احدهم فعل شيئا

طلبت نيابة جنوب القاهرة من ناصر أمين المحامي بالمركز العربي لاستقلال القضاء والمحاماة بالمثول أمامها اليوم

السبت لسماع شهادته بشأن البلاغ المقدم منه ضد وزير الداخلية المصري لوقوع جرائم من ضباط الشرطة بحث مواطنين في أقسام الشرطة وكان أمين تقدم ببلاغ للنائب العام يطالب فيه التحرك "الفوري والعاجل .. للحد من افلات الجناة في جرائم التعذيب في المساءلة القانونية والعقاب" بشأن واقعتين تعرض فيهما مواطنين للتعذيب وتم تصويرهما وانتشار هذه المشاهد منها تعرض مواطن للصفع عدة مرات من ضابط شرطة (يعتقد انها وقعت في قسم شرطة الهرم) بينما تعرض الاخر لعملية هتك عرض في احد الاقسامكما أشار البلاغ الى اتهام مصر بممارسة التعذيب كوسيلة منهجية ونمطية من قبل رجال الشرطة أثناء التحقيقات وغير التحقيقات واتهامها بذلك من المؤسسات الدولية المعنية بحقوق الانسان

السيد الوزير في عش الدبابير

أولا وقبل اي حاجة أحب اوضح نقطة مهمة للاخوة اللي بيفهموا الكلام على مزاجهم وبيردوا وخلاص
أنا معنديش أي مشكلة مع الحجاب كزي او كرمز ديني ولا تعنيني اي جدليات او مناقشات بشأنه ولست من معارضيه ولا من مؤيديه ايضا ولا اؤيد ايا من الفكرتين بشأنه سواء أمر ضروري ومفروض في الاسلام أم كما قالت لي صديقة ان الحجاب هو حجاب الخلق والنفس
ولا افتي فيما لا اعلم

بالنسبة لي شخصيا ارى ان الحجاب هو زي عادي يرى فيه البعض التزاما دينيا ولا امانع ان يرتديه احد ولكل حريته الشخصية فيما يرتديه سواء ارتدى حجابا او مايوه

ارفض فقط تصنيف الناس او الحكم على اخلاقهم من ملابسهم

كما انه ليس لدي اي مشكلة مع من ترتدين الحجاب ولدي كثير من صديقاتي من المحجبات وانا لا اراه تصنيفا بالطبع ولكن وجب التنويه
كما انه لا يلفت انتباهي لاني اعيش في مصر واغلب النساء المسلمات محجبات وهو امر عادي بالنسبة لي
غير اني قد تكون لدي مشكلة مع النقاب لاني اجد صعوبة في التعامل مع شخص من وراء ستار اسود تتشابه فيه النسوة جميعا ويتحولن إلى غيمة او خيمة سوداء تتحرك لا تميز ولا فرق بين واحدة واخرى


كانت هذه مقدمة منطقية واستهلال لابد منه

ما علينا

لم اكن لادلي بدلوي في الجدل الدائر بسبب تصريحات السيد المبجل وزير ثقافتنا الهمام بالرغم من صدمتي لقراءتي تلك التعليقات في المصري اليوم قبل ايام وتوقعت تلك الحملة الضروس على الرجل ولكني متأكده انها لن يكون لها اي أثر قوي لان الرجل كما نعلم جميعنا محصن وأفلت من أمور أكثر صعوبة وحدة
ولا احد يدري سر بقاءه الطويل في الوزارة بعد كل مصيبة والتانية سوى انه ربما يكون تميمة حظ أو فاسوخة الحكومة المصرية

ما ادهشني حقا ليس طبيعة تلك التصريحات لان الجميع يعلم رأيه جيدا ويعلم ما يتحدث عنه الرجل كما ان اغلبنا على الاقل يفهم القضية الجدلية التي كان يتحدث عنها
ولكن ما ادهشني حقا بل واثار تساؤلاتي هو سبب تلك التصريحات
فالرجل مهما كانت اراؤه وسقطاته فهو ليس احمق ومهما كانت ثقته في ثباته في مركزه فليس من مصلحته استعداء ملايين من البشر عليه قد يصل به الامر إلى حد إيذاؤه
كما اني اشك كثيرا في كونه يهتم إلى هذا الحد بالرقي الثقافي والحضاري للمصريين فكلنا نعلم حالة الانحدار الثقافي التي نعيشها جميعا وان اسهامات الرجل لا تتعدى الحفلات والافتتاحات والمهرجانات وبعض المعارض والحرائق طبعا
أما عن مستوى الشباب والطلبة ومستوى رجل الشارع ثقافيا فبلاش نقلب على بعض المواجع وخلي الطابق مستور

