؟؟؟؟؟؟
-أم تأهيل لما طالب به المجتمع الحر سنوات وسنوات وهو إلغاء خانة الديانة من البطاقة الرسمية؟؟؟؟؟؟؟
-أم هي صدفة بحتة؟؟؟؟؟؟؟؟؟
- أم تدبير لاشعال فتيل الطائفية إما لالهاء الناس أو تمهيدا لعنف أهلي ؟؟؟؟
-أم هو فقط إشارات على اتساع مناخ الحرية والاعتدال حتى اصبح بمقدور اي إنسان أن يرفع دعوى قضائية لتغيير دينه؟
- أم هو على العكس تماما انعكاسا لتردي الأوضاع في مجتمعنا حتى بات الدين جبرا وقهرا يستلزم حكما قضائيا حتى يتمكن المرء من العبادة.؟؟؟؟؟؟؟
أسئلة معلنة .. وأخرى ليست كذلك
وليس أمامنا إلا الوقت لنعرف الإجابات
وتمني نهاية أقل سوءا من المتوقع

57 comments:

Mongey said...

كلامك صح جدا انا برضه كنت مستعغرب من كم هذه القضايا في وقت واحد و كله ظهر مرة واحدة و تدخل الاعلام ادي الي ظهورالقضايا اكتر واكتر و انا اعتقد ان القضايا دي تمهيد لازالة خانة الديانة من البطاقة لان القضايا السابقة وصلت لحالة من التعقيد سواء في الناحية الدينية او الناحية العقائدية وبالتالي اسهل
حل هو ازالة خانة الدين من البطاقة
و ده الحل الاسهل و كمان علشان لا تظهر
قضايا زي دي تاني مستقبلا في المحاكم المصرية

اعتقد ان الحوادث والقضايا دي ظهورها كلها علي السطح دفعة واحدة غريب حبيتن عموما هنستني ونشوف الايام
مخبية ايه بعد كدة

ahmad said...

اللي أنا قلقان منه ، مش وضع المفتي - اللي هي مسألة سياسية ما تهمنيش للدرجادي - و لا حكم المحكمة ، و لا المحامي نخلة و موقفة ، اللي يهمني أكثر في الموضوع هو رأي الشارع ، الناس متعاملة مع الفكرة إزاي؟ بمعنى هل فيه خطر على حياة حجازي و لا لأ ، و شغله ، أو دراسته ، و الكلام ده كله ، لإن هو ده اللي بيحرك القضايا ، مش القانون للأسف.
أنا كنت قريت زمان إنه في واحد في الثلاثينات رفع قضية مطالبا بتغيير خانة البطاقة إلى : ملحد ، و انه كسبها ، لو ده كان كلام صحيح ، مش تعتبر سابقة قانونية و تحل الأزمات دي؟

Lasto-adri *Blue* said...

معلش يا بلو ستون بس سؤال بعيد شوية عن سياق الحوار
مين قال ان المسلمين مش عاجبهم المفتى؟
اظنه بالعكس.. رغم اللى ع الساحة من جدل دائر.. ودا يثبت صحة كلامى
هو -عن جد- أفضل مفتى عرفته طوال فترة ادراكى

Xee said...

اتمنى فعلا يكون سبب ظهور كل القضايا دي عى السطح هو اتساع مساحة الحرية شوية في مصر

مجرد تمني

سؤال جانبي
هو التبشير في مصر ممنوع بالقانون؟

تحياتي

Gid-Do - جدو said...

بلو ستون

اولا ـ الدكتور على جمعة مفتى مصر رجل عالم فاهم مستنير وعلشان كدة خفافيش الظلام ضدة على خط مستقيم ومثال واحد على كدة ان الدكتور حرم ختان البنات وخفافيش الظلام مع ختان البنات رغم ان الله عز وجل خلق الانسان فى احسن تقويم ـ يعنى البنات مش محتاجين ختان وربنا عاوزهم كدا ـ لكن خفافيش الظلام عاوزين يعدلوا حتى على ربنا عز وجل ـ كان الله فى عون الدكتور على جمعة

ثانيا ـ اللى عاوز خراب مصر كثيرين واسهل مدخل للخراب انه يدخل من ناحية الدين لان الدين ـ مسيحى او اسلامى ـ شئ من اهم تركيبة وجدان الشعب المصرى ـ مفيش حد فى مصر الا ويؤمن بدين حتى الملحدين جواهم دين بس عندهم شك فيه ـ وعلشان كدة انا باختار الاجابة التالية

- أم تدبير لاشعال فتيل الطائفية إما لالهاء الناس أو تمهيدا لعنف أهلي ؟؟؟؟

علشان كدة لابد ان الناس تفوق وتعرف اللى بيتخطط لهم وطبعا فية فلوس زى الرز للوصول لهذا الهدف بتدفع ـ لابد من الحذر والا حتكون النار اللى لا حتخلى لامسلمين ولا مسيحين وحتبقى ايرلندا الشرق ـ وربنا يستر ونفتح عنينا وقلوبنا ونبعد عن الخطر

smraa alnil said...

كل اللي هقدر اقوله ليكي اني مش عندي اي اجابة للاسئلة اللي انتي قلتي عليها في الاخر
بس اننا ليا سؤال بجد

تفتكري بعد ما المواضيع دي تجلجل كدة

هتنام امتي
قبل الحق ولا بعده

Anonymous said...

حجازي إيه إلي معتقن الديانه المسيحيه
ياجدعان إنتم هتغبلوني ليه
في سنه 2006 حجازي كان عضو في حزب العمل الإسلامي
وفي سنه 2006 برضه إتعمل فرح علي مراته علي سنه الله ورسوله وكان فيه مشاكل في الجواز كمان
حجازي كان بيصلي معانا في الأزهر
إنتم هتخبلوني ولا يمكن أنا المخبول

bluestone said...

منجي:
هو التوقيت فعلا غريب
ممكن يكون تفسير الأمر بريء بانه لما بتظهر قضية فبعض الناس بتتشجع انها تخرج للنور وتتكلم هي كمان ..
وممكن يبقى التفسير اعقد من كده
الوقت بس هو العامل الحاسم في معرفة الحقيقة.
وبصراحة بقى فعلا لازم يشيلوا الخانة المزعجة دي.
-----------------------------

أحمد:
استقبال الشارع اكيد من هيكون إيجابي ابدا .. ونقدر نتوقع ان القضية لو استمرت بنفس السخونة والصوت الاعلامي العالي .. هيبقى رد الفعل بايخ قوي في الشارع ..
وقليل ان لم يتطوع أحد "فاعلي الخير" عشان يقيم الحد على الراجل مثلا .. أو على ناس تانية مالهاش علاقة بالموضوع
اكيد اللي عنده استعداد يفجر قضية من النوع ده لازم يكون مستبيع قوي ..
وواثق قوي ومؤمن قوي بقضيته

وكله هيبان
في بعض الأوقات لا يمكن استبعاد أي سيناريو حتى الاكثرها خيالا

bluestone said...

لستو ادري:
ناس كتير جدا يا لستوادري بيكرهوا المفتي .. اقري شوية عند نواره لما اتكلمت عنه
أو اعملي سيرنش على جوجل عشان تتفرجي على الكلام اللي بيتقال عليه .. خصوصا اليومين دول لانه مهيج الناس عليه بتصريحاته
انا شخصيا مش ضده .. لانهم لست عالمة دين ولا دارسة ولا استطيع ان اقول ان كان شخص مستنير أم لا عالم ولا لأ
لكن في جميع الأحوال انا دائما احترم شجاعته في انه بيقول اللي هو عايزه
ربما ناس كتير بتعتبره حكومي ..

احنا ما نقدرش نعمم بأي حال من الأحوال .. يعني ما نقدرش نقول ان كل الناس بتحبه ولا كلهم بيكرهوه
-----------------------------------
Xee :
ده كان سؤال من باب تغطية كل الاحتمالات حتى البعيدة منها واللي بتدخل في باب الاساطير :)

قال مساحة حرية قال :)
اما بالنسبة لسؤالك عن قانون التبشير
لا اعتقد ان فيه قانون يحظر التبشير بكافة صوره في مصر .. بل ان فيه وثيقة أثارت جدل واسع جدا من سنتين وهي وثيقة الحريات الدينية
تنص علي أن للجميع مطلق الحرية في الدعوة لاتباع أي ديانة مادام ذلك بالحسني ودون إكراه أو اضطهاد.
وان من حق الأفراد والجماعات من مختلف الأديان في أن يعرضوا بشكل سلمي علي الآخرين نظرتهم الخاصة بالأمور اللاهوتية أو الإنسانية أو الحياة الآخرة، ولكل إنسان الحق المقدس في اعتناق أي دين دون التعرض للأذي من قبل أي جهة أمنية أو سياسية.

ده نظريا لكن الواقع حاجة تانية .. وافتكر ان التبشير بيدخل رسميا تحت بنود قانون ازدراء الاديان
فلو دعوت لدين ما فيفهم ضمنيا انك تزدري الدين الآخر ..

bluestone said...

يا جدو:
انا معنديش مشكلة إطلاقا مع الشيخ علي جمعة .. بالعكس انا قلت اني بتعجبني شجاعته جدا وانه مابيخافش يقول رأيه طالما يرى انه على صواب

يمكن المعتقد والممارسة بيكونوا جزء كبير من حياة المصريين .. لكن احنا مش شعب متدين ولا مؤمن ولا حاجة يا جدو صدقني

------------------
سمراء النيل:
هو فكرة اصلا الحق ممكن ما تجيش ..
يعني قبل الحق ولا بعده ؟؟
مين ضمنا أصلا ان الحق هيروح لاصحابه ..
انا قلت في البوست .. انه فيه ناس كتير هيتجاروا باسمه لما يقولوا يا بس ..

