Monday, October 22, 2007

نافذتان وأغنية





اكتشفت ذات يوم انها لم تنظر في مرآة منذ فترة
لم تعد تصفف شعرها
لم تأخذ وقتها اليومي لتعدل من مظهرها قبل الخروج من المنزل
لم تضع اصبعها تحت عينيها وتشد الجلد لتتأكد من ان سهر الليلة الماضية
لم يترك آثارا غير مرغوبة على عينيها

منذ أيام طويلة لم تقم بإعداد ملابسها قبل ساعات من النزول من المنزل
لتضمن تناسق الالوان
لم تضع الشرائط الملونة في شعرها
لم تعقفه الي الجانب الايسر ليتدلى بطوله على كتفيها
بينما ترتدي قميصا بلونه المفضل

منذ أيام طويلة لم تقع عيناها عليها
كانت ترغب في ان تنساها قليلا
عل غضبها عليها ينحسر

منذ مدة طويلة توقفت عن قراءة الشعر
كانت قد توقفت قبل ذلك بمدة عن قراءته بصوت مسموع كما تعودت
قال لها ان لها صوتا مميزا حينما تقرأ له الشعر
وبعد ان رحل حزمت هي حقائب الحروف وألقتها من النوافذ لتلحق به

طوال تلك المدة فقط اكتفت ولأيام طويلة بمداد احتفظت به في ذاكرتها
حقيبة صغيرة متربة خبأتها في ركن ما لتنقذها ..
بعدما أحرقت كل تفاصيلهما لتهرب منه
بداخلها احتفظت
بعينيه وكلمتين
هناك كانت كما تعودت.. ترى
نفسها كما لم تحلم ان تكون

واحتفظت بصدى الكلمات ..تجتره وقت الحاجة
او الحنين

لكنها -وياللعجب- لم تفقد تلك الابتسامة
ولم تحاول اخفاءها ابدا

وكانت كل ليلة
تطرد صخب الكون خارج غرفتها
تخرج الحقيبة
وتبقي نافذة زجاجية واحدة مشرعة

17 comments:

عباس العبد said...

" وبعد ان رحل حزمت هي حقائب الحروف وألقتها من النوافذ لتلحق به "
خلاص يا ستى ...ادينى رجعت تانى اهه
و جبتلك الحقيبة الى انتى رمتيها
...........
النص جميل جدا جدا جدا
.....
انا شخصيا عجبتنى
"
بداخلها احتفظت
بعينيه وكلمتين
هناك كانت كما تعودت.. ترى
نفسها كما لم تحلم ان تكون

واحتفظت بصدى الكلمات ..تجتره وقت الحاجة
او الحنين "
قعدت اكررها اكتر من مرة
حلوة قوى
اتأثرت جامد
و خصوصا لأنى زى ما الاخت عارفه انى رومانسى جدا

River Nael said...
This comment has been removed by a blog administrator.
بنت القمر said...

طب والنبي في توارد افكر في القصص
ابقي اقري قصتي بقا بس بتاعتي قصه حقيقيه
اما القصه بتاعتك صياغتها الادبيه مؤثره جدا
كلنا كدا كان عندنا شنط متربه وكراسات صفرا
وصور مهلهله
وحاجه تقطع القلب
سيبك من ليلي
ليلي دي هجاصه وكدابه واول ما ها يشاور لها ها تجري عليه زى الهبله
اصل انا عارفاها ومجرباها
ليلي كدابه ليلي بتحبه
اوي
بس هو مشغول
عنده اجتماع
سفر قاعد علي القهوة بيشيش مع صحابه
خلع ساعه الجواز
اهو اي حاجه بس اكيد راجع مش ها يطول
ويا ليلي تمسك روحها وتبطل حب علي نفسها
وتجمد شويه
يا اما
هاهاها
ها تقعد حمب الشنطه تحياتي ها ارد علي تعليقك بتاع بوست مجرد اسئله بكره او بعدة وابعتهولك ميل
لو كنت اعرف انك رديتي كنت اجلت القصه تحياتي يا مرمر

على باب الله said...

حميلة جداً

دينا فهمي said...

عجبتنى اوي

Desert cat said...

بطلت القصة محتاجه شوية قوة وتماسك بس عجبتنى اوى انها خدت خطوة ايجابية ورمت الشنطة بعده
باقى لها ترجع تلبس من تانى وتهتم بنفسها من تانى
تحياتى

بنت القمر said...

