Saturday, July 22, 2006

راحة مؤقتة




توقف قصير
عن الكتابة
عن الكآبة
عن التفكير
عن الجرعة اليومية من الاحزان
ولكن لعودة
بالتأكيد هناك عودة
فلا يمكن للبعض ان يعتاد البهجة

10 comments:

The Eyewitness said...

أنشاء الله يكون توقف سعيد ومفيد. في أنتظار العودة.

باسم said...

تفتكري فيه حد ممكن يعيش من غير كتابه .. حتى لوكتابة طلبات البيت ؟.. هتكون كارثة .. لفتره من الزمن .. أتعودي على النط ورا المسلسلات من قناه لقناه .. و التعايش مع أحزانك اليوميه بدون فرصه للبوح .. على العموم ترجعى لنا بالسلامه .. و بدون جروح أخرى

مراكب ورق said...

القارب وحيد
ليس معه سوى انعكاس صورته على صفحة المياة
المياة ساكنة
عميقة تبدو
ضحلة تبدو
لا يمكننا ابدا ان نعرف دون تجربة
ورغم كل الالوان الباهتة يبقى المدى مفتوحا ووسيعا

lastknight said...

العزيزه
وصلنى تعليقك على مدونتى و كتبت ردى عليه .. أرجو ألا تطول غيبتك .. فقد فتحت بجهدك موضوع رائع للنقاش و العمل .. و أطالبك ( بصفتى عجوز و انتى لسه صغيره ) أن تحضرى النقاش سواء على مدونتى أو مدونتك ..

lastknight said...

وحشتينا .. تعالى بقى

مـحـمـد مـفـيـد said...

والله اول مره ادخل عندك زان شاء الله مش لاخيره
بلوج رائع واتمني عوده حميده

bluestone said...

باسم ::
تصدق نفع .. بس لفترة قصيرة .. كانت من اسعد فترات السنة دي على الاقل .. أن تعيش دون ان تحمل لاي شيء أي هم ابدا ..
من كام شهر نصحني صديق أني اعمل SHUT DOWN او على الاقل SLEEP لدماغي لبعض الوقت ..
وساعتها قلت له مستحيل اني اقلع دماغي وامشي زي بقيت الناس ..

وبمرور الوقت اتكررت النصيحة من آخرين .. بطلي تفكري كتير .. ريحي دماغك شوية .. انتي مش شايلة الدنيا على كتفك ..
ومع التدريب وزيادة احمال الكآبة والهموم قررت اسمع كلامهم .. ونجحت

عشت 4 أيام من الفراغ التام .. ساعدني على ذلك صحبة مشابهة من الناس اللي ضربت الدنيا صرمة كبييييرة جدا .. ومتعرفش أي حاجة عن أزمة القضاة ولا ان مصر شافت مظاهرات بعد ثورة 19 بتاعت كتب التاريخ ..
ومايعرفوش عن حرب لبنان غير ان نانسي عجرم لغت آخر حفلاتها .. وهكذا

حياة هادية جدا ومريحة بلا هموم على الاطلاق .. بلا ورق ولا اقلام ولا نشرات اخبار .. بلا عمق ايضا
نصيحتي ان تعيش على السطح من وقت لاخر .. تستمتع ببعض الضحكات والنادرة وتبتسم من قلبك ..

bluestone said...

EKAROSS
المركب دائما يبحر وحيدا
فهو هكذا أكثر أمنا
لم يصمم بعد لتحمل العواصف

محمد مفيد ::
تشريف يشرفني .. في انتظارك دائما

باسم said...

بافكر أعمل زيك .. لو عملتها هاحط لنفسى برنامج لحاجات نفسى أعملها و أنا هايف .. أولا هاقعد أعيش مع حلقات friends اللى حمضوا عندى ع الكمبيوتر .. ثانيا هاقعد أتفرج على spacetoon
مع ولاد أخويا لحد ما أتعمى
ثالثا هاروح دريم بارك مع العيال أصحابى مرتين أو تلاته ع الأقل
و أحتمال أنزل أتمشى ع الكورنيش شويه أعاكس ف البنات .. الحاجه اللى عمرى ما عملتها قبل كده
بس على الله بقى رجلى ما تحدفنيش على وسط البلد .. أحسن أنا لما بروح هناك لازم أرجع بشنطة كتب قد دماغى ..
أيه ده كله ؟؟؟ يع ع ع ع ع ع ع ع

عمر said...

ترجع بالسلامه احزانك مستنياك