Monday, February 23, 2009

رقاصة وبترقص

في احد اشهر مشاهد فيلم الناظر للراحل علاء ولي الدين من بين تلك المشاهد التي جمعته باللمبي ليعلمه الانحراف يسأله اللمبي ان كانت له صديقة او كان مع امرأة من قبل وسأله ايه اللي عجبك فيها
فيرد ابن الناظر "أجزاء منها يا استاذ لمبي" فيرد اللمبي "انت كداب ياه انت ماشفتش نسوان قبل كده.


وقد كان اللمبي بخبرته الطويلة على حق. فيمن يرد بجواب كهذا لا يمكن ان يكون قد عرف "نسوان" في حياته من قبل. فلا يمكن ان يعجب شخص "بأجزاء" من شخص آخر فكانت اجابة تنم عن جهل ابن الناظر بصنف النسوان. فالأجزاء غير معبرة باي حال من الاحوال عن مجموعها

وتقنية الأجزاء تستخدمها ايضا راقصات الموالد الشعبية وبعض راقصات الدرجة الثالثة، حيث الهدف الاساسي من الرقص هو لم النقطة فالرجل الذي سيضع يده في جيبه ليخرج اوراقا مالية في مولد او فرح شعبي او كباريه درجة ثالثة لن يكون بالتأكيد ايمانا منه بفن الرقص الشرقي او تشجيعا منه لاعلاء هذا الفن الجميل

ولكن قطعا سيخرج ماله لاسباب اخرى تعلمها الراقصة علم اليقين. فتجيد اجتذاب زبائنها عبر التركيز على "أجزاء" ما بجسدها مستخدمة تقنيات المسافات والمساحات للمقدمات والمؤخرات لاحداث تأثير لا علاقة له من قريب او بعيد بالرقص الشرقي، فتحدث التأثير المرغوب لتخرج الاموال المطلوبة حيث يصل الامر احيانا لان يضعها الزبون في "الجزء" صاحب التأثير الاكبر. وان كانت بعض الراقصات يرفضن ذلك ولكن في النهاية هو تعبير عن درجة من درجات الاهتمام البالغ والذي تسعى إليها تلك الراقصة وهو اهتمام تعي جيدا انه ليس بجمالها ولا بجودة رقصها ولكن استجابة لتقنية التركيز على "الأجزاء".
ا

والعجيب في الأمر حقا هو انه ان دققت قليلا سيمكنك بسهولة ان تجد تلك التقنية في امور كثيرة من حولنا. بل انها تقنية تتبعها كبريات الصحف وكبار الكتاب ونقوم بها نحن احيانا عن وعي او جهل فنشابه راقصات الموالد وكباريهات الدرجة التالتة.

فحينما تقوم صحيفة محترمة ذائعة الصيت باقتطاع كلمات قالها احدهم في سياق حديث مطول لتبدو كمقولة منفردة تنشرها الصحيفة على صفحتها الاخيرة فتجردها من معناها الحقيقي تماما بل وقد تلبس معنى مختلف عما قصده صاحبها، وحينما تقوم وكالة انباء عالمية بالامر نفسه مع رئيس وزراء لتخلد كلمته ليصبح مثارا للسخرية عبر التاريخ.

وحينما يقوم مدون بنسخ جمل من مدونات مختلفة ليضعها كمقولات في مدونته فيبدو صاحب تلك الكلمات بعد تجريدها من معناها معقدا او مريضا او على اقل تقدير احمق يطلق احكاما عامة سخيفة ثم يخلي مسؤوليته بالاشارة لاسم المدون ومدونته بعد ان تكون الكلمات قد تركت ما تركته من انطباع في نفس قارئه، وحينما تقوم صحيفة اخرى وليدة بنسخ اجزاء من كتابات بعض المدونين ونشرها ثم اخلاء مسؤوليتهم بنشر اسم المدون ومدونته فذلك هو سلوك الراقصات بعينه.