ولم اكن سأتكلم في الموضوع لان الكثير تحدثوا عنه بداية ممن طالبوا بمحاكمته إلى من ساندوه ولكني شاهدته بالامس في حوار خاص على الهواء مباشرة على قناة المحور المصرية في برنامج اسمه (90 دقيقة) وكانت لدي بعض الملاحظات التي اثارت دهشتي وساعدتني في وضع اكثر من سيناريو لتفسير التعليقات العجيبة

أولا:محاولة انتحارية
الرجل قال مرة اخرى انه مستعد للاستقالة
مما يسبب حرجا بالغا للحكومة ولذلك يقال انه صدرت له تعليمات بعدم حضور جلسة افتتاح الدورة البرلمانية التي حضرها الرئيس مبارك وذلك لانه احرج الحكومة باعلانه استعداده للاستقالة
(أول مرة قال الكلام ده كان بعد حادثة المحرقة وقال انه مستعد تماما للاستقالة من منصبه وطبعا كانت سابقة مدهشة للحكومة (واحنا معندناش وزرا تستقيل بسبب اخطاءها) مفيش وزارة هتقعد في الحكومة اكتر من اسبوع
ولانه على ثقة انه لن يقال فكانت تصريحاته العجيبة للضغط على الحكومة واحراجها وربما رغبة منه في اعتزال العمل العام
او في الاحتجاج على الحكومة وبكده يكون الراجل من المعارضة المخلصة ويجب أن يمنح العضوية الفخرية في حركة كفاية

ثانيا: تصريحات لاغراض
ما دفعني للتفكير في هذا التفسير جملة قالها السيد الوزير أمس في حواره على المحور حينما قال في إشارة غير مباشرة لجماعة الاخوان المسملين التي طالبته بالاستقالة (دول ناس بتطالب بالحكم شوفوا حصل ايه لما عبرت عن رأيي الشخصي .. ديموقراطية ايه اللي بيتكلموا عليها طيب لما يمسكوا الحكم شوفوا ايه اللي ممكن يحصل)

والجملة دي رنت زي الجرس في دماغي (الله يسامحه ويكرمه اللي خربش دماغي بنظريات المؤامرة)د

وكانت هذه التساؤلات التي سيكشف عنها المستقبل
-ماذا يكمن وراء هذه التصريحات؟
-ولماذا الان؟
-وهل هناك تلميح او محاولة لاستهداف فكرة الديموقراطية لدى الاخوان؟
-هل محاولة للفت الانظار عالميا لخطورة التيارات الدينية وقمعها لحرية التعبير عن الرأي خاصة وان الكلام عن الحجاب يأخذ هذه الايام مساحات كبيرة جدا من الاعلام العالمي بعد تصريحات عدد كبير من الوزراء الاوروبيين بشأنه وانه موضوع الساعة الان في الاعلام الاوروبي واي كلام هيتقال فيه هيسمع بقوة؟

ده كان رد فعل صحيفة هيرالد تربيون عن الموضوع

http://www.iht.com/articles/ap/2006/11/17/africa/ME_GEN_Egypt_Veils.php

The dispute between Hosni and the Brotherhood highlights the growing wave of conservative Islamic practices across the Arab world and among Muslims living in Western countries. It also is an example of the struggle between secular governments, like Egypt, and Islamic opposition groups.