عادي جدا .. هيبقى فيه ناس تستفيد منه ومن حكايته والاعلام والفضائيات مش هتسيبه.
---------------------

bluestone said...

ميت:
هو ده اللي هو قاله على التلفزيون وفي الجرايد .. هتعرف اكتر منه؟؟
لو تعرفه شخصيا قولنا القصة ايه؟؟
انا لا اعرفه شخصيا ولم اسمع به إلا من الجرايد والتلفزيون ..
ولكن بما انك تعرفه معرفة قوية ما تقولنا الحكاية اصلها ايه؟؟؟

بنت القمر said...

اختى الفاضله بلو ستون
هاخش فى الموضوع دغرى فاكرة وفاء قسطنطين.... فاكراها اوعى تنسيها يا مارياان هههه
ليه لما نقول انتى بتبتدى الموضوع بان التعليقات اللى فى الموضوع السابق واللى هى 50 معظمها انتى كاتباه اثبتت ان اندرو وماريو من حقهم يرجعوا دينهم ماشى طب وفاء قسطنطين ماكانش من حقها ولا هو ليكو حلال الكنيسه تاخدها وتخفيها وتعملوا مظاهرات والحكومه اهى اديتها لكم وعليها بوسه ومش عاوزين وجع دماغ
لما واحد مسلم يعوز يغير يبقى المفتى مش عارفه ايه والغو الدين من خانه البطاقه!!!ا
طب ايه رايك بقى انا بقي المفتى عاجبنى وكل الكلام اللى بتقوليه ده تحيز لخلفيتك المسيحييه ها تقوليلي نوارة ما بهمنيش ايه لان معندهاش دليل بتقول الكلام وعكسه فنفس اللحظه واقري تانى تعليقاتى عندها على موضوع ماريو واندرو
كفايه بقي كفايه انتى تقدرى تفتحى بقك على البابا اللى لاغى الطلاق و12000اسره مسيحيه منتظرة حل ومش لاقيين حد يقدر يفتح بقوا ها تقولي دينا كدا طب ومالو دينك على عينى وراسي وانا كمان دينى كدا وعاجبنى وبحترم المفتى ها فيه اعتراض؟؟؟
مش احنا الشياطين ولا انتوا الملايكه اللى باجنحه اتخنقنا بقي اضطهاد اضطهاد ايه انتوا شركاء فى الوطن مش شوكه في زورنا
صدقينى في ناس مدوناتها مليانه لعن وسب فدين المسلمين وكلها حقد وتعصب تفتكري لما انا اقراها وبعد حبه تيجى جارتى المسيحيه اللى بحبها من قلبى تخبط على بابى اقابلها ازاى اكيد ها يجي على بالى كل دا يا ترى ايه مشاعرها من ناحيتى صادقه لما بسلم عليها وابوسها ولا قلبها فيه ايه؟؟؟
روحى عند تحتمس وشوفى العجب عشان تعرفى مين مضطهد مين
انا لولا ان لغتك محترمه واسلوبك مهذب ما كنتش اعق عندك بس هناك المستوى كان ما ينفعش للنقاش
تحياتى اختى الفاضله واحترامى لك

أحمد المصري said...

المشكلة في الناااااااااس
يا ستي الحاجات الكتير دي حتودينا في داهية احنا معدناش طايقين بعض لا المسلمين طايقين نفسهم ولا الأقباط طايقين نفسهم و الإتنين اتغيروا ومستنيين أي حاجة عشان ينفجروا والله ده حرام كفاية حرااااااااااااام0

Lasto-adri *Blue* said...

معلش يا بلو ستون.. مع احترامى للجميع طبعا.. بس تصحيح بسيط للمعلومة
اللى بيعلقوا عند نوارة او حتى كل المدونات من اولها لآخرها، لا تمثل نسبة 10% من اجمالى الشعب المصرى... اذا فهم مش مقياس
بالاضافة الى ان الافتراءات المكتوبة على الانترنت يعنى برضو مش مقياس لشيئ.. لان من باب اولى اللى عايز يدور بجد.. ح يلاقى افتراءات ويمكن اكتر من كدة بمراحل متقدمة ضد الرسول الكريم
:)

فاحب اقول ان عموم الشعب مش ضد المفتى ولا حاجة... وزى ما قال جدو وبنت القمر.. هو رجل فعلا مستنير.. وأخيرا جه واحد يطبق ان لا اختلاف بين الدين والدنيا... وكل الضجة الموجودة حوله للاسف لهذا السبب
يعنى مش عايزة ادخل فى مواضيع تسيس الدين وخلافه.. انما هو دا الواقع يا عزيزتى..

ولو فى اتضهاد فى البلد دى بجد... فصدقينى يمارس على المسلمين والمسيحين سواء ولكن باشكال مختلفة... والمصيبة للمسلمين مصيبتين.. لانه على المسلمين منهم



انا نفسى حد يجاوب عن سؤالى.. وبطرحه عندك يا مريان والله لمعزتك عندى
صحيح انا اتولدت مسلمة مصرية.. انما ممكن تجاوبينى، قبل الاسلام كان اهلى دينهم ايه؟ ديانة مصرية قديمة ولا مسيحين؟ ولو مصرية قديمة.. يبقى ليه دلوقتى مافى ولا واحد عنده نفس الاعتقادات القديمة، بينما المسيحين ماشاء الله يعنى فى مصر؟
وان كان اهلى دخلوا الاسلام بحد السيف كزعم الكثير.... ممكن اعرف ليه التدين الحمد لله سمة قوية فى عائلتى الكبيرة -والحمد لله، وقد تفزعين من عدد افراد عائلتى كلها-... مش من باب اولى ان التدرج الدينى يقل مع تقدم الزمن؟
بمعنى انه من دخل بالعنف طبيعى انه لا يهتم اساسا بتربية اولاده تربية اسلامية وما الى ذلك، لحد ما الدين يختفى او ع الاقل يقل بشكل ملحوظ اكثر من هذا؟؟


مش ح قول لك ان مصر عايشة فى سلام وأمان بين المسيحين والمسلمين.. مش ح قول لك ان الحقوق كاملة مكتملة للجميع... ولو عايزة اجيب لك وقائع تمارس عليا شخصيا وكل يوم
:)
انما على كل الاحوال.. اظن ان الكام سنة دول، من بعد بداية الحوار عن الفتنة بالذات.. الأوضاع بقت اسوء من سابق.. دا مؤكد.. ولو فضلنا فى حوار.. دا شد شعرى .. لاء دا خطف العروسة... البلد ح تخرب.. والمشكلة ع المسيحى والمسلم زى بعض...
للاسف الحقيقة ان كلنا جيران فى نفس العمارة، مع اختلاف الادوار

Anonymous said...

العزيزة بلوو

يا ريت قبل الكلام عن عم حجازى كار دة
تشوفوا الكلام المدعم بالصور دة ومن اصدقائه اللى كان بيصلى معاهم الجمعة وهو فى الثانية والعشرين من عمره وبرغبته


وتشوفى كمان لوفيها تعب حقيقة زواجه بزوجته المدعوة زينب
والمقال دة
صحح نظرتى له فى برنامج العاشرة مساءا أولما عينى وقعت عليه

فاكرة اجدع بتاع أفغانستان اللى أشهر تنصيره علشان الهجرة والفيزا المفتوحة؟؟؟؟؟؟؟؟
وأهله اتهموه بالجنون واتبروا منه وبالفعل هاجر على كنكا؟؟؟

خدى اللينك خدى يا بنتى
ولسة ياما حنشوف فى البلد دى من عجايب

http://elhakika.blogspot.com/2007/08/blog-post_6901.html

Anonymous said...

هو انتى اسمك مارياان؟؟

والله اول مرة اعرف يا بنتى
ههههههههههه ولا كان باين عليكى


المهم يا ستى
المفتى دلوقتى رغم الفرقعات اللى بيعملها...ورغم معارضتى له على أغلب الخط
لكن هو أثبت بما لا يدع مجال للنقاش أنه رجل يهوى كسر القوالب الجامدة والمحظورات والموانع
بيعطينا فرصةنفكر وندور ونشتغل على اللى مطروح علينا و مقارنته باللى مفروض علينا من قديم الزمن

من أحسن اللى جلسواعلى كرسى الافتاء بعد فريد واصل الله يمسيه بالخير

الموضوع كله سكاكين مخبينها ورا ضهر بعض ولبعض


وزى ما قلت عندى فى ردى عالتعليقات على البوست الأخير
أنى انا كمصرية أحمل لقب قبطية
وأهلى قبل الاسلام كانوا ينتمون للديانة المسيحية
يعنى ليا حق فى الأرض والتراب دة على عكس المروجين ان المسلمين دخلاء ومحتلين


معلش يعنى ماهو شبةالجزيرةوتوابعها مسابتش اراضيها وجات استقرت فى المحروسة وتناسلوا وتكاثروا وأنتجوا الشعب دة كله على مر السنين

احنا نتيجة لحلقات التاريخ
بدءا من عصور ما قبل التاريخ وحضارات نقادة الأولى والثانية وحضارات الفيوم والعصور الحجرية
وصولا لما نحن فيه الآن
مفيش حلقة منفصلةعن غيرها
واللى عاوز يفصل الحلقات عن بعضها

حيدمر تسلسل التاريخ وسينتج كائن مسخ مشوة
يمكن زى أحدب نوتردام ومينفعش يبقا اسمه تاريخ ولا حتى حاضر

حيبقا اسمه بقايا وأشلاء مصرية

Mirage said...

انتى سبقتينى فى الموضوع ده

بس انا جبته من محيط وانتى من الدستور


وبخصوص شهروزة

هو فى حد بيتصور وهو بيصلى الجمعة

والفيزا مش بتتاخد على اساس الدين خالص

المجتمعات المتقدمة كلها بلا دين

عباس العبد said...

