Friday, May 23, 2008

احيييييه يا سوسو احييييييه NOT IN MY BLOODY NAME



تحذير هام :: التدوينة اللي جاية ربما تكون طويلة جدا وقد لا تخلو من الفاظ مش عارفة لسه ماكتبتهاش لذا وجب التنويه

مبدئيا اتوقع الكثير من الدهشة بسبب انفعالي الذي ربما يراه البعض زائدا
وايضا الكثير من الانتقادات بسبب العنوان وربما بعض ما سيرد في السطور التالية .. ولكن اود ان اعلم الجميع
اني لم اشارك في حملة

مدونتي نظيفة وجميلة ومتطورة

ولو كانت هكذا وانا لا ادعي ذلك فهي جت كده لوحدها .. آي والنعمة

في جولتي المعتادة على عدد من المدونات ..أخذتني أصابعي لمدونة الاستاذ أحمد شقير
ورأيت عنده العجب العجاب

اتحاد المدونين المصرييين !!!!!!ا
اتحاد يمثل (كل) المدونيين المصرييين .. طيب ازاي ؟
لاحظ ان الاسم معرف ب(ال) أي انه تعريف جامع اتحاد يشمل كل المدونين المصريين

قلت ربما نسوني او شيء من هذا القبيل .. فلم يأخذ أحد رأيي في هذا الاتحاد
وهممت باتباع اللينك .. وآه وإياكم من اتباع اللينك .. ففيه اخفاه الشيطان للمساكين والسذج من أمثالي

يعرف أصحاب هذا الاتحاد أنفسهم بأنهم

اتــــحــاد الــمـدونـيــن الــمــصـريـيـــن ( تحت التاسيس ):
اتحاد يضم كل المدونيين المصريين من مختلف المواقع التدوينية ويعمل على حماية المدونيين وحفظ حقوقهم والعمل على تطوير العملية التدوينية وتبادل الخبرات فيما بين المدونيين وندعوا الى مراعاة الله عز وجل فى كل كلمة نكتبها او ننطق بها فسوف نحاسب على ذلك ان شاء الله

أول القصيدة كفر ..وانا ماحبش الكفر
كل المدونين المصريين !!!!!!!ا
ازاي يعني ؟ عدوهم ازاي دول ؟؟ طيب ما انا مدونة مصرية ومش معاااااااااااااااهم ازاي كل ؟؟ وعددهم كام كل المدونين دول ؟؟؟

استفسارت سخيفة جدا:
يعني ايه المواقع التدوينية ؟؟
يعني ايه العملية التدوينية ؟؟
انا مقدرتش امسك نفسي بصراحة قدام كلمة العملية التدوينية دي .. حد وحياة ابوكوا يشرحلي

يعني ايه عملية تدوينية .. عشان انا عندي حساسية

وطبعا وطبعا بما اننا في مصر .. وبما انه اتحاد لازم تنبثق عنه لجان واللجان تنبثق عنها هيئات والهيئات تبصق قصدي تنبثق عنها اعضاء وهلم جرا

اللائحة التنظيمية للاتحاد
ومش هاقلكوا بقى على الللجنة التنظيمية وجمال اللجنة التنظيمية !!! عشان انا بمووووت في النظام
بيقولك ايه بقى يا محترم بعد الديباجة والذي منه وقواعد اختيار الرئيس والنائب والهوسة دي نيجي لاهم نقطة وهي اختيار المرشح المدون
اهم حاجة بالنسبة لنا يا مدون منك ليه

المقرر العام ينتخب مباشرة بعد الترشيح لهذا المنصب حيث يشترط ان يكون متميز فى تطوير المدونات.. ووعمل دورات للتطوير للزملاء المدونين..تتولى لجنة الاشراف على الانتخابات بحث طلبات الترشيح لهذا المنصب عن طريق زيارة مدونة المرشح لترى على الطبيعة
وتناقشة فى مدى المامه بما هو مطلوب منه

شفت حتة مناقشته لمعرفة المامه بما هو مطلوب منه دي .. حاجة نضيفة خالص

ده لو مش تهريج رسمي .. يبقى اسمه اييييييييييييييييه

وماتنسوش ..كله عشان خاطر مصر

اما الزغلول الكبير بقى .. ذلك البوست الذي أفقدني القدرة على الامساك بأعصابي بعد امتحان عصيب
البوست ده وصل للقمة .. فعلا
هذا البوست التحفة ببوسة وتحية من لجنة الحريات بالاتحاد الممثل لكل المدونين
انه البوست المعجزة .. افعصوا هناا

ولا يسعني بعد هذا الا ان اقول

احيييييييه يا سوسو احيييييييه

واحب اقول للسادة اعضاء الاتحاد الاستشرافي الاسترجاعي الممثل لكل المدونين

NOT IN MY BLOODY NAME

=====================
تحديث::::ا
وردنا التحديث الآتي من آبي

وكان ليها تجربة عملية مع الاتحاد
آبي بتؤكد ان عضوية الاتحاد باشتراك مالي وبتقول اسألوا (استاذ عادل نجم لان الكلام ده اتقالى من الاول خالص من شهر ديسمبر اللى فات اول ما دخلت التدوين .. ثالثا اسال استاذ عادل كان بيقعد يكلم مين ويتهرب منه فى التليفون اكيد مش انا بس ابقى اساله وخليه يرجع بالذاكرة لورا شويه كده.. وبعدين حقوق ايهما مركز حقوق الانسان اللى بيأخد بس فلوس ولا ايه
لا ده كان الغرض اقولك الخلاف كمان كان فى نقطه ايه.. ان فيه ناس قالت طالما هيكون فيه فلوس
يبقى يخضع لجهاز محاسبات.. وناس تانيه رفضت"... والكلام مازال لآبي
(الاستاذ حسن مشكورا قال ان مفيش اى اشتراكات وانه بيعمل الحاجات دي كده يعنى ولا عاوز من وراها منصب ولا حاجه وانا طبعا مش مقتنعه بصراحه المشكله انه اقر بالكلام بتاعي بس قال ان الناس اللى كانت بتقول كده هما مشوهم من الاستنحاد لانهم ناس مش كويسه وانا برضه مش مقتنعه بحاجه خالص وهدي عندك اهر نكته علشان تعرفى الاستنحاد ده ايه بقى رايحين يسلموا على دكتور الزعفرانى على الرغم من انهم مش بيحبوا الاخوان طيب ده اسمه ايهه حد بقى يثولى فى اسكمدريه يوم 20 يونيه وفيه اجتماع وبيدعوني له علشان افهم الاستنحاد وطبعا رفضت وقولت لهم يا رين محدش يتكلم باسمنا احنا مش موافقين عليكوا واكد على انهم مش بيأخدوا اشتراكات واللى كانوا بيقولا كده مشوهم من الاتحاد وشكرا لكم على حسن استماعكم
"
وكانت هذه شهادة حية من الاستاذة بيلا .. عن اختبا ر عملي مع بتوع الاتحاد ... شكراللسيد العضو
المشاريب علينا بقى