الخلاف بين فاروق حسني والاخوان يوضح الموجة المتزايدة للتيار الاسلامي المحافظ في العالم العربي وبين المسلمين في الدول الغربية. كما انه مثال للصراع بين الحكومات المدنية مثل مصر والجماعات الاسلامية المعارضة

-ام هي مجرد تصريحات شخصية جدا في جلسة خاصة اسيء استخدامها؟ وان الرجل كان يعبر فعلا عن رأيه الشخصي في الحجاب ؟؟؟؟؟؟د

-ام ان الرجل فعلا يرى ان اختصار الدين في مساحة من القماش واختصار العفة والاخلاق في رداء اصبح امرا مزعجا وغير مقبول وان المجتمع المصري كان في فترة ما لم يكن الحجاب منتشر به بهذه الطريقة ولكن كان هناك اخلاق وتدين وان الملابس لا تقدم ولا تؤخر ولا يوجد اهمية لها حتى تشغل هذا الحيز الضخم من تفكيرنا واهتماماتنا بينما العالم يتقدم بسرعة مذهلة ؟؟؟؟؟؟

اعتقد ان الغد سيجيب على الكثير من التساؤلات

كله هيبان

قلة ذوق

حلوة السادة المعوقين دي

قلة ذوق

مش عارفة مين الحمار اللي بيعمل اللافتات

لا ومزنوق قوي في الادب

وبيقول السادة

@$%^&

ولا بلاش

بي إس: المكان في قلب وسط البلد

حاجة تقرف بجد -- قراءة في صحافة اسبوع واحد

بالرغم من ان 99.9% من الاخبار اللي بنقراها يوميا مؤسفة وتجيب المرض وبتفكرنا بتقدمنا الرهيب علميا وسياسيا في المحافل الدولية ... وبتذكرنا بقوة الوحدة العربية وراية العرب الخفاقة وطبعا بالاضافة لتمتعنا كل يوم بالانجازات المصرية في كل مجال ومكان واللي خلت المواطن المصري يعيش في رخاء وازدهار وصار موضع حسد كل مواطني العالم لان دولته مريحاه ومكيفاه على الاخر

إلا ان اليومين اللي فاتوا واثناء متابعتي لبعض الاخبار داخليا وخارجيا جذب انتباهي ثلاثة اخبار كانت مثيرة للغيظ ولكنها مرت للاسف مرور الكرام

نبدأ بالحدث الاقدم وهو زيارة الريس لروسيا::د

تصريحات مبارك لصحيفة فيريميا نوفوستي الروسية بصراحة جابتلي الضغط

يعني يا شماتة أبلة كوندي فينا بصراحة ...د

مبارك قال بالنص انه طلب من بوتن التجديد لفترة تالتة في الرئاسة الروسية ليه بقى؟؟؟؟؟د

يعني تعتقدوا ايه السبب العبقري اللي يدعوا الرئيس مبارك انه يشجع نظيره الروسي على مخالفة الدستور الروسي اللي بيمنع الترشيح لاكتر من فترتين.....د

قالك ان بوتن "كويس جدا .. وقائد حكيم .. وروسيا في حاجة إليه" يا حلاوة....د

ايوة قال إن بوتين (فري جوود) بالنص

لا وما اكتفاش بكده راح مأكد انه بينصح بوتن (ألا يستمع لاحد من أجل المصلحة الوطنية)د

وطبعا الاحد هو الشعب طبعا ... يانهار اسود ومنيل .. يعني مش مكتفيين بازهى عصور الديموقراطية كمان بنصدرها

ثم سخر السيد الرئيس (والكلام بالنص للصحيفة الروسية) من نظام الدستور الروسي وقال مازحا انه يشبه النظام الامريكي وقال (هل نظامكم الدستوري هو تقليد للنظام الامريكي؟ فلماذا تنتقدون الامريكان وتقلدوهم؟ هل تفتحون الابواب ام تغلوقها يجب ان تقرروا) شوفتوا الكلام الموزون؟؟؟؟ اللهم لا اعتراض

وعلى هامش المحادثات اكد بوريس آليوشين رئيس الوكالة الاتحادية الروسية للصناعات ان مصر قررت بناء 4 مفاعلات نووية ......تاتاتاتاتااتتتتتتتتتتتتم 4 مرة واحدة وفجأة ؟؟!؟!؟!؟!؟!؟!؟!؟!د
http://www.mosnews.com/news/2006/10/30/mubarak.shtml

الترجمة من الروسي للانجليزي من موقع صحيفة موسكو نيوز الروسية اليومية والرابط أعلاه