الظاهر انى يا بلو يا بنتى
الظاهر انى لازم اعلق عندك على الموضوع
لأن لازم الناس تسمع صوت الحكمة
و لأنى لسه منفعلتش جامد
لأن الموضوع فى أن مش مريحانى
و لما ارتاح حكتب و بشدة
و الان هى نظرية التسامح
احرام على بلابه الدوح ... حلال للطير من كل نوع
و بنت القمر الى ربطت بين وفاء و حجازى
و بين المقالات الى بتسىء الى الاسلام و جارتها الى بتحبها ... بتقلدنى ... و الظاهر انها صوت الحكمة من الجانب الاسلامى
زى ما قداستى هو صوت الحكمة من الجانب المسيحى
انا براجع بعض النقط فى موضوع وفاء فعلا دلوقتى و حرد علطول
انتظرونى

Alexandrian far away said...

صباحه يا بلو
أزيك؟
بما اني قررت ما أعلقش على اي بوست يعلق عليه رامز (عباس العبد) فأنا كتبت عندي في المدونه وفشيت خلقب براحتى
في حتتى مش في بيوت الناس
أبقى تعالي

bluestone said...

اخت القمر:
مبدئيا التعليق هيكون طوييييييل جدا

رغم انك بدأتي كلامك بأختي الغالية .. بس انفعالك غلب على اغلب الكلام .. وعملتي زي ناس كتير ودخلتي عيشة على أم الخير .. واللخبطة اللي احنا كمصريين بنموت فيها ..
معلش احنا بنعز السلطة زي عنينا ومانقدرش نعيش من غيرها ..

تعالي نفند الكلام اللي مكتوب تحت بالراحة ::: ونحط الخيار لوحده والقوطة على جنب والليمون كمان

أولا:
-ايوة فاكرة وفاء .. ليه؟؟
هو انا قلت قبل كده أو انتي سمعتيني أو قرتيلي .. اني طالبت بانها ترجع لجوزها ولا للكنيسة بالعافية؟؟؟؟
انتي ليه عممتي .. واتكلمتي معايا من منطلق "كلكوا مسيحيين بتقولوا كلام واحد"
انا عمري ماطالبت برجوع وفاء دي ولا غيرها ..و خلي بالك اني كنت فاكرة ماريان وكريستين بتوع التوك توك برضه ..
وقلت ان من حقهم طالما ده اختيارهم
ان شاء الله يعبدوا القمر .. طالما لم يسيئوا للديانة اللي جايين منها ..
وفي سن يسمح لهم واختاروا بارادتهم واعلنوا ده أمام الاطراف المعنية (اللي هي الاسرة بس اللي غالبا بيكون عندها شكوك ومخاوف)
-------------
القضية الاساسية هنا يا بنت القمر (هو انتي اسمك ايه بالمناسبة)
هو ان كل بني آدم حر ..
----------
ثانيا:
ايه اللي مزعلك من التعليقات اللي فاتت ؟؟؟؟؟؟
----------
ثالثا:
ايه علاقة وفاء بالقضية دي أصلا؟؟؟
وانتي إيش عرفك الكنيسة عملت فيها ايه ؟؟؟
اما أنا نفسي معرفش .. وما يهمنيش اعرف
والناس اللي تظاهرت دي .. رأيي انها مابتفهمش حاجة .. وأهلها بس هم اللي كان من حقهم يسألوا عليها ويعرفوا مصيرها ..
ولو اختارت بكيفها هي حرة ..
---------------
رابعا:
ايه اديتهالكم دي ؟؟
اللي هما احنا مين يعني.؟؟؟
ايه التعميم العجيب ده ؟؟؟
مرض مصري بحت ...
اتعاملوا على أساس فردي يا ستي .. هو انا بقولك اتفضلي يا ستي بن لادن بتاعكوا قال مش عارف ايه ؟؟
ولا شيخ الأزهر بتاعكوا افتى بإيه؟
انا بتعامل معاكي على اساس أرائك الفردية ..
معلش انا بكره جدا ثقافة الفرق دي
-------------------
وبعدين انا ماشوفتش البوسة اللي اخدناها من الحكومة .. انا ما حدش اداني حاجة !
--------------------
خامسا:
طيب ايه رأيك بقى ان انتي مافهمتيش ولا كلمة من اللي قلته على المفتي ....
ولا حتى قريتي تعليقي عليه ؟؟؟
انا قلت من كام تعليق كده لو كنتي قريتي بتركيز شوية من غير انفعال .. اني بحترم الراجل ده جدا وبحترم شجاعته في انه يقول اللي شايف انه الحق
وانه طالما مش راضي حد يبقى أكيد ماشي عدل .. واني معجبة بشجاعته وقدرته على انه يقول رأيه بحرية دون اي اعتبارات لا سياسية ولا غيرها ..
---------------------
سادسا:
ايه علاقة رأيي في المفتي (اللي انتي فهمتيه غلط) وبين تحيزي لخلفيتي المسيحية ؟؟؟؟؟
-------------------
سادسا:
تاني سلطة المصريين ..
شكلك بتحبي السلطة خالص يا بنتي
ايه علاقة الطلاق بالبابا بالمفتي بالحرية الدينية وبموضوعنا اصلا؟؟؟
وعلى فكرة الكلمتين دول مش هيعجبوا المسلمين لان القيادة الدينية في المسيحية مختلفة تماما عن الاسلام ..
---------
وبعدين ليه اتنقلي احساس ان انتي واقفة ماسكة شومة وانتي بتكتبي ؟؟
(ها فيه اعتراض ؟؟؟ حد يقدر يفتح بقه؟؟)
براحة يا عزيزتي احنا بتناقش ..
بس فكريني افكرك لو يوم اسعدني الحظ واتقابلنا :)
------------------
سابعا:
ايه علاقة الاضطهاد بالكلام؟؟
انا قلت اضطهاد؟؟
انا قلت شياطين وملايكة؟؟
انتي قريتي بوست تاني ولا ايه؟؟

لا انا قلت ان حجازي مضطهد
انا معرفوش اصلا
ولا انا قلت المسيحيين ملايكة .. ولا المسلمين شياطين
ولا كل الكلام اللي انتي بتقوليه ده ...

أنا قلت :::
كل واحد حر يعمل اللي هو عايزه
اللي عايز يسلم اوكي
واللي عايز يتنصر هو حر
طالما لم يبشر ولم يسيء
حفاظا على السلام الاجتماعي
واللي عايز يعبد القمر ولا الشمس ولا اي حاجة هو حررررررررررر
---------------------
ثامنا:
بالنسبة لجارتك أو الفكرة اللي بتتكلمي عنها
بسيطة تقدري تتعاملي معاها بمنتهى الود تمام زي العادي .. لو ما عممتيش المعاملة..
المسلمين في العالم مش واحد ولا اتعامل معاهم على انهم واحد
تماما زي المسيحيين
اتعاملي مع البني آدمين الافراد
لو جارتك المسيحية اساءت لك .. خدي منها موقف

انا ماليش دعوة بحد .. ومش هحاسبك مثلا على واحد في اسكندرية بيشتم المسيحيين ولا واحد تاني حدف طوب على كنيسة
ولا تالت ولع في بيت مسيحي ..
انتي مالك بدول ؟؟؟؟؟

ويا ستي متشكرين تاني
ومقدرة حساسية الكلام في الدين
واللي احيانا الانفعال بسببه بيخلي الواحد يقرا عكس اللي مكتوب

صباح الفل

bluestone said...

أحمد المصري:
الله ينور عليك ..
المشكلة في الناس
مشاعر الكراهية بقت اكتر من المحتمل وكله على المتغطي

Anonymous said...

ومين قال أنه اتصور وهو بيصلى الجمعة؟؟؟
لية انشاءالله؟؟ هو رئيس جمهورية ولا وزير؟؟؟؟

بنقول فى تظاهرات الرسوم المسيئة والا أنت يا رسول الله...وتظاهرات الاشتراكيين والليبراليين ألخ ألخ ألخ
من كل تيار يمشى وراه شوية وملقاش منه منفعة يلف على غيره


ومين قال ان احنا عاوزين مجتمعات قايمة على اساس دينى؟؟

ومين قال اصلااا ان احنا عاوزين كلام فى الدين

انا واحدة من الناس
أرفض ترك مشاكل المواطن العادى المطحون
والتفرغ فقط لاشعال النار والفتنة والحروب الأهلية
زى ما كتير من المدونين المسيحيين ويمكن الكل يعرف هم مين تفرغوا للأختباء خلف مدونات قذرة لاشعال نار الفتنة بين الناس عبر الأثير...على اساس ان التدوين حل محل الصحافة الشعبية وتأثيره كبير دلوقتى

وأعتقد أن أسواء ما يمكن ان يحدث فى مصر وأخر حاجة احنا محتاجينها هى حرب أهلية

يبقا لازم مشعلى النار والحرب يقفوا عند حدودهم
وكل واحد يعرف مكانه فين وليه وازاى

انا مصرية قبطية مسلمة

ودول مصريين أقباط مسيحيين

لقب قبطى ينسحب على كل المصريين ولا يختص به فرد أو عقيدة عن الأخرى
وأنا جذورى مسيحية ومن قبلها وثنية شأنها شأن كل مخاليق ربنا من يوم ما خلق الأرض

الأخ حجازى بتاع كرسى فى الكلوب
لا يقصد اعتناق المسيحية علشان حلوة ومقطقطة ولا ترك الاسلام علشان متعصب وارهاب وبتاع
دة من جماعة اللى تكسب به ألعب به
وبيجرى ورا فيزااااا
لما ملاقاش سبوبة تانية يسترزق منها حضرته

وراجعوا التاريخ كويس

وكل الغرض منه ومن ظهوره دلوقتى ان تطفو قضية الحرية الدينية على سطح الأحداث فى مصر وتبقا هى الشغل الشاغل للسادةالمفكرين والمراقبين المجتمعيين

وتندفن كل حاجة تانية تحت السطح
طالما صار حديث الساعة تغيير الديانة وعقاب المرتد ومش عقابه... ومهاترات لا تثمن ولا تغنى المواطن من جوع او عطش

مهاترات متملاش مواسير المياة للعطشى بالمياة النقية
أو حتى بمياة المجارى

واللى عاوزيولع فيها حيبقا هو اول واحد النار حتطوله
لأن الحريق مش حيكون صغير ولا هيّن
الحريق حيكون على مقاس 80مليون مصرى

bluestone said...

