Friday, January 25, 2008

the Day I got touched


لا أتحدث اليوم عن أي حملات ولا يأتي كلامي غير المرتب في إطار حملة او دفاع عن قضية او اي شيء
فقط أرغب في أن أروي ما حدث .. لاني أريد ان احدث احدهم عما حدث. انه أحد هذه الايام
أشعر بالانزعاج الشديد .. والانتهاك والهزيمة .. والكثير .. الكثير من الغضب
حاولت أن اتصل بأحد اصدقائي فقط لأتحدث .. ولكن تلك كانت مشغولة وهذا هاتفه مغلق وذلك لا يهتم .. وآخر لا أملك الجرأة أن اتحدث معه في أمر كهذا .
وانتبهت إلى ان المكان الوحيد الذي اكون فيه على راحتي دون قواعد هو هنا .. فلا انتبه كثير للاداب العامة ولا للواجهة الشخصية ولا قواعد العمل ولا حتى القواعد اللغوية ..فقط تلك المساحة من الفضفضة
فقررت ان اكتب ما لم اتمكن من قوله لأحد
اتباهى كثيرا بأني امرأة قوية .. لست في حاجة لأحد .. استطيع الاعتماد على ذراعي وشق طريقي في الحياة .. اعمل كثيرا جدا جدا لاثبت ذلك ..لست في حاجة لأحد .. ولا يستطيع احد ان يسلبني حقي او يسحقني مهما كان
ولكن الليلة شعرت بمدى كذب تلك الفكرة .. الليلة فقط كنت كما طفلة بائسة شعرت بانهزام مفاجئ ولا من احد تهرع إليه لحمايتها
الامر لا يعدو مجرد يوم آخر .. في طريقي للمنزل بعد يوم عمل شاق .. كان قرارا سيئا أني تركت السيارة عند المنزل صباحا وقررت اني كأن إنسان آخر من حقي أن أسير في الشارع كباقي البشر اتمتع بيوم مشمس ومساء طيب .. وكنت مخطئة
استوقفت سيارة ميكروباص لاني لا اثق كثيرا بسائقي التاكسي بعد التاسعة مساء
وحملت حقيبتي وأوراقي وبعض الصحف وجلست على المقعد الأمامي خلف السائق مباشرة
وجلس بجواري رجلان .. وانطلقت السيارة
كان الرجل بجواري قريبا مني جدا لدرجة ازعجتني فاعتدلت اكثر من مرة لاعلن عن ضيقي ولكنه كان شبه نائم عينيه ربما كانت عيناه مغمضتين .. فاكتفيت بان التصق قدر الامكان بنافذة السيارة .. فالامر لا يعدو مجرد دقائق قليلة واصل للمنزل
ولن يحدث مرة اخرى ان اترك سيارتي .. وامارس حقوقا وهمية مرة أخرى
وقبل دقيقتين من محطة نزولي .. حدث ما لم اتوقعه .. لقد وضع الرجل يده على قدمي !!!!!!
هكذا في وسيلة مواصلات عامة .. بلا ادنى تردد
فانزعجت واستدرت فجأة ورمقته بنظرة حادة ..فسحب يده في هدوء قاتل ..اعجزني عن الكلام
اعلم ان الكثيرين سيلومونني .. لماذا لم تضربيه او تصرخي او تشتميه بما اوتيت من ألفاظ .. ولكني لم افعل ..فقط لم افعل
فجأة فقدت تماما اي قدرة على النطق او التصرف .. لثوان معدودة شعرت اني طفلة تبحث عن اباها في زحام شديد
هممت بالنزول قبل مكان منزلي
ولم أفعل اي شيء
شعرت بقدر مؤسف من المهانة والغضب ..والعجز
وانكسار ....... أمام نفسي اولا
لم افعل شيئا على الاطلاق.. خفت ربما
وربما استغرقت لحظات في التفكير في الفضيحة التي ربما كنت سأتسبب فيها ان صرخت في وجهه وشتمته
ماذا سأقول للركاب الآخرين ؟؟؟ ماذا لو شتمني بدوره؟؟؟
لا اعرف .. فقط لم افعل شيء .. فقط نزلت من السيارة وسرت في خطوات بطئية لمنزلي وانا اشعر بلا شيء فقط باحساس يشبه الحريق على تلك البقعة من قدمي
وبكيت كالأطفال .. حتى الآن ..
مدهش حقا كيف يمكن لغرباء تافهون ان يسلبوا أجزاء من إنسانيتنا يوميا دون ان يكون لدينا اي رد فعل او آلية للدفاع

26 comments:

جبهة التهييس الشعبية said...

