Thursday, November 27, 2008

شوية كلام




زعلي طول أنا وياك


لا يوجد مفردة فصيحة للزعل .. فهو ليس نبيلا كالحزن يمنح لمحترفيه لذة ارتكابه. ولكن الزعل كلمة موحشة جافة..وحيدة. تشبه الجدب في الروح
مازالت حتى اليوم أتعجب كيف أمكنك محو كل تلك الوحشة من روحي بأبسط أبجديات النفي (خلاص ماتزعليش..حقك عليا) وكفى

لقيت روحي في عز جفاك/بفكر فيك وانا ناسي

كيف يمكننا ان ننسى شخص ما! أعني ما هو التفسير العلمي لعملية النسيان.. هل تفكر في ألا تفكر فيه؟ا
أم تذكر نفسك بضرورة عدم التفكير فيه؟ ربما تسترجع الذكريات السيئة؟ أو تقرر ألا تتذكر اللحظات الحلوة التي جمعتكما؟ا
ربما في النهاية تجد نفسك تفكر جاهدا في ألا تفكر فيه.. تستحضره لتنفيه عنك!!!! فأي عبث نفعل بأنفسنا



ليه قلبي عليا معاك


هل يمكن حقا ان يعصاك عضو بجسدك لصالح شخص آخر ؟ا ماذا تفعل إن رفضت يدك مثلا الانصياع إليك وتنفيذ أوامرك وقررت بارادتها الحرة ألا تمحو عطره من عليها
هل يمكن ان ترفض قدميك اتباع تعليماتك وتقرر ألا تتوقف عن الطواف بأماكنكما المفضلة؟ا
هل يمكن لأذنيك وأصابع يدك وعينيك التمرد عليك واللجوء إلى صوته ووجهه بشتى الطرق ؟ا
ان كان لا يمكن لهؤلاء أن يفعلوا
فلماذا يخرج القلب عن تلك القاعدة ؟؟ا




22 comments:

محمد حمدي said...

بوست جميل وعميق جدا .. بجد لمسنى اوى

تحياتى

Empress appy said...

هي طالبه ام كلثوم معايا ومعاكي
اه انا بقفش نفسي بفكر فى حد وهو مش فى بالى مش عارفه ازاي بس يمكن علشان بنحب الشخص ده فطول الوقت بنفكر
اما عن عصيان الجسد او اي عضو فاه بيحصل وده لرقه المشاعر اللى عندنا
بجد حلوه ومش عارفه ليه طالبه ذكريات معايا ومع الناس

Anonymous said...

هو انتي مش قبطية؟ ليه ماكتبتيش على احداث المطرية و عين شمس؟

ولا انتى شايفة الموضوع مايستاهلش؟

basma saghir said...

النسيان
مممممممم

النسيان هو تنسي انك تفتكري..ولما تفكري في الحد ده تلاقي نفسك مش مركزة قوي زي زمان..بيكون في حاجات كتير قوي بتعمل عمل السحابة الضخمة شوية تحجب الشمس وشوية الشمس تطلع

وممكن جدا تفكري في الذكريات السيئة..بس الالية دي مش ناجحة ابدا

اكيد هو عبث يافندم :)

حـنــّا السكران said...

البوست عجبني كتير .. و كنت عايز أعلـّق عليه بكلام خطر لي من وحي البوست ..لكن بصراحة لقيته ما رح يعبّر كويس عن الفكرة اللي جواي فعلا .. أنقذني درويش .. نط ّ قدامي فجأة .. و هو بيقول :

قل للغياب نـقـصـتـنـي

و أنا حضرت .. لأكْـمـِـلـَكْ

ـ أعتقد ان ده أفضل تعبير .. احنا بنستحضر حاجة أو شخص أو موقف عايزين ننساه .. بنستحضره عشان نجاهد في إننا ننساه ..بالحقيقة إحنا بنجيبه أو بنروح له .. عشان يكمّلنا أو نكمّله .. لأنه عايش فينا بالأساس .و بقوّة .

زفت said...

يبدو ان الخريف هو موسم النوستاجيا في هذه المدونة

ذاكرة الجسد؟ أهذا ما تتكلمين عنه. في هذا المصطلح تكمن ثنائية الروح والجسد وما يسمي بالفلسفة العلاقة او المشكلة ال بسيخو-مادية

من يحب اولا الروح ام الجسد؟ هل اذا اغمضت عينيك تسترجعين ذاك الشخص كفكرة مجردة ام كتفاصيل مادية؟ ملمس يده, شكل ذقنه بعد عدة ايام من عدم الحلاقة, رائحة الافترشيف, طعم القبلة..هل يمكن ان تحددي من يتذكر عندها...الذرة-المادة قي الجسد المستذكر ام الروح التي وصمت بالعاطفة كأنها حديد محمى؟

ذاكرة الجسد هي المخزون المتبقي فينا من هذه الحياة - ولو كانت تعبث بالوقائع احيانا وتغيرها فذلك افضل بالتأكيد من ان لا يبقى شيء ابدا من قطرات نهر الحياة المتسارع الى اللامكان

اللامكان واللامعنى

بنت القمر said...