ناهيك عن تجريد الكلمات من معناها الذي عناه صاحبها ونشرها في سياق مختلف منفصل وقد يتعارض مع السياق الاصلي واستغلالها دون استئذان صاحبها فلا يجب ان ننسى تربح تلك الجهات من تلك الفعلة تماما كحصول الراقصة على المعلوم من الزبون. فتلك صحيفة تنشر محتوى مجاني لتبيع الورق وتحصل على المال، واخرى تزيد من معدل مبيعاتها بنشر كلمات تبدو رنانة وخطيرة على لسان شخص او اخر، واخرى تملأ الورق بمحتوى مجاني وتوفر دفع مقابل لصحفيين او كتاب لملئ المحتوى وهذا كاتب او مدون يزيد الجدل حول نفسه ويضاعف من عدد زواره ...إلخ

لذلك علينااولا ان ندفع المعلوم ايضا ان صادفنا حظ الالتقاء بأيهن في اي مكان فلا يمكن ان تخطئهم عين.
فأي رقاصة ... أكيد لازم ترقص

34 comments:

karakib said...

ما هو المشكلة مش انها بترقص ... لأن الرقاصة بعد رقصتها عارفه ايه اللي هيحصل ... انما اللي بيرقص و هو مش عارف اخرة الكلام ده ايه يبقي بيجيبه لنفسه و هو مش عارف

maha zein said...

انت شايف كده
طويب
بس فعلا في ناس ربنا خالقهم بس عشان السقطة واللقطة
يعني يقفوا للناس علي الواحدة ويستغلوا السقطات والهفوات والنوايا السيئة من وراء الكلام عشان يوصلوا لفكرة معينة او يوصلوا لغيرهم فكرة معينة
بس بيبانوا علي فكرة
اه وربنا بيبانوا وتحسهم عالم بتتلكك


بس لو علي الرقاصة هي بترقص
اه والله بترقص

بثينــــــة said...

أي نعم
كلامك في صميم صميم الصميم
أصل أنا إحدي ضحايا موضوع الأجزاء دة
بس حلوة نظرية الرقاصات دي
قشطة ;)ه

norahaty said...

الدنيا فرص ياصاحبى
واجرى على اكل عيشك
وظرفنى تعرفنى
وارقام التوزيع
وفلوس الاعلانات
هى اللى عملت كل
اللى بتقولى عليه ده.

Abdou Basha said...

مش عارف
أنا شايف أنه الاقتباس ده اختيار بيعبر عن ادراكي للنص
وده حقي
ومن حق صاحب النص انه يوضح اللي هو عايزه بعدين
انا مقتنع انه بعض النصوص وليس كلها يمكن اقتباس ومضة أو لحظة تنوير او خلاصة منها
خصوصا إنه فيه كتير من الكتابات فيها مط
زي التعليق بتاعي ده
hehehe

Bella said...

الحقيقة وصفك معبر تماما عن تلك المسخرة المسماة زورا وبهتانا تعريف العالم بالمدونين وهم في الحقيقة يقتاتون على ماينشر في المدونات بمنتهي النطاعة

انا ايضا كنت ضحية هذه الاجزاء

ولااتفق معك ياعبد الرحمن في تسمية ماقامت به جريدة الشروق اقتباس

فهذا لم يكن اقتباسا بل سرقة واستباحة واجتزاء ثم تسويد لورق يوميا بهدف التربح على حساب المدونين

على باب الله said...

ما هي دي خطورة نصف الحقيقة

يعني مش لازم تكدب .. ممكن تقول النص اللي يهمك و يثبت وجهة نظرك و تخبي النص اللي مش ماشي مع رأيك

و ده هو النوع السائد - إن لم يكن الوحيد - في وسائل الإعلام المصرية و العربية

و ده في النهاية بيخلق وعي و رأي عام قائم على معلومات مشوهة و أنصاف حقائق و وجهات نظر الله وحده يعلم من هم أصحابها الحقيقيين

بس لذيذ ربط الموضوع بحكاية الرقاصات

إبـراهيم ... معـايــا said...