انت باين عليكي مش خبرة في المواصلات
بصي يا ستي لما تحبي تمارسي حقوقك كمواطنة بيكفل لها الدستور حق ركوب الميكروباصات تتخذي الاحتياطات التالية:

اولا يبقى معاكي دبوس
اشبكيه في جاكيت حطي شال او ايشارب حوالين كتافك او رقبتك واشبكيه بدبوس

ثانيا
تقعدي عنيكي في قفاكي

ثالثا
في بداية التحرش ممكن تستخدمي الدبوس

رابعا مافيش اي فضيحة لو رقعتي بالصوت ولطشتيه بالقلم المتحرشين جبنا عادة والمصريين ما بيصدقوا يلاقوا واحد في الموقف ده عشان ينزلوا فيه ضرب ويفشوا غلهم وقرف الدنيا كلها فيه

karakib said...

مين الكلب ده !؟

Anonymous said...

الموضوع ده بقى عادى جدا و احمدى ربنا أنه حط أيده على رجلك بس، أنا مش بقلل من حجم الموضوع بس أنتى اللى بقالك كتير مركبتيش مواصلات

Elkomy said...

my blog

Anonymous said...

في تركبية غريبة في المجتمع المصري وفي التربية بتخلي الشخص المعتدى على حقوقه يشعر بالذنب والشخص والمذنب يشعر بالأنتصار....شيء فعلاً غريب ومتدركش مدى غرابته غير لما بتشوف آزاي الناس في بلاد تانية بتتعامل مع أشياء ذي ده و كمان بتشعر تجاه بحاجة ذي ده...فعلا شيء غريب...

على فكرة كنت زمان بفتكر أن آي حد يوجهلي أهانة أو يستخف بي بالأخص على مستوى الدين (لأن الدين والجسد أكتر موضوعين حساسين بالنسبة للمصرين) أني لازم أرد أو أدافع ولو معملتش ده أشعر بالذنب وبعد كدة أكتشفت أن ده غلط تماماً أحنا مش مطالبين بالتصرف بشكل معين أمام تعدي حد تاني...وأصبح آي رد فعل أقوم به حتى لو كان فقط الصمت لا يعطيني آي شعور بالذنب.

mary victor said...

اتكرر معايا الموقف دة كتير قبل كدة و ماكنتش بتكلم
و يوم ما اتكلمت الراجل زعق لى عشان انا اللى بتحرش بيه و بتلكك و ماحدش من الركاب اتكلم بس بصولى من فوق لتحت عشان انا مش محجبة و انا اللى جايباه لنفسى

ست المرتفعات said...

واضح انك متعرضتيش للتحرش من قبل كدا
انت بشكل كبير تعرضتى لاخف حالات التحرش
بس نصيحتى..كلنا فى اول مراحل تعرضنا للتحرش بنخاف الناس هتقول ايه..ولو هو ممكن يرد على بكلام مهين ولا لاء
بس نصيحتى..طرق الرد الصامتة مبقتش جايبة نتايجها...افضحيه..بالذوق الاول..وبصوت عالى..صدقينى دا هيبعده عنك ومش انت بس..وكل اللى موجودين فى محيطك..دا لوكنتى راكبه اتوبيس مثلا

ممكن يرد عليكى..بس غالبا مش هيكررها تانى..على فكرة هو كان باين نيته من بدرى..موضوع الدبوس والتئتئة مبقاش جايب همه
والدليل زيادة حالات التحرش..اعتقد اننا لازم نفضحهم
معلش انا حاسة بيكى..وعارفة حالة الغضب والاستياء والحزن والاحساس بالعرى اللى بتبقى حاساه
بس رجاء متوجهيش دا لنفسك...وكويس انك خرجتيه براكى

لولا

محمود المصرى said...

بسم الله الرحمن الرحيم

عجزى عن المواساه هو اصدق شعور ممكن اعبر عنه , لكن تأكدى ان التعدى عليكى لا يسلبك كرامتك وشرفك ولا يحط من قدرك بل هذا ما يستحقه المتحرش , ولا تلومى نفسك على السكوت فالضعف ليس عارا .
لكن بالنسبة لقضية التحرش نفسها منتشرة جدا فى المواصلات , وحلها لا يكون بطريقة الدبوس والصويت والقلمين والكلام دا كله حلها الحقيقى هو نزع فتيل الكارثة , لأن دا بيكون سببه فساد اخلاقى فى المجتمع فلازم الفساد الاخلاقى دا يزول , لكن لغاية ما يزول الفساد دا فى حلول مؤقتة زى مسالة تخصيص مواصلات للسيدات وتخصيص اخرى للرجال , مش بس مواصلات سيدات ومواصلات مختلطة زى ما بنشوغ فى المترو , وبدل ما يخصصوا مثلا تلات عربيات مترو للسيدات يخلوا نص القطار للسيدات
اعتقد دا افضل حل مؤقت وعاجل لتلافى اعرا التحلل الاخلاقى المنتشر فى المجتمع لكن لابد من علاج الداء نفسه .