لستو ادري بلو:
انا مقلتش ان كل ده مقياس اصلا
انا قلت ان فيه انتقادات كتير ليه
وقلت كمان ان ده اصلا لا ينتقص من قدره
يا جماااااااعة
هو ليه محدش قرا اني قلت اني معجبة بيه لشجاعته بغض النظر عن مضمون الاراء
انا حبيت يا لستو ادري اني ادلل على قد ايه فيه انتقادات ليه
وان نخلة محامي حجازي هيزود مشاكل المفتي مع الناس
بالعكس انا شايفة ان الكلام اللي يقاله المفتي في الواشنطن بوست عين العقل والحيادية
لما حد يتعرض لانتقادات مش معناه عيب فيه مش شرط ومش دايما .. لكن لما تلاقي حد كل الناس ضده غالبا بيكون هو صح لانه على الاقل مش متحيز لحد ودي حاجة تخليكي تثقي في انه على الاقل مقتنع باللي بيقوله مش عميل لحد

--------------------------
-برضه يا لستو انا مجتش سيرة الاضطهاد
اللي بيحصل ده اسمه جهل
وغياب حرية
وكيل بمكيالين
لما واحد يحب يسلم .. في أيام بسيطة جدا يكون عنده ورق رسمي والدنيا تبقى بمبي .. وده غلط كبير .. لان لازم يبقى في مهلة ووقت وتأكيد وحاجات كتير
لكن في النهاية هو حر .
بس العكس مش بيحصل ابدا يا لستو
يعني لو واحد حب رسميا ان يتنصر بيطلع عينه رسميا في التعاملات مع الحكومة والناس
----------------
هو اللي فهمته من سؤالك انك بتتكلمي عن فكرة انتشار الاسلام بحد السيف؟؟
محدش يعرف اهله كانوا ايه ؟؟ صعبة دي إلا لو عند وثائق أثرية عن انتمائاتهم
فكرة انتشار الاسلام بحد السيف .. دي قضية كبيرة جدا ومعقدة
اكيد مش كل الناس اسلمت لما دخل الاسلام مصر
بدليل وجود المسيحيين
واكيد مش كل اللي اسلموا اسلموا بالاكراه
ولا اسلموا بمزاجهم
ده كلام قديم .. ومحتاج دراسات عشان نتكلم فيه .. ومش موضوعنا برضه ..
--
قضيتنا دلوقتي مش قضية معتقدات واديان
القضية قضية حرية .. حرية الفرد في الاختيار وتحمل تبعات اختياراته
وزي ما المفتي قال
الدين علاقة بين العبد وربه وهو حر والله يحاسبه على اختياراته
----------------------
المشكلة مش في الفتنة وبس
لكن كمان في سيادة القانون واحترامه وتطبيقه على الكل
وتطبيق مبدأ ان كل المواطنين متساوين أمام القانون

bluestone said...

شـــــهــــروزة:
خليني اوضح فكرتي باختصار
ببساطة شديدة انا مايهمنيش حجازي خالص .. ولا تفاصيل قصته ايا كانت ..
ان كان مدعي ولا مغرض ولا مختل عقليا !!
مش هي دي القضية ..

الموضوع ببساطة هو حرية الفرد ايا كان في الاختيار .. دون ضغوط ومن غير الدنيا تتقلب فوق دماغه ويطلع مجنون واهبل وخاين وشاذ ومدعي وكافر وبيسيئ للاديان ومراته ماشية على حل شعرها إلخ ...

القضية الحقيقية هي ان من حق كل إنسان انه يختار قناعاته بهدوء من غير هوس من الاعلام وحملات تكفير وتشكيك

الحقيقة .. ان كل واحد حر
ربنا خلقنا كده ولازم نفضل احرار طالما لم نتعدى على غيرنا

مش يطلع واحد تعبان في عقله يقولك اصل بيسيئ للاسلام؟؟
ازاي بيسيء للاسلام ؟؟؟؟
هو خروج فرد من دين يتبعه الملايين في العالم يمثل إساءة .؟؟؟؟
تهريج ايه ده

--الراجل بتاع افغانستان فعلا قريت عنه من مدة
بس سؤال يا شهرو
عرفنا منين انه تنصر عشان الفيزا؟؟؟
يعني هل قال الكلام ده للناس؟
ولا حد فِتِك شق قلبه وعرف نيته الحقيقية؟؟
وبعدين ما هو طبيعي اي حد هيغير دينه لازم اهله يتبروا منه .. ماهو انتي ما تتوقعيش انهم هيبركولوه يعني

وآهو كل حاجة بتتأيد ضد مختل عقليا حتى في افغانستان البلد

الكلام بتاع التاريخ والارض ودخول الاسلام .. مالوش محل من الاعراب هنا يا شهروزة يا جميلة ..
احنا هنا بنتكلم عن حق كل إنسان في الحرية
وعن المساواة في تطبيق القانون

ماهو يا تمنعوا تغيير الدين من الجانبين
والقمع يبقى على ودنه
يا تفتحوه على الجانبين والحرية تطرد الخفافيش
وكل بني آدم بشيلته قدام ربنا زي ما قال المفتي

لكن المكيالين دول بايخين قوي خالص

bluestone said...

ميراج:
توقع اننا نقراه ونسمع عنه في كل حتة اليومين اللي جايين
انا قلت انه هيكون حديث الساعة

bluestone said...

عباس العبد:
عباس يا إبني ..
احنا في انتظار صوت الحكمة لينير غياهب ظلمات عقولنا
وبلاش الحكمة بتاعة ربط كله بكله .. الجواز بوفاء بالبابا بالمقالات بأفغانستان بالرسول بالرسوم بحجازي

وحياة الغاليين عليك يا شيخ بلاش نحط كل المواضيع على بعض .. احسن انا عندي حساسية من السلطة

bluestone said...

Alexandrian far away :
كويسة
حمد لله على السلامة

ليه رامز عمل لك ايه خير؟؟
على العموم .. انت هنا على قهوتنا المتواضعة ,,
وبرضه تنور في اي وقت
هخلص وآخد تاكسي لحد اسكندرية في حتتكوا
نقرا البوست ونعاود

bluestone said...

شهروزة:
بعد المجهود ده في التعليقات والاهتمام
مشاريبك على حسابي !! ومنورة

انا واحدة من الناس
أرفض ترك مشاكل المواطن العادى المطحون
والتفرغ فقط لاشعال النار والفتنة والحروب الأهلية
-- الكلمتين دول ليهم كوباية لبن رايب تحية من عندنا


--زى ما كتير من المدونين المسيحيين ويمكن الكل يعرف هم مين تفرغوا للأختباء خلف مدونات قذرة لاشعال نار الفتنة بين الناس عبر الأثير...على اساس ان التدوين حل محل الصحافة الشعبية وتأثيره كبير دلوقتى
وحياتك يا غالية مااعرف مين المدونين المسيحيين الكتيييير دول اللي بيعملوا كده ويستخبوا
هي فين المدونات القذرة دي؟؟؟
طيب حد ابن حلال يقوللي هي فين عشان ناخد فكره..

يا شهروزة
زي الرد اللي فات ايه علاقة الكلام ده على لقب قبطى وعلى التاريخ والجذور والجغرافيا بالموضوع ...
يا شهرو يا جميلة
الموضوع ببساطة مسألة قانون .. يا يتم تطبيقه كله
يا نقضيها من غير قانون كلنا
لكن كله ولا حتة منه
حتة منه ولا كله دي
هتودينا في داهية

تاني يا جماعة لمن لم يقرأ
لا يعنيني حجازي في شيء
لا اعرف قصته
ولا يهمني ان كان مدعي ولا كاذب ولا صادق ولا مهتدي ولا مجنون ولا أي حاجة ..

كل ما يعنيني حقه في ان يفعل ما يشاء دون الاضرار بأحد .. بس


--(الأخ حجازى بتاع كرسى فى الكلوب
لا يقصد اعتناق المسيحية علشان حلوة ومقطقطة ولا ترك الاسلام علشان متعصب وارهاب وبتاع دة من جماعة اللى تكسب به ألعب به وبيجرى ورا فيزااااا)

برضه هواية شق القلوب والكشف في النوايا .....
بتعملوها ازاي دي؟؟؟؟؟؟؟؟؟؟؟؟

------
الاعلام يا شهرو متهم اساسي في الهيصة دي
يعني رأيي الشخصي ان القضايا اللي من النوع ده من الجانبين تتم في هدوء بمعرفة من أسرة الشخص المعني للاطمئنان عليه وبعدين خلاص هو حر ..
المسيحي اللي عايز يسلم (ماليش دعوة بقى هو شاف الاسلام حلو والمسيحية وحشة ولا هو داخل في سبوبة ولا شايف ان ربنا هداه) من حقه يسلم ويطلع أهله حتى لا يظن احد انه مخطوف ولا بتاع .. ويتم تغيير ورقه وخلاص على كده .. في هدوء ومن سكات .. حرصا على السلم الاجتماعي
مع الاحترام الكامل لسيادة القانون
والتأكيد على ان العكس كمان قابل للتحقيق بنفس المعايير

Anonymous said...