50 comments:

احـمـد عصـام said...

والله العظيم حرام اللي بيتعمل فينا ده كتييييييييير . بمنتهى الصراحه والوضوح أنا أرفض الوصايه عليا من أي حد واللي أعرفه أن المدون هو كائن حر بطبيعته مش مستني حد يقوله دا صح ولا دا غلط ولو الوضع ده أتغير يبقى المدونات كلها تجيب درفها أحسن .. ثم أن الجماعه دول بيتكلموا بأسم مدونين مصر على أي أساس أنا عن نفسي محدش قالي حاجه اللي بيحصل ده تسيب وإهمال ولازم يكون لينا موقف واضح وصريح رافض لأي نوع من أنواع الوصايه على التدوين.
تحياتي

Anonymous said...

ياجدعان وربنا انتوا مكبرين الحكاية، دول بقالهم حوالي سنة عمالين يصدروا في بيانات وطالعين نازلين فرحانين بشعار مدونين مصريين..

عادي كبروا دماغكوا!

Ahmed Shokeir said...

المشكلة يااحمد ان فيه حاجات لما بنكبر فيها دماغنا ومانلتفتش ليها بنصبح في يوم ونلاقيها أمر واقع وساعتها بيكون صعب معالجتها ... لكن لما يحصل مواجهة والناس تاخد فكرة عنها ان فيه رفض كبير ليها بيكون صعب عليها انها تنتشر بصورة مثالية وكمان بيقلل ظهور مبادرات مشابهة
يعني مش زي مالبعض بيعتقد ان احنا كده بنعمل دعايا للموضوع لأن الشهرة السلبية عمرها مابتكون ليها نجاح حقيقي بالظبط كده زي الرق بين الصفحة الاولى وصفحة الحوادث

Anonymous said...

هي وجهة نظر يا احمد شقير..
بس انت شايف فعلا انه ممكن نقولب التدوين؟..أو أي نشاط عالنت؟

... said...

مسخرة
أنا رأيي ان دة محاولة تخريب من الداخل
يعني لو دول مش ناس فاضية بتقضي وقت يبقي الموضوع هو محاولة لمحاصرة المدونين ونشاطهم المزعج بخلق مدونين لهم صفة للسيطرة والتحريض علي المعارضين الوحشين
بس طبعا دة بيتم بنفس الغباء السياسي المعتاد

karakib said...

ارجع و اقول ... للمرة التانيه
و الموقف ده لازم يكون واضح جدا


حسن توفيق ده منشق عن الاتحاد الحقيقي اللي هو انا رئيسه
الشرعية معايا
مفيش اتحاد
انا الاتحاد :)

و زي ما باقول لك لو هما عددهم 20 او 30 مدون مصري اللي عاملين الاتحاد ده
يبقي عدد المدونين اللي اعرفه و قابلته يعمل حوالي 20 اتحاد كمان

مريم said...

مينفعش نزنق شوية نوايا طيبة فى النص

مش فيه ناس اتسرقت وحاجات كده
وبعدين الاتحاد قوة

والتدوين حرييييييية

وانا حرة والحبايب والناس اللى منورينا والف تحية للاتحاد اللى جنبنا

وجهة نظري said...

طبعا واضح الغرض ومين ورا الإتحاد دا، وانا مع راي احمد شقير إننا منطنيش الوضوع ونتجاهله لأننا مش عارفين حيعملوا إيه في المستقبل وممكن يتاخد علي المدونين كحجه او يستشهد بيهم كدليل علي خروج مدونه ما علي الإلتزام العام إلي هما حاطينه وغالبا حيكون مثلا رأي سياسي قيل في مدونه، بدليل الكلام إلي قاله المدون التاني "محمد جرامون" إلي ذكره احمد شقير عن حماية الأمن القومي المصري والعربي زحظر نشر وثائق رسميه وقانون المخابرات العامه وعدم شخصنة القضايا..... الخ شكلها كده زي وثيقة الإعلام بتاعة الفضائيات

واضح إنهم عايزين حد يفهمهم "العمليه التدوينيه" أكتر من كده

=======================

ملحوظه:

في بوستك السابق أنا مكنتش بتريق لما قلت أنا مافهيمتش حاجه... لأني تصورتها قصه أدبيه مش قصه حقيقيه وكنت منتظر نهايه بتوضح إيه إلي حصلها، علشان كده بان تعليقي سخيف. بس فهمت إنها قصه حقيقيه مطروحه للتعليق

أسف لو كنت ضايقتك

Reham Ragab said...

ههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههههه
بس أنا كمان مش معاهم، أعرفهم ازاي بس؟ خلاص عرفت الحل، هبعت رسالة لسيادة الريس أقوله يفرج عننا احنا كمان
دحنا غلابة أوي!!!!!

محمد إبراهيم محروس said...

كبروا دماغكم يا جدعان
الموضوع مش مستاهل الدوشة اللي يدون يدون واللي يكتب يكتب
عادي
الحياة ابسط من كدة
عيشوا
خالص تحياتي

Empress appy said...