والترجمة من الانجليزي للعربي مقدمة لكم من جناب تواضعنا

-----------------------------------------------------------

ده كان بس أول خبر لو حد بدأ يحس ببوادر شلل

PLEASE BROUSE AWAY

--------------------------------------------

مجلس المستشارين (مجلس الشيوخ) في تونس يطالب الرئيس بن علي بالترشح لولاية جديدة في 2009 وهي الولاية الخامسة (ومفيش حد احسن من حد) وقد اجتمع المجلس في جلسة خاصة (للاشادة بالرئيس بن علي بمناسبة الذكرى 19 لتوليه السلطة (اسم الله عليه اسم الله عليه)د
وطبعا مش محتاجين نقول ان بن لي فاز في الفترة اللي فاتت بعد استفتاء تاريخي على تعديل الدستور وتقرر بموجبه ايضا انشاء المجلس المحروس

---------------------

-------------------------------------

اتشليتوا ولا لسه؟؟؟؟د

طيب خدوا عندكوا

----------------------------

الخبر التاني كان امبارح وهو استخدام أمريكا لحق الفيتو ضد قرار بإدانة القصف الاسرائيلي لبيت حانون والدعوة لسرعة الانسحاب من قطاع غزة
وبغض النظر عن رأيي الشخصي في القضية الفلسطينية إلا اني اتعجب بشدة للتأييد الامريكي المستفز للحكومة الاسرائيلية ... اولمرت بنفسه اعترف اول امبارح ان الجيش ارتكب خطأ بالغارة على بيت حانون واعتذر وحكومة حماس رفضت الاعتذار
وطلعتنا الست كوندي حُق الهباب بتصريح مستفز مالوش أي معنى قالت فيه ان القرار اللي اقترحته (الدولة القناة) قطر "يخدم برنامجا سياسيا احادي الجانب ..وتضمن ادعاء لا يدعمه دليل بخرق اسرائيل القانون الدولي" وأضافت "لا نعتقد ان مشروع القرار كان يهدف الى الاسهام في قضية السلام." بينما قال السيد جون بولتون السفير الامريكي في الامم المتحدة ان لغة المشروع جاءت "متحيزة"د
وعلى فكرة دي تاني مرة تستخدم أمريكا فيها الفيتو السنة دي بس والمرة الاولى كان ضد الاجتياح الاسرائيلي لغزة
ولمحة تاريخية لاثراء معلوماتكم والضغط على اعصابكم ان امريكا استخدمت الفيتو 82 مرة منذ انشاء الامم المتحدة من 61 سنة وكان آخر 7 مرات فيهم كانوا ليهم علاقة بالصراع الفلسطيني الاسرائيلي.

-------------------------------

اللي لسه ضغطه ماعليش

--------------------------

بعد الكام رابط اللي شفتهم عن وائل عباس على الوعي المصري (منه لله بقى) مابقاش فيه حاجة ينفع تتقال بس انا مش هتكلم عن التحرش تاني ولا حاجة متخافوش

انا بس فيه حاجة لاحظتها .. صور أقل من كده بكتير هزت حكومات كاملة يعني الحكومة البريطانية كلها اتزلزلت لما اتنشرت صورة لجندي بريطاني يضرب مواطنا عراقيا بمؤخرة بندقيته ..د

واعتقد ان المشاهد اللي بنشوفها وبنسمع عنها كل يوم مش عند وائل بس .. اكتر من كده بكتير

الحكومة الامريكية اتفضحت بعد ابوغريب واسمه حاجات بتحصل بره أمريكا

يعني لو كان اللي بيحصل جوا أمريكا كان حصل ايه ؟؟؟؟د

وعندنا لا حس ولا خبر .. لا اعتذار ولا حتى استنكار

المصيبة السودة واللي فعلا حاجة مقززة ان الناس بتتبادل المقاطع المصورة دي على الموبايلات كما لو كانت حاجة لطيفة ونادرة .. افتكرت من كام اسبوع ان قريبي طالب الجامعة قال لي في احد الايام (تعالي هفرجك على حاجات جامدة) وكانت بعض مقاطع على المحمول من بينها مقطع فيه ضابط شرطة زي العجل بيضرب شاب نحيل على وجهه اكتر من مرة حتى سقط الشاب على الارض .. والمقطع واضح جدا وصوت الشاب وصوت الضرب كمان واضح .. والمقطع ده اسمه (تحري)د

