عارفين يعني ايه دم واحد يروح هدر ؟اانا النهارد عرفت
عارفين يعني ايه ظلم ومظلوم
يعني ايه عجز
يعني ايه بجاحة
انا النهاردة عرفت
انا النهاردة عرفت حاجات كتيييييير
عرفت ان انا وانتوا
والناس دي
مانسواش اي حاجة .. احنا ببلاش
فراااخ .. ويمكن أقل
وانه لو معاك فلوس او مسنود وليك ضهر
تقدر تعمل اي حاجة وكل حاجة وتطلع براءة
تقدر تقتل ألف واحد
وتاخد براءة
الناس كلها تبقى عارفة انت عملت ايه
وانك كنت عارف ان المصيبة بتحصل ونايم في بيتكوا
وبرضه تاخد براءة
وكله بالقانون
النزيه
العدالة اللي بتاخد المجرى بتاعتها
عرفتوا يعني قلة حيلة؟ا
انا عرفت
وشفت وسمعت
وعرفت كمان ان العدالة مهزلة
والحقوق مهزلة
والوطن وهم
والناس مالهاش تمن
انا عرفت
وشفت وسمعت
وعرفت كمان ان العدالة مهزلة
والحقوق مهزلة
والوطن وهم
والناس مالهاش تمن
وانك مالكش حق في اي حاجة
وزيهم تمام هتموت لوحدك
هتموت فطيس
والكل ساعة الغرق هينط من المركب الغرقانة
ويسيبوك بشيلتك
وهمك
ووجعك
وخيبتك
لما تنطفي عدسات المصورين
والنور يضلم
وانهم هيتلكموا
ويتكلموا
ويتكلموا
في كلام كبير
بس في النهاية
هتعيش مش فاهم
وتموت مظلوم
تموت حزين
وتايه
ولوحدك
هتندفن وسط السمك
والبحر كفن
والملح للتغسيل
والصلاة....!ا
هنسيبها للعصافير
هما ابرأ مننا واطهر
واحق مننا اكيد
في انهم يكلموا عنك ربنا
هتموت فطيسوالكل ساعة الغرق هينط من المركب الغرقانة
ويسيبوك بشيلتكوهمك
ووجعك
وخيبتك
لما تنطفي عدسات المصورين
والنور يضلم
وانهم هيتلكموا
ويتكلموا
ويتكلموا
في كلام كبير
بس في النهاية
هتعيش مش فاهم
وتموت مظلوم
تموت حزين
وتايه
ولوحدك
هتندفن وسط السمك
والبحر كفن
والملح للتغسيل
والصلاة....!ا
هنسيبها للعصافير
هما ابرأ مننا واطهر
واحق مننا اكيد
في انهم يكلموا عنك ربنا
26 comments:
العدالة غائبة
والحكم له رائحة كريهة
وهذا التاريخ حد فاصل عند الحديث عن نزاهة القضاء .. مثلما عرفتي اليوم حاجات كتيييييير
جروب الحكم الجائر على الفيس بوك
ما هي دي جمهورية انتيكا الشعبية المهلبية
جتنا سنين نيله
خلينا أحسن في انتخابات الزمالك وماتش السوبر بتاع الاهللي و الزمالك
تحياتي
بلو
انا مش عارفة اوصفلك مجدى القرف اللي شاعرة بيه
فعلا بطن يواجعاني من المغرب لما رجعت و قريت الخبر
شفتي الناس كانت بتجعر بعد صدور القرار ازاي
شفتي الناس كانت مهرتلة و اعصابها تلفت ازاي
ده انا اللي اسمي ملياش في التو رو لا ف يالطحين
جسمي كش على بعضه
الحيوان الل يكان بيقرا الحكمده
جاله نفس يقراه ازاي
مشافش الامهات و هي بتندب
مشافش الابهات و الرجالة اللي بركوا على الارض
حسبي الله و نعم الوكيل
الف حسبي الله و نعم الوكيل
والله اسماعيل و الل يمعاه دول السحل فيهم قليل
اقسم بالله قليل
انا مصدعه من وقتها و ضغطي عالي مش عارةف انزله
منهم لله
يمهل ولا يهمل
يمهل و لا يهمل
وعايزني أكسبها؟
"محمود المليجي من أكتر من ربع قرن"
علشان كدة بحلم بالجنة..معتقدش اني هلاقي راحة على الارض...معتقدش ان حد ممكن يلاقي راحة في الدنيا
يمكن علشان كدة في ناس كتير بتحلم بالجنة زيي..بتحلم بعدالة الهية ..لأنها اكتر عدالة ممكن تريح كل الناس
وجعتي قلبي اللي هو بطبيعته موجوع على طول :)
طيب أنا دلوقتى المفروض أخرج إزاى من الأكتئاب الحاد الى عندى
خسرت فى الطاولة
و الزمالك خسر مرتين ورا بعض
و أسماعيل خد براءة
و الناس كفرانه و محدش سائل فيها و لا حتى ربنا
و أمى تعبانة جداً
و جو مات
و ربنا يستر
===
طيب أنا أعمل إيه ؟
عرفت
نبتدى نكتئب من أول و جديد
أنا أبتديت من أسبوعين فاتوا و ما صدقت ابتديت افوق شوية
يلا مش مشكلة
أبتدى من الأول تانى
مش خسارة فى الحكم بتاع إنهاردة
===
سلام
أشوفكم كمان شهر تانى
احنا حسينا وعارفين
هما بقى مش عارفين يا رب يجربوها
لابديل ثالث .. فأما الأغراق فى الغيبيات و انتظار الموت طمعا فى الجنه .. أو .. الأغراق فى الملذات كفرا بالأله الواحد و التحاقا بالجزب الوطنى
..