صباح الخير بقى بقولك ايهتعالى اقعدى جنبى
هحكيلك الحكايه اصلى وقعت فيها من فترة زمان او ما دخلت التدوين القصه بقى ان الاستاذ ده ومجموعه تحسى انهم تجار خضار اه والله مش بهزر اصلى شوفتهم يا حبيبتى عند حد فى صور القصه نصبه وفتح وقفل من الاخر ليه علشان يأسسوا الموضوع ده يبقى باشتراك كده يدفعه كل مدونه ليه بقى علشان حقوقنا لو حصل لنا حاجه
وبعدين يقدمواعلى طلب اخد فلوس من الولايات المتحده او حاجه مشابهه
كده فهمتى قصه نصب وفتح وقفل
بس بكل صراحه والكلام ده من نناس مشاركين فى الموضوع وطبعا كانت اول صدمه ليه فى التدوين كله لما عرفت ان الناس دى بتمثل مش بتعمل حاجه زى ما هما بيدعوا
وسلمى ليه على الاتحاد

كلبوزة لكن سمباتيك said...

انا بفكر اعمل اتحاد مناهض و اهي فرصة اني صحيت بدري النهاردة و انتم عارفين اللي يصحى بدري يمسك الحكم

نعمل حزب مناهض و نسميه
حزب المدونين المتلوزعين و ابقى انا الرئيسة و نجيب شوية كبايات و اطباق فاضية و نتصور كام صورة في الكليتش و نايف لنا كام بانر و نسمي روحنا
بلوجرية مصر
اية رايكم؟؟
موافقون؟
موافقون
اجماع
يلا على خيرة الله
تحياتي

عباس العبد said...

جمعية أم ترتر للتدوين دى دمها خفيف
كتاباتهم بتفكرنى بأعلان القطر الى بيتحرك و الناس قاعدين على القهوة

" انت لسه قاعد محلك سر , ده التدوين بيتحرك "
يعنى ممكن متلحقهمش
ههههههه
يا ولاد الفقرية
--------
و بعدين فى حتة جامدة موت
الحتة دى
" اتحاد يضم كل المدونيين المصريين من مختلف المواقع التدوينية ويعمل على حماية المدونيين وحفظ حقوقهم والعمل على تطوير العملية التدوينية وتبادل الخبرات فيما بين المدونيين وندعوا الى مراعاة الله عز وجل فى كل كلمة نكتبها او ننطق بها فسوف نحاسب على ذلك ان شاء الله
-
تطوير العملية التدوينية
و مراعاة الله عز و جل فسوف نحاسب على ذلك أن شاء الله
يعنى حيطوروك و يجهزوك ليوم الحساب
يعنى تدوين يأخذك الى الجنة
الله يخرب بيوتهم البعدا
هو الختم فى الدرج ؟ و الهى الختم فى الدرج ؟
و الهى ما كنت اعرف أن الختم فى الدرج
يخرب ييت كده
التدوين فى الدرج

الدرويش المرووش said...

هى ناقصه

حتى الحته الطريه اللى فى حياتنا عايزين ينشفوها

مؤتمر و جمعيه و لجنه و بتنجان مخلل

ربنا يشفى

^ H@fSS@^ said...

والله يا قهوتي
انا بقالي من يوم ما حكيتيلي عن الموضوع
اقرا عن استاذ شقير
و اعندك و عند قداسته
اضحك لما ادمع و اقفل و الطم و اسيب النت خالص
انا بجد مش عارفة ايه المصايب دي
و فعلا فعلا لازم نعمل حاجة
دي ميتسكتش عنه ابدا

ابدا

Amr Ahmed said...

دول ناس عسل اوي

مين الناس دي اصلا

وعليهم شوية كلام من بتاع الموظفين دول

حاجة كده تموت

قالك كل مدونين مصر
طب وانا ياعم الحاج

قال العملية التدوينية
ادي اخرة الحرية

كل واحد بيعمل اتحاد ونيلة

^ H@fSS@^ said...

عارفة يا ماريان
حكاية اتحاد المدونيين المصريين و حكاية موضوع احمد مهنى مخلياني افكر
ماذا لو فرضا يعني احمد مهنى و من هم زيه مسكوا مواقع مهمة في اتحاد المدونيين الابطال دول؟؟
تخيلي معايا انتي حجم المصيبة حيكون ازاي و شكله قد ايه؟؟
انا تخيلت
و اغمن عليا

DantY ElMasrY said...

دى ناس فاسدة
وفهلوية اوى

ألِف said...

بس ماتنكريس أنها حاجة طريفة برضو!
أنا مرة كنت معدي لقيت رئيس اتحاد مدوني العالم يعرض عمل رابطة للمدونين المصريين عنده في الاتحاد، لكن مش عارف العلاقة بينهم و بين اتحاد المدونين العرب!

رأيي في الموضوع دا قلته في تدوينة كان كتبها سامي بن غربية: اتحادات المدونين هي كيانات الهدف منها وضع لوائح للرقابة على أعضائها ثم فصلهم.

و لقيت مؤخرا التدوينة دي ال كتبتها حسنة النية لكنها مش فاهمة الفرق بين "مجتمع مدونين" كعلاقة بين أشخاص، و بين "مُجمِّع مدونات" كمفهوم تقني لموقع يجمع تلقيمات مدونات و يعيد نشرها و بين مدونة علاءومنال!

zenzana said...

يا عيني يا ضنايا وجات لك مرارة تقري دا كله؟

طب وايه اخبار التوسعية م التوسع واﻻمبريالية م اﻻمبرا؟

اتحادالمدونين المصريين said...