Lasto-adri *Blue* said...

هممم
مش عايزة اقول لك يا قهوة انك تحمدى ربنا.. لانه فعلا من اهون طرق التحرش دلوقتى
وكويس انه عمل كدة وانتى نازلة من الأتوبيس مش شئ تانى


مش عارفة اقول لك ايه عشان كرها الكلام وقرفانة من نفسى انى عايشة فى مجتمع بفكر حقير زى كدة

DantY ElMasrY said...

الموقف دا بيحصل كتير لدرجة ان الركاب اتعودوا عليه زى خناقات العيال
لكن لو انتى تابعتى نظرتك الحادة وقلتى بنفس الحدة :لم نفسك ديك البرابر هيتراجع
جت سليمة

^ H@fSS@^ said...

معلش يا يا بلو
بس كده حتخلي حد من المتخلفين عقليا يتهمك ان الوضع كان عاجبك
المرة الجاية باللي في رجليكي و على نافوخه عدل و خلي اللي يبصلك يبص و دبي صوابعك في عينهم

معلش اصل انا عندي افكار سمينية الهوى شوية
قتل و جز اعناق بقى تعملي ايه
عيبت عليها فبقيت زيها
:D
روقي يا جميل و متزعليش نفسك

qwert anime said...

لا اعلم لماذا فى المجتمع العديد من الناس يمارسون فن التحطيم
سواء فى المدرسة او الشارع او فى اى مكان
و لكنهم اصبحوا جزء من المجتمع
كل همهم ان يحطموا اخرين بالعمد
لا اتكلم عن ظاهرة التحرش فقط
لكن ظواهر عديدة
تجعلنا مخنوقين
بعد ان سحبوا هم كل الاكسجين
و لم يتركوا لنا اى مكان فى هذا العالم
او حتى فى عالم اخر

كريم بهي said...

مش عارف ابدأ كلامى ازاي
لكن
تصرفك كان صيحيح90 فى المائة
اما عن الشخص اللى عمل كدا هو كمان كان واثق انك هتعملى كدا
صدقينى فيه ناس بتستغل احترامنا واخلاقنا وادابنا اللى اتربينا عليها ضدنا
احنا عدنا ازمة ضمير واخلاق
محتاجين فيلسوف او مصلح اجتماعى يصلح مفاهيم خاطئة فى اذهان البعض الكثير
السفسطة والاخطاء والتحرشات بقت زى قراية الجرائد فى المواصلات بالظبط
واللى مش عاجبوا ميركبش
لاسف هى دى مواصلات مصر
لكن مش كل الناس كدا

تحياتى بكل الحب

كريم بهي

بنت القمر said...

بصي يا بلو ها احكي ليكي علي موقف
تحرش اتعرضت ليه
مرة نزلت للدكتور الصيف اللي فات الساعه عشرة ونص
والجراج بتاعنا في شارع جانبي وراحه علي عربيتي لقيت ولد شكلهنوبي وقف بيني وبين الباب بخطوة وتف عليا
والله وبص لي بصه ناريه ومشي
طبعا اتسمرت في الارض وخطيت خطوة ناحيه الباب في نفس اللحظه اللي هو كمل طريقه علي الشارع الرئيسي
دخلت العربيه وقفلت الابوابوطيران علي الدكتور مش ها احكي لك علي الاحساس كل المذله والخوف والرعب وطبعا مش ها اقولك كنت لابسه ايه غير انه محتشم جدا ون غير ميك اب نهائي
المهم اتصلت بأاخويا لما خلصت كشف الدكتور حوالي الساعه 12
عشان يجي يروحني رغم ان الدكتور بينه وبين بيتي محطتين ترام واخويا بعيييد حوالي نص ساعه بالعربيه
بس كنت خايفه
جدا جدا
اخويا اصغر مني ب11 سنه
لكن شحط محط مذكر
وانا اللي اكبر مجرد ست
ولا حاجه
طبعا ممكن الشخص اياه يكون مجنون او مختل او معاه سلاح وده اللي رعبني
عارفه يا بلو من ساعتها وانا حاطه سكينه صغيرة زي المطوة في سقف العربيه فوق الشماسه
للطوارئ يعني انا مش بركب مواصلات
لكن الامر ما يمنعش ابدا
انك تتبهدلي في اي لحظه او تنضربي بسكينه
عادي
الموضوع ده مؤلم جدا علي نفسي وذكري سودا ومش قادرة انساها ولا عمري ها انساها
خلي بالك لو عاكسني حتي بكلام وسخ او مد ايده كنت قلت ..حرمان جنسي وخلاص
لكن ده كان مرحله اشنع واقسي واكثر خللا واضطرابا وعدوانيه تجاهي
لينا ربنا يا بنتي