لقد وقعت في مشكلة تعميم الخاص يا عزيزي ... ، مبدئيًا أنا عاجباني الفكرة، لكن لم تعجبني فكرة التعميم ,,, فالدنيا كلها تعرف نظرية (الاقتباس) ، وإلا ماكانش حد اقتبس، والاقتباس يتعارض مع فكرة الأجزاء التي أخذت بها، ووضعها في سياقات ، وهناك فرق ـ فيما أرى ـ بين وضع في سياق مغاير و "تناص" مع هذا المقتبس، أو وضعه هكذا بمفرده، مع إشارة إلى أنه (مأخوذ)، وفي الأعمل اأغلب يفترض بمن يقتبس أن يكون حريصا على تمام الكلمة أو االفائدة مما اقتبسه ....

على كل حـال شكرًا لك ...

ومرور أول على هذه المدونة


وتحياتي

بنت القمر said...

:D:D
فعلا الصورة عبقرية وجزاء لكل رقاصه....علي رايك...رقاصه وبترقص بس الفكرة ان الرقاصه مش عارفه انه دايما في موجود اللي يقدر يرقصها غصب عنها انه الرقص وترقيص الناس مش دايما بمزاجها
:)))
تعرفي تقولي طبق طبقنا
دمت بود

بنت القمر said...

لو تسمحي لي ارد علي عبد الرحمن...المهم انها تكون ومضه فعلا مش طعنه في الضهر ولا سرقه ولا خياته امانه ولا تلقيح ولا ضمير وحش ورا الومضه
الومضه لازم تكون ايجابيه بالاساس
يرضه دمت بكل ود

bluestone said...

كراكيب:
ماهي دي برضه مشكلة حقيقية
ان اللي بيرقص من غير ما يعرف توابع الرقص يستاهل اللي يحصله

bluestone said...

مها زين:
ياريت بتبقى سقطات وهفوات
ممكن تبقى حاجة تتحط مش في سياقها اصلا فيتغير معناها تماما
بالظبط بطريقة لا تقربوا الصلاة

bluestone said...

بثينة:
ميغسي
هي فعلا عملة مستفزة لما بيتعرض لها اي حد

bluestone said...

norahaty:
ماشي فرص فرص
بس مش على حسابي

bluestone said...

عبد الرحمن:
هو الاقتباس في حد ذاته مشكلة
يعني القاعدة مهنيا بتقول انك لازم تستأذن صاحب التصريح لنقل كلماته كاقتباس
والاستئذان ده بيضم شرط ضمني بعدم تغيير السياق الاصلي للنص الواردة فيه التصريحات

ففي كل الاحوال الاستئذان لاستخدام الاقتباس مطلوب

ثانيا صعب جدا انك تعتمد على ان صاحب النص يوضح اللي هو عايزه بعدين لان ده مش منطقي لان الكلام بيكون ترك التأثير الحاد للاقتباس واي محاولات بعد كده بتكون اقل ابهارا

ومثال على كده مثلا اللي عملته وكالة رويترز للانباء مع تصريحات احمد نظيف رئيس الوزراء لما نقلت على لسانه ان الشعب المصري غير ناضج سياسيا

اللي قاله الراجل فعليا كان الكلام ده
"there is a maturity process that has to take place".
بما معناه ان هناك عملية نضوج يجب ان تتم

اما اللي رويترز قالته هو ان نظيف بيقول ان الشعب المصري غير ناضج سياسيا

وبعيد عن اتفاقنا او اختلافنا مع كلامه فأكيد التصريح اللي اقتبسته رويترز كان اقوى واكثر حدة وتأثيرا من الكلام الاصلي اللي قاله نظيف وكل محاولات الشرح او التفسير اللي تلته لم يكن لها نفس التأثير بالتأكيد

وده اللي بيعمله صحفيين كتير وصحف زي المصري اليوم مثلا ومدونيين كتييير جدا
وحصل مع ناس كتير وحصل معايا انا شخصيا وكان موقف سخيف لان الكلام اللي بتقوله بيتم بتره ووضعه في سياق مخالف فيبدو مخالفا لمعناه وبيضعك شخصيا في صورة غير حقيقية

bluestone said...