البديل الثالث ؟ عم تتكلمين سيدتى ؟ الثوره ؟؟
هأو
مش عارف أقول أيه ؟
متهيألي الكلام خلص
خلص من حوالي نصف قرن
--
هيروحوا من ربنا فين
مطلوب نعيش مواطنين معندناش دم
تحياتي
ارجوا انك تكونى متماسكة نفسيا ..اللى يكتب بالشكل دة يبقى تعب على الاخر من البشر قوى .مش عارف اعزيكى ولا اعزى نفسى البقية فى حياتنا ..تبقا ولا متبقاش .تبقا ولا حتى تروح بلاش .هيى حياة واحدة مش اتنين و 1033 ..ربنا والناس يساعدونا بقا او الناس تساعد ربنا او ربنا يساعد الناس ..اى حاجة بقا ..المهم تعازيى
لايمكن يكون ده قضاء عادل
ده قضاء العادلى
احمد شقير:
لن يجرؤ أحد في التحدث عن اي نزاهة للقضاء المصري
ولا الحديث عنه باعتباره خط الدفاع الاخير في وجه الظلم في مصر
خلاص احنا بقينا لوحدنا
مايكل:
حتى الكورة فيها فساد !!!
حفصة:
بقالي فترة طويلة حاجات كتير عمالة تزقني بعيد حاجات بكرهني فيها وتشجعني ع اني امشي
عايزة تشوفي شكل بلدك بجد شوفيها في عيون غريب .. هتشوفي حاجات بتوجع قوي
انما اللي حصل ده فاق كل شيء .. الحكم ده مش طبيعي اصلا
ولا القاضي دي ممكن يكون بني آدم من الاصل
قابلت الناس دي من كام شهر في ظرف ما جمعني بيهم بحكم العمل
مش قادرة اقولك كم الحزن والقهر اللي حاسين بيه
بس كانوا مستنيين حكم المحكمة فاكريين ان لسه فيه عدالة في دنيتنا
كانوا قاعدين في قاعة كبيرة بيسمعوا واحد مهم عمال يتكلم عنهم وعن حقوقهم بس هم مش فاهمين حاجة .. عيونهم تايهة وشايلين صور ولادهم وحبايبهم اللي غايبين ومستنيين !!!
صعب اشك ان اللي اصدر الحكم مش بني آدم
بس يمكن هو شايفهم مش بني آدمين شايفهم شوية فراخ
يامراكبي:
صحيح .. احنان خسرانين من زمان قوي
=======================
بيسو:
بس ده صحيح .. لازم الواحد يقاتل عشان حقه يا الحق ياالموت اثناء محاولة الحصول عليه
لو ربنا اتدخل لاصلاح افعال الانسان يبقى الحساب في النهاية مالوش لازمة
واسفة اني أوجعت ما هو موجوع من الاصل
عباس العبد:
يؤسفني اني اكون سبب نوبة الاكتئاب التانية
مع اني مش عارفة سبب الاولى
بس صعب ان الواحد يعتزل الناس عشان خسر في الطاولة والزمالك خسر مرتين ؟؟؟؟
وبعد ما تكتئب شهر تاني .. هتعمل ايه ؟؟
آه عرفت
تكتئب شهر تالت
ورابع
او اقولك
خلي حياتك سلسلة من نوبات الاكتئاب الحاد يفصلها ايام او ساعات من الاحباط المتوسط
آبي:
المشكلة انهم مش هيجربوها على الاقل قدامنا او مش هنشوفهم وهم بيجربوها
وهنفضل محروقين بنار الغضب ورغبة الانتقام
الفارس الاخير:
لا مش ثورة .. بس على الاقل حاجة تحسسنا اننا لسه فينا روح
او نقطة دم
او شوية كرامة
=================================
على باب الله:
احنا جيل اتولد بأبجديات محدودة جدا
جيل اتجمد قبل ما يتولد
من اكتر من 25 سنة
==============================
إيمان:
صحيح الظالم ليه يوم .. بس المشكلة هل لحد ما ربنا يحاسبه احنا مش هنعمل حاجة ؟؟؟
مش فيه آية او حديث بيقول بما معناه واعذريني اذا اخطئت (الله لا يغير بقوم حتى يغيروا ما بأنفسهم)
the Innocent:
هو انت شاكك اننا اصلا شعب بقى عنده دم ؟؟
ما الدم اتسرطن
والعيش بقى له سعر وبتشتريه بنشارة الخشب والحديد واحيانا بالمسامير
والرزق بقى بالغلا
وبقى ممكن جدا تبات من غير عشا
مخالفا المقولة المصرية الشهيرة محدش بيبات من غير عشا
the son of man:
بحاول اتماسك
بس مش قادرة لا اصدق ولا اتعود على كده
احنا محتاجين نعزي نفسينا على حاجات كتير .. لو فضل فينا حاجة ينفع تاخد فينا العزا
====================================
che wilding:
ده ابلغ تعبير سمعته عن الحكم بصراحة
يا ستي تعددت الاسباب و الموت واحد
وملك الموت مساعدينة شغالين الله ينور
انا مكنتش اعرف انك تبع معا امام الله
سلميلي بقي علي جهاد و عبد المجيد
قوليلهم انا جعان
اقولهم انت جعان ازاي يعني ؟!! :))))
هقولهم حاضر
بس اتفضل على بال كل حاجة على حسابنا حرام تفضل جعان
:)
Post a Comment