يبقا لازم نستبدل العقول أولا علشان نوصل للى بننادى بيه وصوتنا راح وراه يا عزيزتى

لو معايا ميل ليكى كنت بعت لك المدونات اللى باتكلم عنها

متنسيش

أن الاعلام واللى الانترنت جزء مهم منه دلوقتى
هو المتهم الرئيسى فى اشعال اى مشكلة

حتى لو نادينا من هنا للقرن القادم بحرية المعتنق

وانا على مبدأ مهم بالنسبة لى

الاسلام لن يضره أحد يرتد عنه ولا حيزيد بحد ينضم له

ولا المسيحيية حتنضر بواحد يرتد عنها أو حتزيد بحد ينضم لها

وطول عمرنا بنتمنى أن خانة الديانة فى البطاقة الشخصية تحذف
فنحن من بدأنا التمييز بأنفسنا وبدأه بيننا من يحكمنا اداريا وبيروقراطيا

وأعتقد أن المفتى فى الحالة دى شاف ما وراء السطور وما وراء الحدث
يعنى بالفعل اصدر فتوى من شأنها اراحة ناس كتير ورفع العبء عن ناس أكتر من الجانبين

لكن يا ترى العبء حيترفع عنهم من المجتمع المحيط؟؟؟

تحياتى
ومستنية السحلب

عباس العبد said...

3 مقدمات لابد منهم
......
1-
نظرية العبط
لازم نفهم ان الشعب المصرى نصه تحت خط الفقر و ان الحكومة اخدت منه كل حاجة و خلته قاعد ملط
قصاد عينه كل حاجة بتتباع و هو مش طايل حاجة
و مفضلوش حاجة غير دينه
و هنا يتدخل اخوة السلف سواء مسيحيين او مسلمين
و بيخشوا برأيين
الاول
انه الانسان الفقير ده خاسر دنيته لأنه خاسر دينه
فتنتشر بطريقة مفزعة و بطريقة ملحة غريبة طقوس الديانة و التمسك بالحرف و اى حاجة تخليك تبقى عبد عبيط و خلاص
او الطريقة التانية
هى انك خسرت دنيتك خلاص و ان الاغنياء دول ربنا حينتقم منهم
فكمان بلاش تخسر اخرتك
و كل الطرق تؤدى الى مزيد من مظاهر التدين و مزيد من العبط
.............
2-
انا كمسيحى او مسلم
بحب دينى و غيور على ايمانى بطريقة علمانية سليمة
اكيد لما واحد من دينى بيسيبه بزعل علشانه و بسعى بكل الطرق انى اقنعه و اصليله ان ربنا يهديه
و اسعى جاهدا ان ارجعه تانى
سواء كنت مسيحى او مسلم
و ده لو انا طبيعى
تخيل ابقى عامل ازاى لما ابقى فى الحالة بتاعة رقم واحد
اكيد حكتب زى ما حصل و انكتب
انه انتصار رهيب

عباس العبد said...

اخر مقدمة
3-
وفاء قسطنطين
السسيدة وفاء قسطنطين زوجة كاهن
اسلمت او ارغمت على الاسلام
مش فارق ... لأنها فى الحالتين مبقتش مسيحية
طيب
احنا كمسيحيين المفروض نتصرف ازاى
كان رد الفعل الطبيعى بتاعنا لازم يبقى حالة من التلاتة
اولا : لو اسلمت بأرادة حرة
المفروض انى كمسيحى مؤمن ...حد يقعد معاها و يكلمها مقتنعتش ...اصليلها و الكنيسة الى هى تابعة ليها تصليلها و اشوف ايه الى وداها و اوصلها لكده و احاول اعلم الشعب انهم يتخطوا نقاط الضعف دى حتى لا يتكرر الموقف و اخسر مؤمن جديد... و ساعتها المسلم حيخاف منك لأنك بتفكر و هو بيظيط
ثانيا : لو اسلمت حتى تنفصل عن زوجها الكاهن مريض السكر
كان لازم نستغل الموقف و نقول انها قليلة الاصل و غيرت دينها علشان جوزها عيان و مش قادر يظبطها بالليل و اقول اذا كان المسلمين يقبلوا واحدة بالاخلاق دى ... احنا منقبلهاش و حلال عليهم انسانة بالاخلاق دى
ثالثا : لو ارغمت على الاسلام
كانت فرصة لأظهار اننا فى حالة اضطهاد و احراج الشعب المسلم قبل النظام
.......
لكن بما ان الشعب المصرى المسيحى زى اخوه المسلم
و الاتنين يحبوا الظيطة و المهيصة
فكان رد الفعل زى ما حصل
زيطة و مظاهرات و اى هبل فى الجبل
المهم
اننا فى الاخر منوصلش للحقيقة

عباس العبد said...

كلامى فى النقط الى فاتت ينطبق على الجانبين
سواء مسيحى او مسلم
........
نيجى للبشمهندز حجازى
بعض التساؤلات تطرح نفسها
الاول
الولد ده جاب الشجاعة منين و احنا عارفين ان فى بتوعع ير ممكن يقتلوه بحد الردة و ان اغلب الى بيتعمدوا و يبقوا مسيحيين بيسافروا على بره
ثانيا
هى امه فى العشة ولا طارت ؟
و اشمعنى طارت فى التوقيت ده بالذات ؟ مع ماريو و اندرو ؟
احنا اخدنا حجازى و العائلة
و المسلمين خدوا ماريو و اندرو و ابوهم
و نبقى خالصين ؟
......
طيب
انا مفرحتش ان الولد بقى مسيحى
و لا حزعل ان ماريو و اندرو ممكن يبقوا مسلمين من مفهوم مدنى
لكن الصراحة انا حزعل لو الولدين بقوا مسلمين كمسيحى بيحب دينه و بيغار على اخوته ..... زى ما المسلم حيزعل لما حجازى يبقى مسيحى كأى مسلم بيخاف على اخواته برضه
و ده حقى و حقك
........
انما المقرف فعلا فى الموضوع
ان فى ناس بتستعبط علنا و بكامل جرأة تحسد بجد عليها
واحد يقولك بلاش نتكلم فى القديم و بلاش نفتح فى بعض فاية مبندفعكوش الجزية ... ياللى بتقبضوا من امريكا
يرد عليه واحد اعبط يقوله
اخرس يا بتوع السيف انتم
ياللى بتقبضوا من السعودية
و منخلصش خالص
و هات يا ردح
ليه ؟
لأننا شعب مهياص و يحب الظيطة
معنوش استعداد يفكر ...
يحبك قوى و انت متسامح معاه
لكن لما تقوله تسامح انت كمان يقولك
عند امه يا ادهم
انا كمسيحى اتكلم عن المحبة حلو قوى لعبتى و اول ما حد يقولى بم اقوله ايوه ما انتم بتوع السيف
و انا كمسلم اتكلم عن السماحة حلو قوى ...لعبتى
و اول ما حد يقولى بم
اقوله يا بتوع التلات الهة يا صليبيين يا كفرة
.......

عباس العبد said...

النقطة الجميلة الى حبيتها قوى
بس مش عارف اذا كانت من القلب ولا لأ
كلمة بنت القمر
جارتى المسيحية
....
فعلا الواحد بيخش على النت يقرأ كلام ابن ستين كلب بيتكتب عن المسيحيين
تفتح الدش
تلاقى زكريا كاوتش بيقول كلام ابن ستين كلب عن المسلمين
فتبقى مش عارف
صحيح عم سيد رمضان زميلى فى الشغل بيحبنى بجد و لا مخبيلى ايه ...رغم انه شالنى فى مصايب كتير
طيب الواد محمد بيعمل معايا كده ليه ... ده فتحلى بيته و استئمنى
.......
للأسف احنا عندنا خلط جامد
جرتك بتحبك فعلا يل بنت القمر و عم سيد مخلص لى و محمد بيحبنى
لأن احنا شعب بياخد الكلام من ودن يطلعه من التانية
يسمع زكريا كاوتش يبقى حالف ليدغدغنى تانى يوم اول ما يشوفنى ينسى
و اول ما جارتك تشوفك تنسى
عارفة ليه
علشان فى اختراع جامد جدا
اسمه المحبة و البنى ادم
اول ما اشوفك انسى اى زفت سمعته ضحكة عم سيد و جارتك
تمسح اى حقارة سمعتيها او انا قريتها
احنا بنحب بعض بجد يا بنت القمر

عباس العبد said...

حكمل بعدين لازم انزل الشغل دلوقتى سلام
يا بلو
انا بسخن بس حكمل رد لما ارجع

عباس العبد said...

انا جيت
.....
المهم
فى حاجة مهمة
القاضى
القاضى الى حتتعرض عليه القضية
انا بشفق عليه من دلوقتى
لانه المفروض منه انه يعمل حاجة مش حتعجب كل الناس
فلو حكم للولد بتغيير الديانة :استنادا بكلام المفتى ...يبقى فتح باب مش حيتقفل و كل واحد عايز يؤمن باى حاجة حيروح يتقدم بورق و المسلمين حيسخطوا عليه
اما لو طبق حكم الشريعة : بتطبيق حد الردة
حتبقى فضيحة على المستوى الدولى و الغرب عايز جنازة اصلا و يشبع فيها لطم
اما لو رفض الاوراق لعدم الاختصاص : ( و هو ما اعتقد انه سيحدث ) فانه يخسر مسيحيو مصر المتعطشون " لنصر زائف "راجع النقطة الاولى فى المقدمات
............
حاجة تانية
لو انا جارى جارى بيعبد سيخ
جايب سيخ حديد و كل يوم اول ما يصحى يصليله و قبل ما ينام يصليله
بس شريعة السيخ مبتقولوش
لا يقتلنى و لا يسرقنى و لا يغشنى و لا يخنى و لا يغتصب اهل بيتى و لا يسبنى و لا اى حاجة
اكرهه و لا احبه ؟
بالعكس لو انا جنب واحد مسيحى
و الاخ المسيحى بيمد ايده على حاجتى مبيحترمنيش ... لا انا ولا اهل بيتى
و بيشتمنى علطول
احبه و لا اكرهه
المفروض ان المسيحى بيعبد نفس الاله الى انا كمسلم بعبده
تفتكر لو قامت خناقة بينهم
المسلم حيقف مع مين مع المسيحى و لا مع عابد السيخ

عباس العبد said...
This comment has been removed by the author.
عباس العبد said...