شكرا لكم الاخوة الاعزاء اسلوبكم الراق فى الحوار والذى اثلج صدرى على المستقبل الذى تمثلونه جيل الشباب ؟
كنت اتمنى ان نتناقش او نتحاور ويمكنك التاكد من الاسماء الوهميه التى يضمها الاتحاد بزيارة مدوناتهم والاطلاع على الشعار فى مغظمها واعتقد لو شرفنا بحضوركم الاجتماعات والنقاشات ربما لم يجرء احد على التطاول على هذا هو الاسلوب الامثل للحوار لقد قمت بعمل مدونة على البلوجر للتواصل معك وكى لا يقتصر الاتحاد على مدونى مكتوب وجيران فقط ولكن للاسف يبدو اننى اخطات الطريق
وللعلم لو كلف احكم نفسه واطلع على ما يقوم به الزميل محمد جرامون لشكره

لى سؤال
هل نقابه الصحفيين تعمل على فصل الصحفيين او حبس الصحفين ؟
على الاقل هذا هو الدور الذى نسعى له
الوقوف صفا واحدا بجوار المدون لحمايته
و الاستاذ محمد كلف نفسه ووضع امامكم كل المواد القانونية التى تستخدم لحبس الصحفيين كى نتجنبها ولا نقع فيها وحاول جاهدا ان يشرح لنا قانون نقابة الصحفيين ومجهوده لابد من شكره عليه
وهناك نقطة اخرى
نحن مجموعة تطوعت واعلنت عن تاسيس الاتحاد منذ اول نوفمبر 2007
ولم نقل ان هناك رئيس كلنا مؤسسون
الى ان ننتهى من التاسيس ويتم عمل انتخابات ولوقراء احدكم المقترحات لوجد اننا لا نسعى لمنصب فنحن لا ينقصنا المناصب ولا نسعى لمال كما اتهمتنى بلدياتى للاسف فنحن لسنا جمعية حقوق انسان علشان نخاطب السفارات للمعونة
ولم نقل اننا سوف نفرض اشتراك علشان نصرف معاشات كل همنا الاساسى راى الجميع وانتم اولنا لتصور الهدف من الاتحاد وكيفية القيام بدوره شكرا لكم واسف للاطاله
واتمنى ان تزوروا مدونتى على البلوجر
http://elbayomy.blogspot.com
وهناك مدونتى القديمة على مكتوب
http://elbayomy1.maktoobblog.com
ربما يعجبكم احد بتوع الخضار الذين يعملون على خدمة الاخر بدون مقابل او اجر الا من عند الله فقط وسعيد بالاختلاف فى الراى دون تجاوز لانى لن انزلق لهذا المنزلق

abderrahman said...

استاذ حسن محمد توفيق
بعد اذن بلوستون، أريد أن أعلق
ولا أريد أن أبدو كئيبا أو محبطا، وان كان الواقع قريب من هذا
:)
الحقيقة أنه الاتحاد ده ملوش لازمة، ومش هيقدر يعمل حاجة، أنا آسف اني بقول كده، بس ده آخر القول، يمكن يكون مفيد كوسيلة للتعارف، انما اسمه أكبر من دوره
وبعدين القوانين المشار إليها في البنود القانونية للكتابة كإنها شروط للكتابة، وده كلام ينفع في جريدة، لما يبقى فيه مستشار قانوني او سياسة تحريرية متعارف عليها
انما بلوج؟
وبعدين حتى لو التزمت جدلا بالقوانين دي، مفيش حد قال إن ده ضمان على أي حاجة تحصلي او متحصليش
أتمنى لكم التوفيق
لكن من خلال خبرة سابقة مع اتحادات شبيهة، وللأسف كانت ذات صلة بالعمل في مجال الانترنت، فالحاجات دي فاشلة، وانا بكلم حضرتك على خبرات مع حاجات كانت المفروض بتنظم ارزاق ناس

Empress appy said...

بلو ستون بعد اذنك برضه هرد على الاستاذ حسن
عموما لانه رمى كلامه فى وشى
اولا يا استاذ حسن احنا مطلبناش من حد انه يتكلم باسمنا ثانيا كتابه ولا مش كتابه حضرتك مش هتعلم الناس تكتب فى مدونتها ازاى
ثانيا بقى لا كان فيه اشتراك واسال استاذ عادل نجم لان الكلام ده اتقالى من الاول خالص من شهر ديسمبر اللى فات اول ما دخلت التدوين موضوع الخضار مزعلك قوى لما اشوف صور للتجمع بس حضرتك مكنتش فيهم بصراحه ولابسين جلاليب دول اتحاد ايه بقى فسرها يعنى ولا ناس باين عليهم ثقافه ولا غيرة
ثالثا اسال استاذ عادل كان بيقعد يكلم مين ويتهرب منه فى التليفون اكيد مش انا بس ابقى اساله وخليه يرجع بالذاكرة لورا شويه كده
وبعدين حقوق ايه هما مركز حقوق الانسان اللى بيأخد بس فلوس ولا ايه
لا ده كان الغرض اقولك الخلاف كمان كان فى نقطه ايه
ان فيه ناس قالت طالما هيكون فيه فلوس
يبقى يخضع لجهاز محاسبات
وناس تانيه رفضت
والله دور بقى بينكم الكلام ده فين ومين قاله لانه كان قدام ناس كتير غيرى
وانا افتكرت ان الموضوع ده كان هزار وانتهى والنبى بلاش بلدياتى اصلها بتعمل ليه حساسيه ربنا يخليك وانت استاذى برضه انا اساسا مش فى البلد دى من سنين كتير
معلش يا بلو وووووو والله انا رديت عليهم هناك كمان ومش عارفه مين اداهم الحق يحطوا صورتى وصورة خطيبى عندهم اصلا

bluestone said...

أحمد عصام:
جوهر التدوين هو عدم وجود اي شكل من اشكال الرقابة
ولو ده اتغير يبقى فعلا تجيب درفها احسن

انا ضد كل اشكال الوصاية والاسترزاق على قفايا

تصدق دي جملة تنفع بانر جامد :)
تحياتي
=====================================
أحمد نصر:
ايوة بس في يوم من الايام هتلاقي هيئة مش عارف مين بتعلن تبنيها للاتحاد الذي يمثل كل المدونين المصريين للاشراف عليه
ويمكن يبقى تبع روزاليوسف ولا اتحاد الاعلاميين الشباب بوزارة مش عارف مين تبع مين .. ويبقى فيه قوانين

وبعدين اللي يخالفها يتحاسب ويتعاقب

==================================

bluestone said...