Alexandrian far away said...

يا أبن ال.....
أيه الناس دي؟
بتيجي من أي مصيبه دي؟
ولا يهمك
كأنه كلب وأتمسح فيكي


تحياتي

امرأة من حروف said...

اسمحيلي عزيزتي
دائما اتمنى ان يكون لدي حزام اسود في الكراتيه لكي القن كل من سولت له نفسه درسا لا ينساه

مدهش حقا كيف يمكن لغرباء تافهون ان يسلبوا أجزاء من إنسانيتنا يوميا

هذا هو السيء جدا فكل شيء يسلب منا شيئا حتى لا يتبقى منا أي شيء
و تحسين كأنك بركة من بقع الاخرين عليك
يا إلهي
حسنا ما فعلت عندما تكتبين على الاقل ستحسين بتحسن
و على ما يبدو ان المعلقين يحبونك و هذا احسن سيء
تحياتي

bluestone said...

جبهة التهييس:
لأ الصراحة ماليش فعلا خبرة كبيرة قوي
او يمكن الواحد بيبقى لخمة لما بيخرج بره منطقة الأمان بتاعته

المشكلة فعلا انك بتخرجي من شغلك دماغك مشغولة وفيها مليون حاجة وآخر حاجة بتفكري فيها تبقي انك تشغلي كل آلات التنبيه عشان واحد حيوان
===========================

الكومي:
يظهر كده بقالي كتير فعلا
=================

bluestone said...

the eyewitness:
تقريبا دي اكتر حاجة ضايقتني في الموضوع
اني حسيت للحظة ان المجتع قادر يفرض علي قواعده اللي انا رافضاها من الاصل
وللحظة بقيت زي اي واحدة ممكن تشعر بالخجل او الذنب كمان رغم انها صاحبة الحق

===================
coffee break:
الوضع كله على بعضه بيبقى محرج لدرجة مهينة والواحد بيحس انه فقد احترامه لو وقف يزعق في الشارع او في وسيلة مواصلات عامة مثلا.
==============================
ست المرتفعات :
اتعرضت كتير لتحرش لكن اغلبه كان لفظي .. لاني مش بركب مواصلات كتير الحقيقة

اكبر مشكلة انك تحسي انك بتفقدي السيطرة على المحيط اللي حواليكي وان اي حاجة ممكن تهزك وتنتهكك بالبساطة دي وبدون حتى ما يهتم
=======================

bluestone said...

محمود المصري:
اشكرك اولا
الاحساس بانك غير قادر على حماية نفسك اثناء ممارسة ابسط حقوقك هو ما ازعجني وآلمني حقا

موافقاك تماما في ان الاساليب دي مش علاج للمرض وانما تعامل سريع مع الاعراض
بس برضه تخصيص عربيات في المترو ولا اتوبيسات للسيدات فقط مسألة مش منطقية بما يكفي او مش عملية

يعني ربما المترو
لكن هل هيبقى فيه مثلا اتوبيس السيدات
طيب والشارع ؟؟؟
ممكن اي واحدة تتعرض للتحرش في الشارع برضه وده بيحصل

فعلا مشكلة مالهاش حل على الاقل عندي
=================================
لستو ادري:
انا كنت راكبة ميكروباص موش اتوبيس
انا لا اركب الاتوبيس ابدا ..
مطلقا

دي الحاجة اللي بتضايق فعلا .. ان الواحد حاسس بالقرف من حاجات كتير في مجتمعه
==================================
دانتي المصري:
كمان الناس بقت مش بتهتم اصلا

والواحد اصلا بيحرج يتكلم مع الاشكال دي
==================================
حفصة:
معلش انا برد على كذا في بوكس واحد عشان ازمة الانترنت والصفحة بتكمل في مدة طويلة