طيب ايه علاقة الرغى ده كله بالى بالدكتور حجازى
اقولك
حجازى ... حسب المنطق الاسلامى من حقه يبقى مسيحى ... و من حقه يغير خانة الديانة فى البطاقة
لكن المسلمين حيزعلوا و يقفشوا و يظيطوا ليه
لأننا فى دولة تؤمن بان شعرة من جلد الخنزير مكسب
زى ما احنا حنظيط لو تم اسلام ماريو و اندرو
و من حق القاضى يرفض
و الموظفين حيطلعوا عين امه علشان يغير الديانة
رغم انهم اول ناس تخلص الموضوع لو الخانة حتتغير لمسلم
ليه كل ده
لأن الشعب المصرى عنده تفاهات بقت قناعات بقت اعراف
و يا ويلك لو كسرت العرف
المسيحيين عارفين ان فى مسلمين بيتعمدوا ...بس محدش بيتكلمو يجيب سيرة
و المسلمين عارفين برضه نفس الكلام
والمسيحيين عارفين ان فى مسيحيين بيأسلموا و ان المسلمين عارفين برضه و برضه محدش بيجيب سيرة عرف
و عرف تانى ان المسييين هم الى يهيجوا و يضايقوا و ان المسلمين يطبطبوا عليهم
مليون عرف ملهوش معنى و مع ذلك كل الناس متفقة عليه
جه حجازى و كسر العرف ... انه مفيش مسلم بقى مسيحى يقول
احنا عارفين ان فيه بس مينقولش
قوم ايه الحمار قال و كسر العرف
يبقى يطلع تلاتينه
و طظ فى انسانية اى حد يتكلم المهم العرف ميتكسرش
المهم ان كل حاجة تبقى فى السر
احنا نطبطب و هم يعيطوا شوية و الى يتعمد يتعمد و الى يأسلم يأسلم
و الى يبيع بنك القاهرة يبيعه و الى يسرق عمر افندى يسرقه و الى يورث الحكم يورثه و الى يسرق و يهرب يسرق
و يخلص
طول ما هو فى السر و محدش شايف حاجة
يبقى تمام
بنصلى و نصوم فى العلن
و نسرق و نحلف و نكدب و نزنى و منشتغلش
فى السر
كله فى السر

عباس العبد said...

النقطة الى قصدى عليها
انه على الرغم من انى حزعل كمسيحى لو واحد على نفس ايمانى مسيحى برضه
أسلم
على الرغم من انى حزعل و اصلى علشانه
الا انى معنديش استعداد انى اقبل حدث زى ده
عايز يعملها ... يعملها بس فى السر
فى السر
و نفس الحكاية
المسلم من حقه يضايق لو مسلم زيه ترك دينه ...حيصلى علشانه و يعمل المستحيل
لكن فى النهاية
لازم يقبل ارادة اخوه
احنا معندناش المفهوم ده
معندناش قبول ارادة الاخر
انا كمسلم
افرح قوى لما واحد مسيحى يبقى مسلم
لأنه فى نظرى دخل دين الحق دين الفطرة و يلعن ابو المسيحيين ... يزعلوا يتفلقوا دول كفار ...ميتزعلش عليهم
اما لو انا مسيحى
و فى واحد مسلم بقى مسيحى افرح قوى و يلعن ابو المسلمين ما يزعلوا ما يتفلقوا
لأنه الى بقى مسيحى دخل الى صخرة الايمان و المحبة و خرج من دين العنف
و هوده الى كنت اقصده فى اول بوست خالص كتبته فى الموضوع ده
احلال لبلابله الدوح ...حرام للطير من كل نوع
شكرا
انا رغيت كتير
سلام

Anonymous said...

العبد لله عامل محاولة تحتاج للدعم
لتأصيل وعي حقيقي بالهوية المصرية
من خلال سـرديات مصرية نلقي الضوء على التراث المصري ومفاتيح الشخصية المصرية بقراءة غير منحازة لهذا التراث
التجربة لسه في أولها ستتدعم بكم

جبهة التهييس الشعبية said...

بصي يا ست الكل
المفتي مش قضية
اخره ايه يعني ح يتعزل؟
مايتعزل هو خسران ايه يعني
احنا اللي حنخسر لو اتعزل

واظن برضه المشكلة مش حرية العقيدة
الحكاية فيها حاجة غامضة يا بلو ستون

يعني المسيحيين في مصر لهم مطالب عادلة زي بقية المواطنين ما لهم مطالب عادلة

مش عارفة ليه حاسة ان الدفعة الجامدة دي مرة واحدة قصدها القضاء على عدالة قضية الاقباط ومطالبهم

بصي لها كده من بعيد بعين مستقبلية

ما هو اللي بيحصل ده والتركيز الشديد على قضايا الاقباط وتعمد وسائل الاعلام انها تطلع واحد يقول: مش عايز ابقى مسلم هي بالعافية

ح يكون ردها ايه على العامة من الغوغاء والدهماء؟

انا اقول لك

ومتهيالي كونك مصرية تبقى عارفة برضه رد الفعل ح يبقى ايه

مش عايز تبقى مسلم؟

طيب ما تغور في داهية

في داهية خالص

في داهية برا الدنيا دي كلها

بووووووووم

حاسة اننا في فترة شبه الفترة اللي سبقت احداث الزاوية الحمرا

حاسة ان الدولة متعمدة تكثف الوجود للقضايا المسيحية المصرية

وبعدين في الاخر تشيل ايدها من ورا ضهرهم وترميهم لابقاق جعانة وتعبانة ومقهورة وطلعان دينها اساسا بالمسلم وبالمسيحي

ساعتها لما المسيحيين يلاقوا الدم ساح وناح

يقولوا خلاص خلاص

جبنا جاز

مش عايزين حاجة بس رجعولي السنتين بتوعي اللي وقعوا وانتوا بتضربوني

ليه باقول كده؟

بسبب اولا مندوح نخلة وما عرف عنه من تعصب

ثانيا بسبب محمد حجازي نفسه

اشمعنى ده اللي قضى عمره كله شيوعي وملحد وعمره ما عرف ربنا لا بالمسلم ولا بالمسيحي هو الي يستخدم في قضية زي دي

ومعلش اسمحي لي اقول يستخدم لاني عارفة انه مش مسيحي ولا حاجة

ولا مسلم طبعا

طيب وايه الحاجة لاختلاق قصة مفتعلة بواحد هو فعلا مش مسيحي

بينما فيه فعلا مسلمين اعتنقوا المسيحية عن اقتناع

ايه؟

ايوة شاطرة

لان اللي اعتنق المسيحية عن ايمان مش ح يقبل تحت اي ظرف انه يستغل لخدمة مصالح وجهات معينة

لكن اللي ما يعرفش ربنا يعمل مسيحي يعمل مسلم يعمل هندوسي

المهم الابيج

ايه خطورة ده على المسيحيين ومطالبهم العادلة كمواطنين؟

انها ح تدي انطباع ان قضايا المسيحيين في مصر قضايا مفتعلة

وان كل مسيحي بيتكلم عن حق المواطنة هو زي حجازي

يعني نصاب

ومدفوع الاجر

وده بيخسر المسيحيين

ويا سلام بقى لو شوية اعتداءات دي من بتاعة الامن اللي بياجر ناس من العشوائيات ويديهم مكرونة فشامنة وكفتة وعشرين جنيه ويقول لهم انصروا دينكوا

كده تبقى المطالب المسيحية للمواطنة

اتشد عليها السيفون وراحت في الوبا

فاهماني؟

جبهة التهييس الشعبية said...

اه نسيت اقول لك انك اميرة وطيبة

عشان بتقولي على حجازي ده شجاع

هاهاهاهاهاها

موتيني من الضحك

انت عايزة تفهميني ان واحد مدعي زي ده اشجع من ناس مؤمنين فعلا بس مش بيحبوا يتاجروا بايمانهم؟

شجاع ايه يا ما

للاسف

كنت اتمنى ان واحد يبقى مؤمن فعلا عشان القضية دي مهمة جدا

لكن للاسف

اختيار حجازي للقضية دي بيؤكد ان يد خفية بتعبث في الملابس الداخلية

بنت القمر said...