استاذ أحمد شقير:
بالظبط .. يا استاذي العزيز
مش مهم يكون فيه ألف اتحاد يمثلوا انفسهم

يعني بكره الصبح انا معنديش مانع اعمل اتحاد مدونين من الجيزة وضواحيها
ولا اتحاد للمدونيين المتضايقيين
اي حاجة مش مهم

المهم انه مايكونش ممثل للكل ولا يعبر عن الكل

ممكن في يوم من الايام نلاقي السادة بتوع الاتحاد بيعملوا قانون والدولة تعتمده ونلاقي نفسنا بندون بقوانين ورقابة ومحاسبة طالما بقى فيها اتحاد ولجان

دي تبقى كارثة

اصل اللي الواحد بيشوفه من القيادات والقدوات في بلدنا يخليه يشك في صوابع رجله

تحياتي يا استاذي
وتشكرات عميقات لاكتشاف القضية

==================================
احمد نصر:
المشكلة يا احمد ان ممكن غيرنا يقولبه ونلاقي نفسنا مضطرين بحكم قانون نتقولب معاه

من سنتين تقريبا كان فيه ناس بتقول عايزين نضم المدونين لنقابة الصحفيين ..
يعني شكل برضه من اشكال التهريج ومحاولة السيطرة

انا عمري ما شفت اتحاد لمستخدمي الهوتميل مثلا
=============================
بثينة:
المدونين مش بس معارضين ونشطين يا بثينة
فيه ناس بتكتب عن مذكراتها
وناس بتكتب عن حياتها الزوجية
وناس بتحب وناس بتكتب ادب
وناس بترسم وتصور

التدوين ده حاجة مفتوحة جدا .. مالهاش ابعاد ولا ملامح عشان يبقى ليها داخل من خارج .. اي محاولة للسيطرة او التحديد هتبقى تهريج بايخ
=============================

bluestone said...

كراكيب:
ايوة انا عارفة شعارك للمرحلة
من النهاردة مفيش اتحاد
انا الاتحاد

انا عايزة اعرف الاتحاد اللي هتعمله هتسميه ايه ؟؟

----------------------------------
مريم:
وعقبال عندك يا ام فاروق

مفيش حاجة اسمها شوية نوايا طيبة ...
الطريق إلى جهنم مفروش بالنوايا الطيبة
ده اولا
ثانيا ايا كانت النوايا
الله اعلم بيها
احنا بنتعامل مع افعال
والناس دي واتحادهم مليان مغالطات تصل إلى حد التهريج البايخ غير المقبول
سواء كان مقصود ولا لأ
===========================
وجهة نظره:
بالظبط .. ممكن في لحظة يبقوا هما الممثلين عن المدونين .. وهاتك يا دعم وتمويل
ويمكن كمان يعملوا إدارة للمدونين في وزارة الاعلام :) يشرف عليها الاتحاد المنبثقة عنه كل اللجان الواردة في
الكلام بتاعهم

وممكن فجأة نلاقي قوانين ملزمة لينا واحنا مالناش دعوة بيها
ولما تيجي تتكلم تلاقي اللي بيقولك ما هو الاتحاد الممثل للمدونين هو اللي موافق عليها

لا خالص لا ضايقتني ولا حاجة ...
تعليقاتك مرحب بها دائما
وارجو ألا تزعجك انفعالاتي الزائدة احيانا :)

bluestone said...

ريهام:
لازم كلنا نناشد كل الرؤساء
فلا حقوق تنال إلا بالمناشدة والتوسل
لا يضيع حق وراءه متوسل
=================================
محمد ابراهيم محروس:
أحيلك لردود سابقة بشأن تكبير الدماغ
--==================================

Anonymous said...

اللي بيقولب بيقولب على نفسه يا بلو :))
ما الدولة ليها قوانين واحنا بننتهكها بمعدل خمس مرات في الدقيقة..وبنعتبره حقنا كمان..

ما يقولبوا وما تتحط القوانين..هي قوانين النشر الموجودة أساسا محددتش النشر الورقي لكن الفكرة انها في المدونات أصلا مش هينفع تتطبق!..وأي قوانين حتى لو وضعت مش هتنفع ومش هتكون عملية..

bluestone said...

آبي:
صباح الفل

اسمح لي يا آبي احط تعليقك تحديث على التدوينة
آخر المستجدات على عهدة صاحبها
=====================================
سامباتيك:
طيب انا مواقفة بس حد تاني يمسك الخكم عشان انا مش بحب الصحيات بدري
طيب ما ينفعش يبقوا كبايات واطباق مليانة
واهو برضه نعشي السادة الاعضاء :)
===================================

bluestone said...

عباس العبد:
عشان تعرف اننا كمصريين عندنا قدرة على نقط وغيظ جميع الشعوب
حتى الاخوة العرب بيقولوا على الاعلانات دي بتاعة مصر بتتقدم بينا وان فاتك القطر مستفزة ومزعجة
وطبعا انا بشتغل في حديد عز ..

ولاننا مصريين وبنشرب من نيلها لما اتعمينا فلازم لما نعمل اتحاد يبقى ليه لايحة ولجان منبثقة واخلاقيات عامة تدوينية
ونتكلم عن المهمة والتكليف والكلمة التي سنحاسب عليها
ونقول شوية كلام كبير

امال هنحلل السبوبة ازاي بس ؟؟
احنا لازم نعمل حملة تنوير للمدونين
نبدأ بالمصطلحات الجديدة

يعني ايه:
المواقع التدوينية
العملية التدوينية
تبادل الخبرات التدوينية
اخلاقيات التدوين

كلامك ده بعد كام سنة ممكن يوديك السجن بموجب القوانين التدوينية بتهمة احتمال الاساءة من بعيد للهيكل التدويني واحتمال شبهة ازدراء اديان على خفيف

وكله بموجب الكوانين بتاعة الاتحاد
التي تم بموجب اقتراحات من الاتحاد تعديل الدستور وقانون العقوبات ليشمل مواد الانتهاكات التدوينية
والتي انشئ على إثرها مكتب مراقبة العمليات التدوينية
والله ولي التوفيق
==============================

bluestone said...