ليتل رومانس فروم بايونيك وومن
:D:D

silverstone said...

i used to read ur blog a long time ago and i always admire ur posts but this is the first time i find myself want to comment on something cause those words raelly touched me alot speacially the last part really marvoulas .

bluestone said...

محمد حمدي:
اشكرك
وسعيدة بمرورك

----------------------------------
آبي:
هي بتطلب ام كلثوم وفيروز كتير في كل وقت
يمكن دخول الشتا بيعمل للي زينا مشاكل :)

bluestone said...

مصري:
وانت مالك !!

bluestone said...

بيسو:
كل آليات النسيان فاشلة جدا
انا شايفة اننا مش بننسى
احنا بنتعلم نتأقلم
وبعد وقت بنتأقلم على كل اللي بيوجعنا
فمع الوقت بنبطل نحس

bluestone said...

حنا السكران:
بقيت بنتظر ردودك لانها مثيرة فعلا
بنروح لنا عشان يكملنا ونكمله
تفتكر ان ذكرياتنا يمكن اعتبارها جزء من وجودنا الفعلي؟
هناك بعض الذكريات بالتأكيد سأكون أكثر سعادة نسيتها
وهناك اشخاص سأسعد ان خرجت ذكراهم من حياتي ايضا

او على الاقل هذا ما اعتقده
.

bluestone said...

لاعب النرد:
صحيح .. هو الخريف
وأشياء أخرى
الذاكرة النفس-جسدية
مصطلح جاف للتعبير عن ذلك الرابط
ربما افضل ذاكرة الجسد
ربما لان احلام مستغانمي وما تكتبه له مكانة خاصة عندي

استرجاع التفاصيل هو الاسوأ والاكثر ايلاما في كل الاحوال
تفاصيل راحة اليد
العطر المفضل
الكلمة المكررة
واشياء سخيف كتلك هي ما قد تحيل حياة المرء جحيما

حينما يختزن الجسد لحظات
او ملامح مميزة لتلك اللحظات
فتجد ان كثيرا ما يرتبط عندك لحن ما بموقف ما
او رائحة طعام او شارع او مكان ما
بلحظات ما
فلا يكفي ان تبقى عالقة بذاكرتك
فيشارك جسدك في المرثية ا والمؤامرة
فينتبه للمؤثر الخارجي ليستحضر الذكرى
فتمثل امامك حية
موجعة كلحظة حدوثها

bluestone said...

بنت القمر:
انا بايونيك!!؟؟؟
ده انا اغلب من الغلب
:)

bluestone said...

silverstone:
It's cool to have a secret reader or passer-by

Thanx for passing by .. even if u didn't drop any comments.
ur commetns are alwyas welcomed

Anonymous said...

هاها و مالك زعلتي كده؟
ماتزعلش ياطعم
بس صدقيني النفاق عمره ماجاب نتيجة

bluestone said...

egyptian:
مين اللي قالك اني زعلت
الحاجات الصغيرة دي ما تزعلنيش اكيد
وايه طعم دي ؟؟
ونفاق ايه يا عم انت ؟؟؟؟
ايه علاقة البوست باللي انت بتقوله ؟؟؟

يا مراكبي said...

ممكن أشارك في حل المسابقة؟

شوفي يا ستي

أولا: الزعل = خليط من الحزن والغضب

ثانيا: النسيان = هو تلك النتيجة التي تنشأ عن إنشغال الذهن في مشاغل الدنيا العاجلة فتجعله لا يتذكر الأحداث الماضية

ثالثا: نعم .. من الممكن جدا ألا يستجيب عضو ما في الإنسان فيتحرك عكسما قرر ذلك الإنسان .. وأولها القلب

أي خدمة

م said...

الزعل أصلا كلمه فصيحه وان شاع استخدامها فى العاميه
طعم بقى هى اللى عاميه
:)))
مش عارفه يعنى ايه يا طعم؟
يا شيخه حرام عليكى
:)
انا قريت التدوينه اكتر من مره وهرجع ارد تانى
عشان الموضوع ملمس معايا

micheal said...

القلب له أحكامه
:)
تحياتي

الرسام الواقعي said...

لإنهاء العلاقات أعتقد أسلم حل هو قاعدة"إلغي"..وبكده تنتهي العلاقة.
لو في حل غيره أتمني أعرفه..

DantY ElMasrY said...

إقرى عن كيميا المشاعر
كل إحساس بيمر بيه الإنسان له مادة بتزيد فى الدم

معنى كدا إن حبوب الشجاعة ممكن تتعمل
وحبوب الرومانسية والتضحية والصدق
ممكن تعمل جدا