ولما فزعت لهول ما رأيت (طبعا مكنتش لسه اتفرجت على المهازل اللي وائل عمال يتحفنا بيها كل يوم) صرخت في الولد وقلت جبت الكلام ده منين المفروض نروح نبلغ او على الاقل ننشر الكلام ده او نبعته لجرنال ولا لبتوع حقوق الانسان الولد بص بصه تحمل من الدهشة والذهول وقال لي "ده كليب قديم وكل الناس بتبعته لبعضها عادي يعني"د

وتعجبت بل اشمئزيت إزاي الناس بتتبادل المقاطع دي على انها نوادر طريفة زي ما تكون الكاميرا الخفية .. ازاي ممكن نعتبر إهانة انسان وقهره نوع من انواع التسلية والترفيه ... حاجة تقرف بجد

-------------

كفاية عليكو وعليا كده النهاردة

قل بنك فقر ولا تقل بنك مصر

بعدما نصحني صديقي المحاسب -منه لله بقى- اني لازم أكون من المتقدمين واقتحم عصر الديجيتال والميكنة والاستثمار الالكتروني واني لازم ابطل هبل وتخلف واستثمر أموالي (المتلتلة) في بنك محترم بدل صندوق الودائع المنزلي (تحت البلاطة) ومصرف الاستثمار العائلي المتحد (الجمعيات)د

وبما اني ضليعة في أمور الحسابات واستثمار الاموال وكل ما يتعلق بالارقام بشكل عام (حتى إني بعد على صوابعي لما اشتري أي حاجة من السوبرماركت) قررت آخد النصيحة من أهل الخبرة واستثمارها على البطئ في بنك محترم .. وطبعا الاسماء كتير والبنوك الاستثمارية ياما .. ولكن صديقي الخبير نصحني بان اختار بنك مصر

فهو بنك وطني (ولازم نشجع صناعة بلدنا) وبعدين -والكلام لصديقي الخبير- (منه لله) البنك اتطور جدا اليومين دول وبقى فيه بنك شخصي وبنك الكتروني وكروت فيزا وائتمان ومسابقات وتوفير واستثمار وبطاقات وماكينات سحب تقدري تسحبي منها الفلوس إبان الليل وأثناء النهار... وصور لي الموضوع كأني هافتح حساب في بانك أوف أمريكا ولا البنك الدولي

قلت لنفسي يمكن مفيش حاجة بعيد على ربنا وبعدين يمكن القطاع المصرفي المصري تقدم فعلا والواحد مش واخد باله... خصوصا وانه بيتكلف تكاليف مهولة ...د

ما علينا .. ماطولش عليكم قولي طولي ... عملت بنصيحة صديقي (الله يسامحه) ووضعت قروشي المتواضعة في بنك أوف إيجيبت والحقيقة هو كان حاجة أوف خالص ....د

في البداية توجهت إلى الفرع المجاور لمنزلنا العامر ووجدت البشر طوابير .. واسبتشرت خير.. واضح ان البنك ماشاء الله شغال والحالة الاقتصادية للمصريين بخير والكل جاي يحوش ويستثمر .... وبعد ساعتين فهمت طبعا الموضوع .. الاستاذ الموظف المسؤول عن الايداعات يعمل ببطء السلحفاة بالحكمة المستقاة من القصة التاريخية الخالدة ان السلحفاة سبقت الارنب طبعا وان الله مع الصابرين.د

وقد كان وفتحت الحساب وتم استخراج بطاقة الكترونية (للسحب من الماكينات) العبقرية لادخل برجلي اليمين عصر الاستثمار الالكتروني .. وبعد اجراءات مصرية صميمة في صعود ونزول كام دور ,, واختمي الورقة من الاستاذ فلان وظهري الامضاء عند الاستاذ علان .. أخدت الكااااااااااارت ..د