الدرويش المرووش:
كله بقى نشف زيت كده

في رأيي مش مهم ربنا يشفي
بس المهم يزيح عننا
==================================
حفصت:
احنا عندنا مهاراة عجيبة في كيفية سد النفس ..
عندنا كمصريين قدرة مذهلة على سد نفسنا عن الحاجات البسيطة الكويسة اللي فاضلة في حياتنا

المشكلة بقى ان بعد كام سنة او يمكن كام شهر
الاتحاد ده اللي بيمثل كل المصريين ياخد شكل رسمي ويطلب إليه وضع قوانين وقواعد
ونلاقي نفسنا لابسين في حيطة

=========================
عمرو احمد:
دول ناس شرباااااااااااااات
موظفين بقى
=================================
دانتي المصري:
طبعا .. نموت احنا في الفساااااد
احنا رواد فيه ...
لازم يسجل التاريخ اننا أول من أدخل الفساد في التدوين !!!!!!!!

bluestone said...

ألف:
هي حاجة كوميدية بس من نوع الكوميديا البايخة جدا
مفيش مشكلة بيتهيألي لو كان فيه اتحاد او رابطة تمثل مجموعة من المدونين مثلا
يعني اتحاد المدونين النشطين
اتحاد مدونين من اجل الحرية
مدونين من اجل مزيد من التضامن بين العرب
اتحاد لمدونات نظيفة

اي حاجة مش مشكلة
التدوين جوهرة الاساسي الحرية الكاملة
اللي عايز حاجة يعملها

اعتراضي الكامل على ادعاء اصحابه انهم بيمثلوا كل المدونين المصريين
قد يكون الامر مجرد نكتة بايخة
سبوبة
او امر اكثر خطورة

مافتكرش ان علاء قال في اي مرة انه بيمثل او مجمعه بيمثل المدونين المصريين ولا حاجة
ده مجرد مجمع الكتروني بيضم مدونات
وممكن اي حد بكره الصبح يعمل مجمع يضم مدونات اكبر
مجرد خدمة بيقدمها هو او غيره مشكورين عليها لجمع اكبر عدد من المدونات في مكان لسهولة التصفح

المشكلة ان الموضوع يتحول لسبوبة او محاولة استرزاق او نكتة بايخة تقلب جد
ونلاقي نفسنا لابسين في حيطة فعلا
قوانين
قواعد
اخلاق تدوينية

مصيبة بقى

bluestone said...

زنزانة:
شفتي يا بنتي .. دي ساديزم
انا بحب اذي نفسي واعذبها
هو الحقيقة الاتحاد ده كله امبرا طبعا
وخاصة البوست المعجزة

^ H@fSS@^ said...

خيانة!!!
et tu buto??

انتي كمان بتقولي حفصت؟؟
حرام والله حرام
الزميل اليمني بالفعل افتكره اسمي الحقيقي
:(

و لعلمك بقى اسمها احيه يا ابو سوسو احيه
كده يا ماري
ماشي ماشي

bluestone said...

اتحاد المدونين المصريين:
يا اهلا يا اهلا
اشك انكم هتقروا الرد لاني حسيت انه رد اوتوماتيكي .. لانه موجود على اكتر من مدونة

لكن هنرد برضه

هو انا مش فاهمة يعني ايه التأكد من الاسماء الوهمية ؟؟؟
هل انا قلت في اي جزء من البوست تبعي انه فيه اسماء وهمية لا سمح الله ؟؟؟

انتوا بتقولوا انكم بتمثلوا كل المدونين المصريين
وانا وناس تانية بنقلكوا

لأ لأ لأ
انتوا يا غلطانيين يا كدابين
عشان مش بتمثلوا كل المدونين ولا حاجة
وآدي عينة بسييييييييييييطة جدا
من المدونين اللي الاتحاد بتاعكم مش بيمثلها

لا يا سيدي حتى لو حضرنا المناقشات والاجتماعات هنجرأ وكل حاجة
لانه ببساطة احنا ضد كل اشكال الهيكلة والاتحادات وكل اشكال السيطرة او السطو او الاسترزاق على حساب حاجة بنحبها وبنمارسها بحرية وهي حاجة نادرة اليومين دول

لا احنا مش عايزين نشكر حد لا جرامون ولا غيره

عايزين تعملوا اتحاد
سموه باسم يخصكم .. اتحاد مدونين كويسيين
اتحاد مدونيين حلوين

انما تقولوا انه اتحاد (كل) المدونيين تبقوا بتهرجوا
------------
عايزين تدافعوا عن حقوق المدونيين النشطين سياسيا
اعملوا اتحاد سموه اتحاد الدفاع عن المدونيين السياسيين

وتمثلوا انفسكم .. مش اي حد فينا لو سمحتم

من اعطاكم الحق لتمثيل (كل) المدونيين المصرييين
انا مدونة وبقولكم انتم لا تمثلوني ولا اريد لاحد ان يمثلني وليس من حق احد ان يتحدث باسمي
في الحقيقة انا قريت كل المقترحات
ولقيت اختيار الرئيس والمعاون والمعاون المساعد وبوستات التعاني والتعازي وبوست مناشدة السيد الرئيس واللجان الاجتماعية والقانونية
ومش عارف ايه ؟؟؟

كلها حاجات حلوة خالص ..
لكن مش عاجباني يا سيدي .. لا تمثلني .. ولا اريد ان تمثلني
بس
اتكلموا عن نفسكوا بس

بعض الردود أفادت عن تجربة عكس ما تقولونه

في النهاية يا سيدي الفاضل لا نريد اي اتحاد يمثلنا
وليس من حقك ولا من حق اتحادكم ان يتحدث على لسان كل المدونيين
وانتم لا تمثلون كل المدونيين

bluestone said...

عبده باشا:
اتفضل بيتك ومطرحك .. :)

مش بس اسمه اكبر منه .. الكلام الكبير بشكل عام يا عبده باشا بيعملي حساسية
الكلام الكبير غالبا بيكون جواه فراااااااااغ

==================================
آبي:
بيتك ومطرحك برضه

انا من منبري هذا
اقول ان هذه القهوة هي منبر للفكر الحر والديموقراطية
وكل حاجة حلوة ان شاء الله

انا برضه هحط كلامك تحديث للبوست
ولو هتنشري بوست بالتفاصيل دي ياريت تديني خبر ننوه عنه في القعدة الحلوة دي

bluestone said...