مسيرسي يا جميل
وبعد كده الواحد مالوش إلا عربيته او سلاح بقى
===================================

bluestone said...

qwert anime:
صحيح انت عندك حق
بقى فيه في مجتمعنا ناس
بتشيع طاقة سلبية بدون سبب
============================
كريم بهي :
طيب وعلى بال ما تتصلح هنعمل ايه

اشكرك على كل حال يا كريم.
==============================
بنت القمر:
صحيح موقف يخوف فعلا

كل التصرفات دي بتصدر عن ناس غير اسوياء عن حق
بس بقوا كتير قوي

خلي بالك انه غصب عنك بدأت تحسي بضآلة كيانك كامرأة .. لانك وانتي ست كبيرة محتاجة لأي ذكر وخلاص مهما كان صغير
حصلت لي قبل كده
وبحس بشعور سيء جدا
-================================
Alexandrian far away :
دول بقوا موجودين في كل حتة للأسف
===================================

امرأة من حروف:

اشكرك على الزيارة
وفعلا الكتابة تخفف قليلا من وطأة الانزعاج

وايضا كم الحب الذي يجده المرء ههنا

Anonymous said...

حاسس إن من السخيف أوي
إني أقول لك حاجة شبه معلش لأنها هاتكون قليلة أوي
أو هايكون برضه من السخيف أوي إني أقول عليه حيوان لأنها برضه قليلة أوي

Sara Swidan said...

حسَّة بيكي !

عيَّطي و انسي

only spot said...

بصى انا متعاطفه معاكى جدا بس الى حصل معاكى ده ميجيش امن الف من الى كتير بيتعرضو ليه من تحرشات سخيفه سواء لفظيهاو احتكاكات او حتى ايماءات
عزيزتى من الواضح انك كنتى سجينه سيارتك وقررتى ان تنزلى للشعب فماذا وجدتى
صدقينى العيب مش فيكى ولا فى المتحرش بيكى وبنا العيب فى الضغوط التى سببها البعض لنا كعامة فاثرت على عقول البعض
تحياتى لكى ولا احوجكى الله للميكروباصات وربنا يتوب علينا منها
جولى امين
اضحكى وانسى صدقينى اهى تجربه وعدت
تحياتى

Sara said...

شكل كده ان مش انا وانتي ولا البنات كلهم دول اللى ردوا اللى اتعرضوا لتحرشات
ده شكل كل بنت في مصر ميهمش سنها اتعرضت لحاجة زي كده ومش عارفة ايه السبب وعلى فكرة متفرقش حجاب مش حجاب بنت صغيرة لسه مبلغتش حتى ولا ست كبيرة مخلفة مبتفرقش معاهم
وعلى فكرة انا بجد مش ببصلها نظرة بقى مجتمعية تحليلة زي مالناس بتعمل لسبب واحد لان الحثالة دول مرضى نفسيين مش طبيعين بجد فمحدش يقعد يقول المجتمع ومش المجتمع والحق الذكوري ومش عارف ايه بجد دول ناس مش اسوياء اصلا اصلا
ملكيش غير ربنا واعتقد الدعاء عليهم حلااااااااااال
تحياتي

Sara said...

شكل كده ان مش انا وانتي ولا البنات كلهم دول اللى ردوا اللى اتعرضوا لتحرشات
ده شكل كل بنت في مصر ميهمش سنها اتعرضت لحاجة زي كده ومش عارفة ايه السبب وعلى فكرة متفرقش حجاب مش حجاب بنت صغيرة لسه مبلغتش حتى ولا ست كبيرة مخلفة مبتفرقش معاهم
وعلى فكرة انا بجد مش ببصلها نظرة بقى مجتمعية تحليلة زي مالناس بتعمل لسبب واحد لان الحثالة دول مرضى نفسيين مش طبيعين بجد فمحدش يقعد يقول المجتمع ومش المجتمع والحق الذكوري ومش عارف ايه بجد دول ناس مش اسوياء اصلا اصلا
ملكيش غير ربنا واعتقد الدعاء عليهم حلااااااااااال
تحياتي

Anonymous said...

ana aslan zehe2t w te3ebt mn el mawdoo3 da, ana taleba fel gam3a w kol youm barawa7 autobisat, w bala2y el mawakef elly zy d w afza3 shebh yawmeyan, bas bardo baskot,,
ha3mel a?
hayeegy el youm elly hanfager feeh orayeb awy isA..


masreya..