وطبعا مش محتاجة اقولكوا ان دي كانت اضغاث أحلام تصيب الحمقى والخيالين من أمثالي .. فمع أول احتكاك تبخرت أحلامي العريضات على صخور التكنولوجيا المصرية .. فبعد ست محاولات مع ست ماكينات مختلفة فشلت في اخراج جنيه واحد من أموالي .. فتوجهت زي الشاطرة للبنك .. لاكتشف انه قد تم ايقاف العمل بالبطاقة التي احملها وتغيير النظام إلى نظام جديد ببطاقة لونها اخضر وده طبعا دون اخطار العملاء بأي حاجة .. على أساس ان البنك عارف مصلحتهم أكتر منهم ومش مهم الحاجات الشكلية دي ... وطلبت مني الموظفة اللطيفة ان احضر بعد اسبوعين استلم البطاقة الجديدة .. "طيب والفلوس يا ستي انا عايزة اسحب فلوس بقالي يومين". فقالت "تعالي بكره بدري واسحبي من الفرع".د

وانتظرت الاسبوعين واستلمت الاخضر (تقولش يعني الدولار) .. بلاخيبة ..د

وحدث اني كنت في انتظار تحويل مبلغ مالي من صديق في محافظة أخرى لتسليمه لشخص مسافر. وطبعا انا معايا الاخضر ومايهمنيش!!!!! .. فقلت للصديق بمنتهي السذاجة (ابعت لي الفلوس على حسابي الجاري وانا هديهم لفلان قبل السفر بكام يوم). وقبل سفر فلان بكام يوم بالفعل اخدت الاخضر وحاولت سحب الفلوس... وطبعا لم أفلح فدخلت البنك فقال لي السيد موظف الامن (معلش حضرتك المكنة بايظة شوفي فرع تاني)....د

وتكرر الامر في 4 فروع أخرى مابين (المكنة عطلانة والسيستم واقع .. معلش تعالي بكره)د

وتاني يوم رحت فعلا بدري شوية قبل مواعيد الانصراف مما سبب لي مشاكل في الشغل وكررت المحاولة فلم أفلح .. يادي اليوم !!!! الله ما طولك يا روح .. دخلت للسيد الموظف المبتسم فقال لي (معلش آسفين حضرتك المكنة عطلانة .. معلش اصلها بتاكل كروت .. الفرع التاني في شارع كذا)د

وطبعا زي الشاطرة رحت الفرع التاني والتالت وتكررت المهزلة فقررت امشيها يدوي واسحب من داخل البنك .... عشان الراجل المسافر ده مالوش ذنب وتبقى التكنولوجيا بعدين.د

وبعد طابور طووييل لمدة أكتر من 50 دقيقة انتظار بلا اي تحسن .. قال الموظف ( معلش ياجماعة السيستم واقع)........دد

وكانت الطامة الكبرى .. وانفجرت كالسيل صوتي جايب آخر الشارع ($#@*& مهزلة دي طابونة .. ده اسمه مسخرة وقلة أدب .. بقالي 3 أيام مش عارفة اسحب فلوس ليه ؟؟؟؟؟ شايلاها تحت الكوبري .. لا سيستم برا ولا جوا ..لما انتوا مابتفهموش في التكنولوجيا بتتهببوا لييييييييييييييييييييه $#@^)د

ويظهر ان الموظف افتكر اني حد مهم لما زعقت كده فقالي (حضرتك والله مالناش ذنب .. طيب اتفضلي على الفرع الرئيسي اللي في محمد فريد وهناك عندهم كل التسهيلات)د

وطبعا ان كان رب البيت بالدف ضارب ...!!!!!د فواجهت المشكلة ذاتها ان المكن عطلان برضه .. وهنا لما احتمل وقبل ان احرق الكارت واكسر الماكينة الالكترونية نصحني رجل طيب بالتفاهم مع خدمة العملاء لان مواعيد العمل انتهت ,,د

وردت علي فتاة يبدو من صوتها انهازي بتوع جيل المستقبل .. (.... مع حضرتك ماي آي هيلب يو) معرفش ليه انجليزي مع انه بنك مصر. وانا بقول آلو مساء الخير.د

وكررت عليها القصة السابقة آملا في حلها وخدمتي بما إني العميل

-أنا في منتهي الاسف يا فندم ..مش ممكن اللي بيحصل ده .. طيب رقم حساب حضرتك كام

-.......