احمد:
المشكلة انه يبقى فيه اجراء عقابي
ويبقى القانون هو القاعدة
لا ليه نجيب لنفسنا وجع الدماغ والهوسة دي
انا كمان ماقبلش حد يسترزق على قفايا لو مؤاخذة
================================
حفصت:
خلاص بقى هو الاسم لزق
ابو سوسو كمان انضم .. يا مرحب يا مراحب

lastknight said...

أولا مالوش لزوم التحذير اللى فى الأول .. احيه ممكن اعتبارها أداى تعجب
أما بقى بالنسبه للأتحاد المذكور .. فلن أعلق حيث أن تعليقى لو تم نشره لن يصلح معه الأعتذار
أذكر فقط بما سبق و أن قلته من أن القياده السياسيه صارت تمارس القواده السياسيه .. و قد اشير ألى موضوع سابق لى عن طبقات القحاب .. ولا أزيد
شرفينى .. اتمنى ععليقك على آخر موضوع

karakib said...

هاسمي الاتحاد بتاعي
---------------
اتحاد اتحادات المدونين الرسمي الوطني الديمقراطي
-------------
لصاحبه هاني جورج و ولده

Empress appy said...

بلوووو
براحتك يا حبيبتى بس عاوزة اقولك حاجه اخطر من كده انهم فعلا مش عاوزين يعترفوا انهم مش بيمثلونا بصى الحكايه كبيرة وحياتك لقابلهم واكتب بالتفاصيل الممله وهقولك على كل حاجه
لان فعلا محدش نصب حد على حد وهو ده اللى كتبته ليهم فى مكانهم وغير كده
هو الاستنحاد ده كان ناشر تهانئ ومحاشى ليه فى خطوبتى من غير اذن منى وكمان بتحدانى انى اخدل معاهم طيب بامارة ايه دول ولا بيكتبوا فى حاجه ولا بتاع وبحس انهم شويه ميلين للحزن الوثنى وفى النهايه خلتهم يشيلوا صورتى لان من ابسط الحقوق انهم يستأذنوا زى ما مدونات كتير طلبت منى
واوعدك اكتب فى الموضوع ببساطه بس اجمع باقى الاطراف المعنيه وهقولك

Anonymous said...

يا جماعة هو مش عم المثقف البدري فرغلي كان قال أيام الاضراب بتاع 6 ابريل و موضوع الفيسبوك ان المعارضة سبقت الحزب الوطني في استخدام الانترنت للتأثير على الشباب و ان الحزب حيتدارك هذا الخطأ و حيبدأ في اختراق عالم الانترنت السحري عشان يلموا الشباب الوطني الواعد حواليهم؟ أمال تبقى الحكومة ذكية و الكترونية ازاي؟
و ادي الناس حتتلم حواليهم أهو
عشان يضحكوا على العبط طبعا
بس احنا وحشين قوي يا جدعان
يعني بدل مانشجعهم و نصقفلهم صقفة حلوة كده نتريق عليهم و على الراجل السكرة ده؟ ده حتى مش بيحب ينزلق
طب ده حتى كده يبقى فيه منافسة بين المدونين المتحدين و المدونين المتشرذمين و انتوا عارفين طبعا ان المنافسة بتدفع للأمام
أمال مصر حتتقدم بينا ازاي؟

... said...

بلو
بصراحة التدوينة والتعليقات وهم
يعني من كتر حلاوتهم أخدت اللينك دة لوحده علشان أقراها كل شوية
عارفة لما حد يخبط علي باب بيتك ويقوللك أنا جاي أحميكي وأحافظ عليكي
طب انت مين يا عم
ومين قاللك اني محتاجة وصاية وللا حماية
أنا قلت لك انهم جايز عاملين البتاع دة لمحاولة السيطرة علي النشطين
لكن اللي بيدونوا في أمور عادية شخصية وأدبية مش هيهموهم
تفكيري تبع نظرية المؤامرة أنا عارفة
بس قوليلي سبب تاني منطقي
يعني أنا كان اول مرة اسمع عنهم من شقير
وأعتقد هيختفوا لأنهم مش بيقدموا خدمة للمدون من أي نوع
أنا بادون بقالي سنين
واحتياجاتي هي المواقع التقنية واللي بتسهللي التصفح و متابعة الآخرين وبس
اللي حصل دة علي رأي بنتي لا يمثل فسوة في حياتنا التدوينية
دة مجرد محاولة للرجوع لعصر الفتوة اللي عايز يفرض نفسه
اسم الله عليه اسم الله عليه

bluestone said...

فارس أخير:
انا قلت احذر الناس احسن حد يطلع يقوللي بذاءات وبتاع

على العموم انا اكدت قهوتنا ليست مشتركة في حملة المدونات نظيفة
هي اللي شكلها كده :)

جاري الزيارة .. علم وينفذ
:)
=====================================
كراكيب :
آه يا عفريت هتسرق اسماء الاحزاب المحترمة
وبعدين وولده مين بقى ؟؟
=========================

bluestone said...

آبي:
انتي المفروض تعترضي وتطالبي برفع صورك لو كانت دي رغبتك
اصلا الكشف عن صور شخص بدون اذن دي حاجة قليلة الادب جدا

بس آهو برضه عرفتنا شكلك ايه :)
بس على العموم انا شفت صورك في مدونة تبع بتوع مدونات الجيب ولا الكم دي

وهيتم إضافة التحديث بعد موافقة صاحبته
================================
دوم دام:
تفتكر الحكومة متآمر واهبل للدرجة دي ؟؟
افتكر ان الحكومة مش بالخيابة دي

انا عامة اعترض لانه مش بيحب ينزلق
ومن مزنقي هذا أعلن تأسيس اتحاد موازي للمدونين اللي عايزين ينزلقوا
وارفض واناشد السيد الرئيس اتاحة الفرصة لكل مدون في حقه في الانزلاق

====================================
بثينة:
منور يا بثينة
بصراحة التعليقات اكثر من جيدة وفيها اضافات هايلة فعلا
يحمي ايه يا ستي وبتاع ايه .. ماهم بقالهم سنتين شغالين
فيه كام مدون اتقبض عليه في السنتين دول؟؟
هم دافعوا عن كام واحد فيهم ؟؟

الخدمات دي مش محتاجة لا اتحاد ولا عفريت
وكانت بتتقدم من مدونين افراد كتير جدا
زي ما علاء قعد فترة يتكلم عن التقنيات مفتوحة المصدر ويعمل الناس تستخدمها
ومدونين كتير عملوا مدونات تعليمية في البداية ازاي تنشئ مدونة
وغيرها

هو المشكلة اننا اكيد اكيد في مصر
فده شيء طبيعي جدا
نعمل اتحاد وتنبثق عنه لجان وهيئات
امال .. ده احنا ملوك الروتين

انتوا بتنسوا عبده مشتاق ولا ايه

Empress appy said...

