عزمت نفسي على فنجال قهوة جامد جدا على حساب كراكيب
وقعدت العب في شوية الاسئلة دي:
اية اللي حيحصل لايميلك لما تموت ؟
غالبا هيفضل مقفول ويقعد 90 يوم ويتلغي من الداتا بيز وتذهب كل اسراره في الفضاء السيبيري لتظل عالقة للابد
اديت الباس وورد لحد قبل كده؟
مش الايميل الرئيسي ولا بتاع الشغل .. لكن اديت الباسورد الخاص بإيميل تالت لصديق لتعديل بعض الامور التقنية
كانت طبيعة علاقتك بيه اية؟
زميل وصديق من فترة قريبة بس
اسمك؟
اسم مركب باعتز بمعناه جدا باكتر من لغة
اللي يعرفه مش هتفرق يسمعه تاني
واللي ما يعرفوش مش هايهمه قوي يعرفه
عمرك؟
27 إلا شهر ونص
برجك؟
الحوت
and proud to be the last and ...humbly the best
مجالك او مجال دراستك ؟
كل ما له علاقة باللغات... منذ الطفولة بناء على نبؤة عراف لغوي قديم
عملي كل ما له علاقة بالاخبار السيئة واحيانا اخبار البشر وهمومهم
شخصيتك نوعها اية؟
6 سلندر :)
عصبية جدا
شديدة الحساسية لدرجة زعجة احيانا
احلم كثيرا
احب الكلام
I do wear ym heart at my sleeves
عنيدة كثيرا
اكره المواجهات
ارادتي تخذلني كثيرا
السفر بالنسبة لك؟
دهشة والكثير من الاستقلال ...
viva la liberte
بس ما يطولش
المود بتاعك؟
متقلب كثيرا
like a roller coaster
فراغك بتعمل فيه اية؟
فراغ ...فراغ ... سمعت فين الكلمة دي قبل كده؟؟؟ه
بقالي كتير ما سمعتش عن وقت الفراخ ده
على ما اذكر
قراية كتييييير، تجربة كافيه جديد، تسكع مع الاصدقاء، الانترنت والانترنت والانترنت
الاكلة المفضلة؟
مسقعة، الخضار المشوي، اللوبيا
الصفات اللي خدتها من بابا؟
طيبة القلب
الاكل بمزاج
حب البيت
المشاركة
الحنيةا
الصفات اللي خدتها من ماما؟
الاهتمام بالعيلة الكبيرة
مواجهة المشاكل بالكثير من الهلع
القلق المتواصل
الاحساس بالمسؤولية عن الاصغر دائما
الاهتمام بكبار السن
اكتر 6 حاجات بتكرهها؟
الخداع والغش
الكدب
قلة الزوق
القسوة
التفاهة
الغباء
الاستنطاع
الانانية
يعني فيه حاجات تانية بكرهها طبعا لكن دول اللي في بالي دلوقتي
6 حاجات بتحبها؟
البني آدم الجدع
كوباية نسكافيه معمولة بمزاج مع كيك سخن في صباح يوم بارد بلا اي مسؤوليات وكسل زي القطط
كتاب ممتع تحت البطانية وضوء هادي
حوار حميمي مع صديق بيحبني بجد
مساء هادئ والست ام كلثوم ومشروبي المفضل ...وسلطنة
لما حد بيظهر اهتمامه وتقديره لمصلحتي في الشعل
لما بعمل حاجة واحس انها فعلا انجاز او حاجة تسببت في سعادة حد بجد
لما حد كبير في السن يدعيلي دعوة حلوة وياخدني بالحضن
لما اشتري حاجة بمبلغ تافه وتطلع تحفة
لما بشتري كتب كتير
لما بتحصل حاجة كويسة مش متوقعة
الكومبيوتر والانترنت بالنسبة لك؟
حياة افتراضية ومنفذ تنفس لعقلي وروحي
واحب اعزم كل زوارنا الاعزاء ممن يمرون على هذا التاج
ان يتفضلوا هذا
التاج
سكر زيادة
6 comments:
الاجابات اتسربت
فيه اجابات هنا انا كنت كاتبها
:)
انا كمان مش عارف ايه وقت الفراخ ده.. يمكن الججاج يعني
:))
ايه الأتزان الديبلوماسى فى الأجابه ده ؟ و برج الحوت كمان ..؟ أنعم و أكرم
عموما انا فى انتظار تعليقك على موضوعى الجيد .. مفاجأه .. أنا مش عارفنى بعد ماكتبته ..
مش هانتجوز بقى ؟
عزيزتي القهوة العالية
جميل ...كويس اهو الواحد عرف قهوتة كدة سكرها اية ...مظبوط بالشعرة
جميل مرة تانية و تحياتي
فارس : تتجوزك انت ... روح العب بعيد يا شاطر و لا اقولك لا روح العب في مواضيعك الماساوية المسودية بعيد عن البنية ماتجبلهاش اكتأب و بعدين انت كفاية عليك اللعبفي مواضيعك مع الحجش الكبير ... و كفاية عليك اللأليء الهادرة و لا الهاربة بتاعتك
فين الايميل ؟
سيدتي الجميلة صاحبة القهوة العالية
اجاباتك رائعة جدا كانني أشاهد فيلم لسيدة متميزة في حياتها و تترك انطباع متميز لدى الآخرين
على فكرة أنا ماهرة جدا في صنع كأس من القهوة لذيذ جدا و يتلاءم مع صباح بارد رغم انني لا اشرب القهوة هههه
على العموم تشرفت بمعرفتك عزيزتي
سلام
Hii, we at egyptoo.com are pleased to invite you to jornal on our website, we believe you would be a great addition. have a nice day.
egyptoo.com!
Post a Comment