اختى الفاضله بلو ستون
بصى بقي انا عندي برد وتعباااانه واجارك الله من برد الصيف بقولك كددا ليه؟؟؟ يمكن المود اللى انا بكتب بيه دلوقت مختلف عن اللى كتبت بيه التعليق اللى فات يعنى زى ما تقولى المرض بيهد الواحد ويدخله فى حاله من البلم النفسى بس خلي بالك من زوزو قصدي بنت القمر مخى صاحى برضه
اولا"
انا بدات بكلمه اختى لانه لايوجد مانع لحنا اخوات فى الوطن والانسانيه وانالااحمل لكى اى غضاضه
تانيا_________
رغم روح السخريه والتهكم الى في كلامك وانى بقول سلطه ماشى ما علينا انا برضه عايزة ادخل فى المفيد مباشرةلما الكلام يكون على الشان المسيحى يبقي كل المواضيع منفدة على بعضها ماريو واندروا والبابا والمفتى والاضطهاد وحجازى وكلله متاح وازا حاول الاخر اتهامى بالتجبر والعنصريه هااقوله وانت اكتر عنصريه ومستفززززز
يعننى النقاش الحر يحتمل عرض كل النقاط ذات الصله يعنى بلاش تستفزينى وتقولى مرض مصري وسلطه وشومه لانى اقدر اقول انا كمان كلام يوجعك ويضايقك بس دايما الغلط دليل قله الحيله وبما انى تعبانه افضل امسك اعصابي...والكاظمين الغيظ زى ما بنقول
تالتا__________
انا والله لم ينمو الى علمى انك مختلفه عن غالبيه الشعب المسيحى انتى فتحتى موضوع حجازى وانا فتحت موضوع وفاء اخونا عباس العبد بيقول خدنا من عندكم وخدتم من عندنا انا مش هاقول زيه بس انا بقولك حجازى زى وفاء ليه وفاء اسلمت عن اقتناع وخبت سنتين ودا وارد مش لازم تبقى ست منحله وبتدور على الجواز ممكن تكون عايزة تجوز وكمان ممكن تكون مقتنعه وطالما لايوجد عندى ما يثبت العكس
على فكرة انتى اخدتى موضوع وفاء بحساسيه لانه طبعا وااحده فى وضعها ممكن تشكل جرح لاى مسيحى وما تقوليش ان الموضوع دا ما دايقكيش اوعى تكدبى طب عينى فى عينك كدا!!اهو انتى بتبربشى!!!ا
ممكن كمان حجازى يكون اقتنع بالمسيحيه ومالو بس احنا مش بناخد الامور دى بنفس درجه الحساسيه عارفه ليه لاننا اغلبيه ستين مليون لكن الحكايه مش عددزى عندكم بدليل كلام عباس لخدنا واخدتم
رابعا________
بالنسبه للبوست بتاعك شويه تقولى الراجل شجاع وومستنير وشويه محدش راضى عنه كأن اللى قاله مش كفايه لا لازم ياخد حجازى من ايدة ويروح يعمده ويطلع له بطاقه مسيحى عشان يبقى رجل حريات ولا هو حجازى اقتنع اكيد لاكن وفاء يااماا صايعه يا اما مضحوك عليها طب ما يمكن اقتنعت هى كمان
خامسا________
انا مفيش حاجه مزعلانى من اى تعليييق نهائى احنا هنا بنكلم من ورا الشاشه ومفيش حرج اما عن سؤالك عن الكنبسه عملت فيها ايه اقولك انا اخدتها وحبستها فى دير فى المنيا وارجعي للجرايد الفتره دى عادل حمودة فى الفجر كان مغطى الموضوع ومنعت عنها الزيارة من اهلها واولادها واخواتها وزوجها ومنعت اى مؤتر خارجى عنها وكتبت وثيقه ما بعنى انا ولدت مسيحيه وساموت مسيحيه بالنص وكلام كتير وماكانش بيدخل عليها الا راهبات الدير دا من النساء
سادسا _________
انا ما قولتش لاماسكه شومه ولاخله سنان حتى انا ماسكه الكى بورد انتى بتتكلمى عن المفتى وانا بسالك سؤال محدد ليه بنفس الموصوعيه بما انك ست مستنيرة كدا وبتاعه حريات ليه مش بتنتقدى البابا ؟؟؟ هو معندوش اى قصور ولا تعليق على ادائه وجبت حكايه الطلاق لانها تواجه مائه الف اسرة مسيحيه باي زا واي هاله صدقى اجوزت فى حفل ضيق وجوزها البابا متعنت معاة وقال انه اقسم ان جوزها باين اسمه مجدي مش ها يتجوز اى بنت ارثودكسيه طول ماهو عايش!!!ا
يعنى لو مجدى دا ضرب كرسى فى الكلوب واسلم على رايك يبقى احنا كدا اللى البلا وقع على راسنا كمسلمين لاننا بنخطف الشعب المسيحى ونأسلمه بالعافيه وللعلم معظم المسيحيين اللى بيسلموا عندهم مشاكل شخصيه ولا انتى مش شايفه الاوضاع دى تستحق التعليق لا المفتى بس!!!ا
مش عارفه كام بس اعتقد سابعا_______
فهمتى علاقه البابا والمفتى والطلاق ؟؟المفتى مش مطالب يقول راي يعجب الناس كلها لان الناس مش كلها ها تجتمع على حاجه ماجتمعوش على عيسي ولا محمد ها يجتمعوا على المفتى؟؟
طالما انك بتعتقدى اننا ممكن نتقابل فى يوم وشايفه انها ها تبقى فرصه سعيدة انا كمان اعتقد ذلك بمنتهي الصدق عندك ايميلى ةاهلا بيكى اخت محترمه وصدقينى انا يمكن قريت مدونه كلها شتيمه وتعصب وموضوع الاضطهاد دا بقي خنيق وكلام مكرر ولو تلاحظى انا مش عارفه اكتب اى موضوع بسبب انشغالى فى التعليقات على البوستات اللى تناقش الشان المسيحي بقالى عشر ايام ايه ماوراناش غيركوا ولا ايه؟؟؟ اضحكى بهزر معاكىوانا وكنت منفعله بس قلبى ابيض من لبن العصفور وبعدين مين فينا خلفيته مش بتأثر عليه دا طبيعى حقى وحقك
ما تقوليش لحنا شعب مش متدين انتى اكبر دليل على العكس مهما تحاولى تثبتى غير كدا
تحياتى ومحبتي ودى كلمه بقوله نادرا ومش لاى حد بنت القمر (امانى)بس افضل بنت القمر

عباس العبد said...

بنت القمر
"انا والله لم ينمو الى علمى انك مختلفه عن غالبيه الشعب المسيحى انتى فتحتى موضوع حجازى وانا فتحت موضوع وفاء اخونا عباس العبد بيقول خدنا من عندكم وخدتم من عندنا انا مش هاقول زيه بس انا بقولك حجازى زى وفاء ليه "

انا قلت خدنا واحد من عندكم و انتم و احد من عندنا
انا مقلتش كده
انا قلت فى ناس بتفكر بالأسلوب ده
و بعدين يعنى ايه ميفرقش معاكم علشان انتم اكتر عدد
يعنى اخوكى المسلم ميفرقش معاكى لو غير دينه
انا عامة يفرق معايا لو واحد مسيحى غير دينه
لأنه مهما كان اخ فى ايمانى
و بعدين احنا عددنا قليل
مش مشكلة و كم من فئة قليلة غلبت فئة كثيرة بأذن الله
و ربنا ينصرنا
......
"ازا حاول الاخر اتهامى بالتجبر والعنصريه هااقوله وانت اكتر عنصريه ومستفززززز"

ده الى انا قلته
راجعى كلامى
حلو قوى السماحة و المحبة بس لما تكون من غيرى ... من الى قدامى
لكن منى انا لا ممكن ابدا

عباس العبد said...

بنت القمر تانى
" طبعا وااحده فى وضعها ممكن تشكل جرح لاى مسيحى وما تقوليش ان الموضوع دا ما دايقكيش اوعى تكدبى طب عينى فى عينك كدا!!اهو انتى بتبربشى!!!ا
ممكن كمان حجازى يكون اقتنع بالمسيحيه ومالو بس احنا مش بناخد الامور دى بنفس درجه الحساسيه عارفه ليه لاننا اغلبيه ستين مليون"

تشكل جرح ليه
علشان زوجة كاهن
ما تولع هى و الكاهن
انا لا اؤمن بزوجة الكاهن و لا بالكاهن و لا بالبابا
الست عايزة تأسلم تأسلم
الكاهن عايز يبقى هندوسى يبقى
البابا عايز يعبد كنبة هو حر
انا اؤمن بتعليم الكنيسى الى وضعه الاباء
و اؤمن بالله الاب و الابن الكلمة الحى القائم حتى الان فى الزمن
تفتكرى لما يكون من اؤمن به حى
اجرى ورا ناس اموات
او حيموتوا
زى الكاهن و مراته
انا قلت انى حبقى حزين ان اخ لى فى الايمان غير ايمانه
حصليله و اكلمه و اخلى الكنيسة تصليله ..... لكن لو تمسك برأيه هو حر
عكس ما قلتى انه مش فارق معاكى
....
يا ريت تراجعى كلامى كويس
....
انا قلت و نقدت الى انتى فأجئتينى بقوله فى التعليق الاخير بتاعك

احنا معندناش قدرة ان الاخر يعمل الى هو عايزه
احنا عايزين الاخر يعمل الى احنا عايزينه

احبك لما تكون طيب معايا
و اول ما تبقى شرير اكرهك
عارفة ليه
علشان الحب مش عادة اصيلة فى ... عادة مصنوعة... عادة منقبلهاش غير من الى قدامنا

بنت القمر said...