بلووووو استاذ حسن مشكزرا قال ان مفيش اى اشتراكات وانه بيعمل الحاجات دي كده يعنى ولا عاوز من وراها منصب ولا حاجه وانا طبعا مش مقتنعه بصراحه
المشكله انه اقر بالكلام بتاعي بس قال ان الناس اللى كانت بتقول كده هما مشوهم من الاستنحاد لانهم ناس مش كويسه
وانا برضه مش مقتنعه بحاجه خالص وهدي عندك اهر نكته علشان تعرفى الاستنحاد ده ايه بقى رايحين يسلموا على دكتور الزعفرانى على الرغم من انهم مش بيحبوا الاخوان طيب ده اسمه ايهه حد بقى يثولى فى اسكمدريه يوم 20 يونيه وفيه اجتماع وبيدعوني له علشان افهم الاستنحاد وطبعا رفضت وقولت لهم يا رين محدش يتكلم باسمنا احنا مش موافقين عليكوا واكد على انهم مش بيأخدوا اشتراكات واللى كانوا بيقولا كده مشوهم من الاتحاد وشكرا لكم على حسن استماعكم

Empress appy said...

http://egtadwin5.maktoobblog.com/?all=1
اقري ده

Soooo said...

طب فرضنا جدلا عبثا هطلا اني عايز استفيد بحرية النت واعمل مدونة سكس
!!!
هل هيمنحوني شرف الالتحاق بالاتحاد باعتبار اني مصري وكتاب الله والبطاقه بتقول كده

ولا هيقولو لا انت مش مصري وهيتهمو الحكومه بتزوير بطاقتي ؟؟
ولا هيشيلو كلمة (كل) باعتبار اني مصري وبانزل مواضيع في الهسس ؟؟
ولا هيقيمو علي الحد باعتبار اني منزلق في بحر الرذيله والتدوين اسمى معاني الحب ؟؟

وبعدين انا مش فاهم نقطه تانيه غير الحوار بتاع ان الاتحاد للمدونين المصريين

النقطه دي .. الناس فاكره التدوين ايه؟؟
يعني هل التدوين كلام في السياسه وبس؟؟
ولا التدوين كلام شعر وغزل رفيع ؟؟
ولا التدوين قصص ومذنكرات ؟؟

هذا ماستعرفوه في .. اتحاد المدونين المصريين

----
.. انا هعمل اتحاد اسميه
اتحاد المدونين المصريين .. اللي مش مع بتوع الاتحاد الاولانيين
.. لصاحبه سوووو
مهندس ديكور .. ويصلح ساعات




سلامووووووز

The Son of Man said...

والهى لو عملوا لكل مدون لوحدة اتحاد ماحد هايقدر يزعزعنى من مدونتى .ولا يقولى اكتب اية .ولو دة حصل وربنا لاكتب على اى حيطة تقابلنى فى مصر حتى لو كانت حيطة مايلة

Bella said...

انا جاية متأخرة قوي قوي

معلش اصل كان عندي شوية مشاغل كتيرة قوي خالص جدا

ومازالت يعني

قريت كل المواضيع والتفريعات المنبثقة واللجان المنعقدة

ولقيت اسم محمد جرامون ده بيفكرني بواحد بنفس الاسم كان بيشارك زمان كده من كام سنة في منتدى اسمه محاورات المصريين وكان معارض عتيد

وفجأة اختفي وقالوا تم اعتقاله

ثم عاد

وعاد عودة ميمونة جدا

يعني لاتقولي ممتاز القط ولا اسامة سرايا ولا مجدي الدقاق ولا اي واحد من دول في دفاعه عن الحزب الوطني ومكتسبات الشباب التي ستعود عليهم لو نضفوا مخهم

وشوية كلام من النوع ده

المهم مااطولش عليكم

قولوا طولي

عايزين نعمل بانر ولا حاجة نقول فيها اننا مش تبعهم

وكمان نجهض اي محاولة لهم للتحدث باسمنا

حاجة صعبة قوي دي

قال اتحاد المدونين قال

وفيه بقى مواد قانون وقانون مواد وشغلانة

على فكرة يابلو

انت عاملة تحديث وكاتبة فيه عن مداخلة آبي وتوضيحها

وفي آخر التحديث كاتبة اسمي انا

هههههههههههه

كمان على هامش الردود

اشتركت في موقع معا امام الله ومش عارفة اضيف اي تعليق على الموضوع الاخير

وانت هنا قافلة التعليق في الموضوع الاخير

ياريت يااختي تشوفي لي حل والا ح اروح اشتكيكي في الاتحاد

هه بس

bluestone said...

sooooo:
يبقى هتحط نفسك تحت طائلة القانون
ويتقبض عليك
وبعدين نعمل مناشدة للسيد الرئيس نقوله افرج عن المدون المعتقل
ونعمل حملة وبانرات ونقول فيها الحرية لمدوني السكس
غلبنا نقول للناس التدوين مش سياسة
التدوين مش سياسة بس
بس
لحد دلوقتي فيه مدونين نفسهم مش فاهمين


انا مش هانضم للاتحاد التاني للي مش مع بتوع الاتحاد الاولاني
وهعمل جبهة منشقة وهسميها
جبهة اللي مش مع تنتون ولا تنتن
:)))
هو لسه فيه ناس بتلبس ساعات في الحر ده
؟؟