يو هاف 1 ميل مسج

Anonymous said...

عباس العبد
كم اكره سماجتك
-تعليق ملوش دعوة بالموضوع-

bluestone said...

عباس العبد:
كويس انها عجبتك
خاصة وانك رومانسي جدا خالص
:)
===============================
بنت القمر:
جاري الاستعلام
وينفذ
ممكن الكل يعتقد انها هبلة
بس من امتى الحب هبل يا بنت القمر
حتى لو مالوش مردود

======================
على باب الله:
اشكرك جدا
============================
امرأة تقول الذي لايقال:
اشكرك جدا على رأيك وعلى الزيارة
============================
قطة الصحراء:
بطلة القصة محتاجة تبطل شوية الأمل اللي عندها
وهي هتكون كويسة خالص
===================
الأنونيموس:
ليه كده طيب؟؟
طيب ده عباس
رأيك انت/ي بقى في الكلام ؟؟؟

الحمقاء المضلله innominate x said...

بتوصفي حالتي بالضبط اليومين دول

بنت القمر said...

بصي يا يلو
يا حبيبتي هي مش هبله بس بتتصرف بهباله

يا حبيبتي لو بيحبه ما يمشيش ويسيبهايعني ايه حب من غير مردود فهميني مفيش حاجه كدايعني بخلاصه تجربتي المتواضعه في الحياه صدق الحكماء حين قالوا
خدي اللي يحبك متخديش اللي بتحبيه والعكس
الحب من غير مردود دا الحب الامومي لانه حب غريزي مش اختياري حب لايحكمه عقل
واحده صاحبتي بنتها وقعت في البيسين ادامها نطت تنقذها وبدون تفكير رغم انها ما بتعرفش تعوم
غريزة
وعلي فكره موبايلها باظ
الراجل والست لا يا بلو لازم هات وخد لازم الحب دا يسعدك ورغم الاختلاف يكون في تنازلات بس برضه يكون بيحاول لازم تحسي بفرح براحه تشوفي في عيونه الحب وتحسيه مش انتي دايما اللي بتثبتي ممكن تعبري برضه بس يكون رد فعل مش فعل وخلاص من طرف واحد ودي تبقا ماسوشيه وتعذيب ذات
الحب من غيرامل مش اسمي معاني الغرام
دا كدب الحب لازم بامل ولازم بفرح او محستيش انك سعيده او علي الاقل بيحاول يسعدك يبقا في حاجه غلط ولازم تراجعي موقفك
صدقيني
ممكن تحسي براحه بس اوبرضا لكن افضل من الشقاء في حب بلا مردود
بلا مردود قال
تحياتي

قبل الطوفان said...

من تلك النوافذ المفتزوحة نطل على الكون، ونتسلل إلى شوارع الحياة التي تنتظرنا

لتبق إذاً تلك النوافذ مشرعة، فهي وحدها قادرة على إحياء الأمل في نفس من يسكن في غرفة تحن إلى الضياء

م said...

كنت كتبتلك انها رائعه بحق
بس ما لقيتش التعليق بتاعى
هو المحذوف ده ولا ايه

dead man said...

فأنا لا أملك في الدنيا
إلا عينيكِ وأحزاني

نزار

معتقدش في حاجة تتقال تاني
:)

تحياتي

bluestone said...

ياسر:
بقالي كتيييييييييير
افتقدك حقا :)

النوافذ المشرعة .. وحدها القادرة على إحيا الأمل في نفس من يسكن في غرفة تحن إلى الضياء

يااااااه يا صديقي
اختصرتها انت في كلمتين كما لم أكن لأفعل
اتمنى ان تبقى كل نوافذك مفتوحة يغمرها الضوء

bluestone said...

محمد الهنداوي:
اشكرك يا دكتور
لم يكن تعليقك ما تم حذفه
كان تعليقا دعائيا

===========================

dead man:
حتى عينيه فقدتهما
لم تبقى سوى الاحزان
وحقيبة متربة
ونافذة

اشكرك على الزيارة
=============================

آنسه سفـــر said...

عنوان رائع
وصورة الادراج معبرة وجميلة

بدأت رحلتي في مدونتك
القهوة العالية

تحياتي