اخى عباس العبد...
انا رجعت قريت ردك تانى وكنت مستعده اعتزر لو انا فهمت غلط حكايه خدتم من عندنا وخدنا من عندكم بس الحقيقه انا ما لقيتش ما يدلفىكلامك ان فى ناس هى الليها تقول كدا ..مش وجهه نظرك انت بس ما علينا يمكن فى خطأ فى الموضوعوان وصلنيش نيتك
تانيا
لما انت ما تهمكش حكايه وفاء ولا تسبب لك جرح متنرفز اوى ليه وبتثبت العكس ؟؟؟ ليه لما بكلم حد بصراحه بيتعالى ويقول ما يهمنيش وما يولعوا طب انت ما يهمكش وبلو ستون ما يهمهاش يبقى انتو استثناء
انا بتكلم على مشاعر عامه للشعب المسيحي اللى كانوا عاملين مظاهرات وبيقطعوا هدومهم ويلطموا وامام شاشات التلفزين خطفوا امنا خطفوا مرات ابونا ولا دا محصلش؟؟؟؟
وبعد حابه تناقض نفسك وتقول هازعل واصليلي لها
انا جبت سيره وفاء وانكم لم تقبلوا اسلامها بلاش انت ولا بلو ستون بس العموم من المسيحيين وقبلتوا اسلام حجازى وشايفين انةلازم يكون فيه حريه والا الحريه دى للى رايح بس اللى راجع لا حريه فى اتجاة واحد؟؟
مزعلاك اوى حكايه الستين مليون!!!!ا
انا مكنتش اقصد المباهاة بالعدد اطلاقا
ولا اننا احسن او اقوى ليه بتقلب الامور دا انت حاجه غريبه اوى انت ها تقولنى اللى ما قولتوهوش!!!اانا بقول كمان خمنت ضميري وها تقولنى ما لم اقله انا بقول :عشان احنا كتير ممكن يكون ما بناخدش الموضوع بنفس الحساسيه ممكن بناخدة بسخريه او استغراب هاافهمك ازاى؟؟؟
لو واحد يهودى تنصر وبقي مسيحس ها تحس انت بايه ولا حاجه عاى وممكن تكون شايف انه دا الطبيعي لكن لو واحدمسيحي بقى بوزى ها تقول ايه دا ودا مالو دا؟؟ ومشاعر الاندهاش ها تكون الاقوى...فهمت احنا لو حد عندنا غير دينه هى دى مشاعرنا مش الحزن ولا الاسف لكن الاندهاش عندنا ناس ما بتصليش ولا بتعرف ربنا وبتعمل كل البلاوى لكن يبفكروا يغيروا مش كتير وفيه كمان ناس ملحده بس تغير على الورق لازم تقول ليه وازاى؟؟وانا لو قابلت حجازى مش ها اقنعه انه يرجع بس هحاول افهم وممكن الفضول يقتلنى التحول دا حصل ازاى؟؟؟ وبعدين ايه حكايه فئه قليله وربنا ينصرنا ؟؟؟؟
ربنا طبعا ينصركم فى الحق انتو ها تحاربوا خلاص؟؟؟عارف حقيقي هى دى مشاعر الترصد لاي كلمه بنقولها ربنا ينصرنا جميعا اخى الفاضل على الفقر والحهل والفساد مش ينصرنا على بعض لان ساعتها كلنا هانكون خسرانين ولما تخرب هل نقعد جمب بعض على تلها!!!ا زى العراق كدا
بقيه الكلام بتاع عايزين الاخر يعمل اللى احنا عايزينه
اكيد متفقين فيه بس دا من الناحيتين اعبد ما تراه اخى الفاضل لك كل الاحترام احنا كمان بنؤمن بالله وملائكته وكتبه ورسله واليوم الاخر والقدر خيرة وشرة هو دا الايمان فى الاسلام يعنى عيسي والانجيل ومريم جزء لا يتجزاء من ايمانى كمسلمه مريم اللى عندنا سورة طويله كلها اجلال واحتراملها فى القران مااعتقدش انك بتؤمن ولا جزء من ايمانك لا محمد ولا القران!!!ا
انا مش هارد على الحمل الاخيرة الناقصه اللى فيها نقط وها التمس حسن النيه مش ها اعمل زيك واحمل الكلام ما لايحتمل
تحبنا تكرهنا دا شانك بس صدقنى التحفز والترصد دا بيظهر اسواء ما فينا وصدقنى انا علاقتى ببعض المسيحيين احسن من علاقتك انت ببعض المسيحيين!!!ادى مناقشه حرة بس
يحياتى واحترامى لشخصك الفاضل

بنت القمر said...

على فكرة اللى يرد على كلامى ياريت ما يقطعهوش من سياقه وبشوف لتقال فى اى مناسبه تحياتى للجميع بجد وبامانه احترامى للجميع

Alexandrian far away said...

يا ولاد يا بنات يا زباين القهوه
مش الموضوع طلع فطشه وفي الكلتش
أقروا على الرابط ده
http://www.daralhayat.com/arab_news/nafrica_news/08-2007/Item-20070807-41a99bbb-c0a8-10ed-0169-5e9921cb73c9/story.html

abderrahman said...

تعرفي إيه المتعب في هذه القصة؟ أن تثار قضية هامة بهذه الصورة، وعن طريق شخص تحوم حوله الشبهات. وربما تكون مفتعلة، لاحراج المجتمع..
القضية مصنوعة على طريقة غرف البالتوك القديمة والمنتديات المثيرة للكآبة، أيا كانت هويتها الدينية.
القضية تاهت لدى من يزعمون أنهم يقدمون قضية زي أصحاب التسجيل اللي فوق في التحديث.
الموضوع كله مش مريح، وما فيهوش صدق
:(

جبهة التهييس الشعبية said...

يا بني اتقبض على بتوع مسيحيو الشرق الاوسط والاقباط المتحدين ومعمول لهم قضية سلاح وازدراء اديان

يابنتي ياريت بقى تصدقي حدسي انا مش قلت ان الواد حجازي ده مدسوس ووراه انة

وقلت ان الهدف من ورا القضية دي العصف بمطالب المسيحيين

والتانيين دول كمان خسروا المسيحيين ومطالبهم الكثير

يعني المفروض ان المسيحيين لهم مطالب مواطنة عادلة

كان لزومه ايه الشتيمة في اديان الناس واستقصاد سيدنا محمد كأن هو اللي واقف عقبة في وجه قانون دور العبادة الموحد

ولما اقول كده يقولوا لي انت متعصبة

ما انت عارفاني يا بلو ستون

انا متعصبة؟؟؟؟؟؟؟؟؟؟؟؟؟؟؟

دلوقت بقى ايه العمل؟

ibn_abdel_aziz said...

حجازي
شخص انتهازي
بتاع شهرة

ومشكلة المشاكل
ان تخرج مسالة حرية الاعتقاد الي النور علي يد شخص كهذا
للاسف

بالفعل اشعر بالغثيان
والحكومة عابثة عابثة عابثة

ربنا يستر والموضوع ده ميولعشي حريقة طائفية

Anonymous said...

رغم ايمانى التام بحرية الاعتقاد لكن تتابع مثل هذه القضاياالطائفيه فى وقت وجيز ليس له سوى مقصد واحد وهو نشر روح الطائفيه و التعصب و التحزب الدينى واللى هى اساسا حاجات بقت موجوده فى المجتمع المصرى و مش ناقصه تنتشر اكتر و اللى عاوز يغير دينه المفروض يغيره براحته بدون اى مشاكل وبلاها خانة الديانه من الاوراق الرسميه علشان نريح نفسنا ونعيش شويه فى صفاء وننسى حكاية مسلمين ومسيحيين و نفتكر اننا كلنا مصريين عايشين فى بلد واحد

عباس العبد said...

" كان لزومه ايه الشتيمة في اديان الناس واستقصاد سيدنا محمد كأن هو اللي واقف عقبة في وجه قانون دور العبادة الموحد "

محدش يقدر يا جبهة يعمل العملة السودة دى
ده احنا عايزين نخلص من مناخوليا الشتيمة فى الاديان
مفيش مسيحى يقدر يعملها
غير عيل اهبل واحد جايبلنا الشتيمة
الى اسمه زكريا كاوتش
و انا معاكى
من قلبى
انتى مرتبطة ؟؟؟؟

جبهة التهييس الشعبية said...

هو ليه بيتكلم زي عمرو خالد؟
نفس الاسلوب والمنهج

حتى نفس اللدغة وبيقول دهون ودوت

:)))

انا بعد كل كل واحد الدغ وبيقول دهون
ودوت
ح اعرف انه نصاب

Anonymous said...

هو عباس العبد اهبل ولا واكل ام العبط. انت عبيط يابنى الكلام مش بكترته ركز فى ام البوست المكتوب, مال وفاء والناس دى باللى احنا فيه . احنا فى خره ولا شم ورد

عباس العبد said...

انا سمعت التسجيل الى الواد حجازى بيتكلم فيه
فى الغالب والواد ده اهبل
لأن الغير مسيحى و بيبقى مسيحى بنقول عليه معمد
تم تعميده يعنى
يعنى هو المفروض يقول الاخوة المعمدين مش المتنصرين
و دى حاجة عارفها اى مسيحى الا هو فى الغالب
و بعدين حكايته للموضوع رخمة كده و مش عارف
و بعدين يا جبهة
مش هو الى بيقلد عمرو خالد
عمرو خالد هو الى بيقلدوا
انتى ناسية ان حجازى على كلامه قبل عمرو خالد
........
شكرا للسيد اسعد على اخلاقه العالية
و نرجو بدل مش عاجبه كلامى و الرغى بتاعى
يقولنا بالمختصر المزيد
الفايدة كلها
و يجيب من الاخر
بدل ام العبط الى داخل يقوله ده و هو مقلش حاجة اساسا

Dr. Ahmed Wagih said...

تعليق متأخر!!
المفروض ان احنا كمصريين نكبر ونعرف ان حرية الأعتقاد حق من حقوق الأنسان. انا مبسوط من الضجة بتاعة حجازي لأن الناس هتواجه نفسها وتعرف الحقيقة؛ هل هي عايزة تعيش في بلد ليس فيها اكراه في الدين، ولا هنصحى نلاقي حد عمل عمل متهور وحجازي دفع تمن ثقافة المجتمع الحالية.

bluestone said...

نهضة مصر :
موافقاك تماما .. وقلت قبل كده ان الحالة الفردية مش مهمة ..
يعني مش مهم حجازي ده كويس ولا مدعي ..
ومش مهم هو بيكذب ولا صادق
المهم الفكرة والمبدأ ...
لازم الناس تفوق وتواجه ضرورة ان يحصل الفرد على نصيبه من الحقوق الفردية دون تدخل لا من سلطة عامة ولا من سلطة العقل الجمعي