-آه انا فهمت المشكلة .. هوبطاقة حضرتك كانت محتاجة تفعيل من الفرع الاول

-طيب يا ستي وانا مالي بالمشكلة دي ...د

-لاحضرتك دي غلطة الفرع احنا آسفين هما للي مش عايزين يشتغلوا

-يا ستي برضه وانا مالي انا عايزة الفلوس دلوقتي لاني لازم اسلمها لشخص على سفر

-منقدرش يافندم لازم حضرتك تروحي بكره الصبح وتفعلي الكارت ACTIVATIONد

وهنا لم اتمالك نفسي من الغيظ

شوفي بقى يا باردة انتي انا ماليش دعوة بكل الكلام الفارغ ده .. انا مش بشتغل عندكوا.. وماليش ذنب مصالحي تتعطل بالطريقة دي الفلوس لازم تكون عندي بعد ساعتين لاني ملتزمة بتسليمها .. بلاش تهريج واهمال بقى .. انا مش هاسكت .. ولو الموضوع ده ما اتحلش انا هتصرف

وطبعا مع نبرة الصوت العالية وأسلوب (انت مش عارف بتكلم مين) يظهر انه جاب نتيجة .. مع اني مكنتش عارفة هتصرف اعمل ايه يعني غير اني اعتذر للراجل وابقى في موقف محرج جدا

لكن لما سمعت كده قالت لي (احنا هنبعت حد مخصوص والمشكلة هتتحل حالا .. معلش لازم حضرتك تتعاملي مع خدماتنا ببساطة شوية .. بالبركة يعني) الكلام ده كان من موظفة خدمة العملاء في بنك مصر.د

الله يرحمه زمانه بيتقلب في تربته

وفعلا اتحلت المشكلة بعد شوية صوت عالي وتهديد

ورغم ان مشلكتي اتحلت في ساعتها إلا اني اتضايقت اكتر لاني بتأكد يوم بعد يوم ازاي ممكن الواحد ياخد حقه في البلد دي

وتوبة ان كنت احط فلوسي في بنك فقر .. ما هي مش ناقصة

ويا اهلا بسي آي بي وامريكان بانك وبريتيش سيتي بانك .. وكل البنوك الخواجاتي اللي في البلد

It should make sense

God I must have done something that is
either very good
or very bad

To get I spot I am in now

لا للأسوار في المجتمع الافتراضي

لاننا لا نملك إقامة الحرية في المجتمع الفعلي

كما لا نملك تغيير أي شيء آخر

هربنا إلى المجتمع الافتراضي الاكثر رحابة ليضمنا جميعا نتنفس معا حرية نعتبرها كنزا وحقا مكتسبا لعالمنا الخاص

تلك الحرية التي كنا نعتبرها أمرا مضمونا أصبحت اليوم مهددة

واصبح عالمنا الخاص جدا مهددا بتحويله لصورة مشوهة من المجتمع الفعلي

فإلي أين سنهرب ؟؟؟؟؟

لم يعد لزاما علينا أن نهرب بعد الان .. علينا أن نقف ونصمد ونحارب دفاعا عن وطننا الافتراضي الذي صنعته أقلامنا وعقولنا واحلامنا

سنحارب بأسلحة العالم الجديد التي نتقن استخدامها

شارك وتضامن في حملة منظمة (صحفيون بلا حدود) من أجل انترنت بلا رقابة من أجل الخصوصية ومن أجل الحرية

في حملة تستمر 24 ساعة تبدأ صباح الثلاثاء الساعة 11 وتنتهي الاربعاء الساعة 11

وصفتها المنظمة بأنها مظاهرة احتجاج على محاولات اغتيال حرية العالم الافتراضي

حاولت ترجمة التقرير والحملة والباقي تجدونه هنا

http://www.rsf.org/article.php3?id_article=19558

او بالتصفح في موقع المنظمة

http://www.rsf.org/

تنظم صحفيون بلا حدود مظاهرة احتجاجية على الانترنت تستمر 24 ساعة للاحتجاج على كافة اشكال الرقابة على الانترنت وتدعوكم للمشاركة في مكافحة الرقابة على الانترنت بالمشاركة في الحملة

الكل مدعو للمشاركة بالدخول إلى موقع المنظمة (www.rsf.org) في الفترة ما بين الساعة 11 صباح يوم 7 نوفمبر وحتى 11 صباح يوم 8 نوفمبر

-يقبع أكثر من 60 ناشطا على الانترنت في السجون في أنحاء العالم الان بتهمة انهم عبروا عن آرائهم على الانترنت.

وهو حق بسيط ومشروع يمكن أن يمارسه أي شخص في العالم فيما عدا 13 دولة فقط. ففي الصين أو تونس أو مصر مثلا يمكنك أن تسجن لانك كتبت رأيا في موقع الكتروني أو مدونة.

ولكي ما نكافح هذا النوع البغيض من الرقابة علينا أن ننشر الوعي بشأن الموقف قدرما نستطيع. تقوم المنظمة لاول مرة بتنظيم مظاهرة احتجاج ضخمة تستمر لمدة 24 ساعة احتجاجا على الرقابة على الانترنت.

ويمكن لاي شخص من العامة او الطلبة او مستخدمي الانترنت والمدونين والصحفيين والطلبة .. الكل مدعو للمشاركة وتسجيل معارضته واحتجاجه على الرقابة على الانترنت .. يمكنك ألا تقف ساكنا وتقاتل لاجل حريتك بنقرة واحدة.

كيف يمكن المشاركة في تلك الحملة::

سيخصص الموقع الالكتروني للمنظمة بأكمله لصالح المظاهرة طوال الساعات ال24 اي طول مدة المظاهرة

كيف يمكنك المشاركة ::؟؟؟؟؟د

هناك طرق عديدة

1-اذهب إلى الموقع الالكتروني للمنظمة www.rsf.org خلال مدة المظاهرة (24 ساعة) وستجد قائمة ب13 دولة تعد عدوة للانترنت

قم بالضغظ على الخريطة التفاعلية. كل ضغطة ستساعد في تغيير شكل الخريطة. والهدف من ذلك تدعيم الانترنت في الدول التي تقوم بالرقابة علي الشبكة قبل انتهاء المهلة. وسيجري احصاء كل صوت.د

كل ضغطة مشاركة منكم ستمكن المنظمة من التحدث بصوت قوي للتعبير عن احتجها ضد سلوك هذه الانظمة التي تراقب ما هو من المفروض ان يكون محرابا لحرية الرأي

2-ارسل (سجل) رسالة لمالك شركة ياهو

بالولوج إلى الصفحات الخاصة المطلوبة سيتمكن مستخدمو الانترنت في أنحاء العالم من تسجيل رسالة قوية لمؤسس شركة ياهو من أجهزتهم الشخصية. وستتأكد المنظمة من تلقيه لهذه الرسائل

ولكن لماذا ياهو؟؟د

لانها كانت اول شركة تفرض الرقابة على محركات البحث لديها لتخطب ود السلطات الصينية. ولهذا فقد تعاونت لسنوات مع الشرطة الصينية التي اعتقلت وادانت العديد من النشطاء والصحفيين المستقلين. من بينهم مثلا شي تاو الذي حكم عليه بالسجن 10 أعوام بناء على معلومات نقلتها ياهو التي كانت تستضيف عنوانه البريي إلى الشرطة الصينية.د

واتبعت عدد من المؤسسات العالمية نفس الاسلوب ووجهت لهم المنظمة انتقادات

اطلع على الموضوع على www.internet.rsf.org

3-انشئ مدونتك على عنوان المنظمة

قررت المنظمة إنشاء مجمع مدونات خاص بها

وباختيارك لانشاء مدونتك على المجمع يمكنك مساعدتنا في دعم حرية الانترنت الذين يتحدون الحظر والرقابة على حرية الرأي. وكل أسبوع ستنشر المنظمة تقرير (نظرة المدونات على العالم) وتنشر فيه آراء المدونين من كل أنحاء العالم

4-موقع المنظمة بالعربية

يزور الموقع 200 ألف زائر شهريا ولديها نسخة فرنسية وإنجليزية وإسبانية من الموقع. وستقوم المنظمة يوم 7 (غدا) افتتاح الموقع العربي الذي سينشر يوميا تقارير باللغة العربية