بيلا:
تخيلي ان واحد صحفي مسؤول عن صفحة
بدل ما يتعب نفسه ويدور على محتوى بيستسهل ويستخدم محتوى مجاني بتاع ناس تانية ويقبض هو
وفي نفس الوقت هتستفيد الجريدة بانها بتنشر محتوى وبتملا ورق ببلاش من غير ما تدفع فلوس لصحفيين

مش بس الشروق فيه صحف كتير ومنها اونلاين بتعمل كده
هاني كراكيب اكتشف بالصدفة انه تم اقتباس تدوينه ونشرها في العربي الناصري واكتفى صاحب الصفحة مجرد الاشارة لاسمه وخلاص
لا لينك ولا غيره

والمشكلة انك ممكن تلاقي كتاباتك منشورة مثلا في موقع او في صحيفة او جرنال انتي اصلا غير متفقة فكريا معاه

وده اسخف

bluestone said...

على باب الله:
نصف الحقيقة كذب

و ده في النهاية بيخلق وعي و رأي عام قائم على معلومات مشوهة و أنصاف حقائق و وجهات نظر الله وحده يعلم من هم أصحابها الحقيقيين

بالظبط كده

bluestone said...

ابراهيم معايا:
شكرا اولا على الزيارة
ثانيا:
انا لم اعمم فلم أقل ان كل الاقتباس غير مقبول او كل الاقتباس سرقة

كمان ماقلتلش ان كل الصحف بتعمل كده

للاقتباس قواعد ان لم تراعى وقعت المشكلة
والامر كله يقع على عاتف هدف الاقتباس والمقتبس ورغبته او دوافعه من وراء الاقتباس

يعني فيما كتبت انت قلت
( مبدئيًا أنا عاجباني الفكرة، لكن لم تعجبني فكرة التعميم )

وده بيعبر عن اعجابك المبدئي بالفكرة لكن ليك تحفظ ما وده رأيك

لو قررت ان اقتبس مما كتبت لكي اؤكد ان الناس اعجبت بما كتبته انا فيمكنني بسهولة ان اقتبس منك ذلك الجزء فقط

(انا عاجباني الفكرة)
واكتفي بالجزء ده بس يبقى انا كده أخليت بسياق الاقتباس

Tamer Diab said...

يا راجل
مين قالك ان الصحف بترقص بس !؟
انت محترم في تشبيهاتك
هي الرقاصة بترقص بس !؟

dr.lecter said...

انا فعلا وانا بقرا في الشروق لقيت ناس فعلا بيتنشر لها بوستات بس مش كامله واخدين جزء منها وناس اعرفهم فعلا ولما سالت لقيت انهم اتفاجئو زيي بالظبط

بس علي الاقل هم كتابوا اسم المدونه وصاحب البوست معرفش هم تعمدوا انهم يعملوا كده ولا عملوه بنيه طيبه

يمكن لان الشروق بتساند المدونات وبترحب بها واظن ان الشروق متابعه كل المدونات وبتفكر توسع مشروعها في نشر اعمال المدونات زي ماعملت قبل كده

زفت said...

هو من المفترض أن يكون الكامل أكبر من مجموع أجزاءه..بالاخص عندما نتحدث عن الانسان...لكن هناك الكثيرون الذين قد تعلو قيمتهم اذا تم التركيز على بعض اجزاءهم مثل الركبة, الساعد, الغضاريف, اي تعاملنا مع كل طرف منهم على حدا ونسينا الكامل الذي ما هو إلا نقص في نقص

هي ثقافة عالمية تلك التي تتحدثين عنها...ثقافة استهلاكية تلهث وراء أي معنى خارج عن المألوف ولو مفتعل. ثقافة فضائحية لم تعد تجد في الطبيعي - الهاديء- والمألوف- مادة مثيرة.

لم يعد السؤال "ما قيمة الشيء الذي تفعل؟" بل "كم هو مثير..ومثير للجدل" لذا تجدين ان انجح وسائل الاعلام هي الفضائحية والصفراء حتى في أكثر الدول تحضرا وديمقراطية

هناك من يقول انه في عالم يزداد كثافة سكانية وعلى أثر تلاشي "العقائد الكبيرة" أو تحولها الى الغيبيات المتطرفة وفي عالم يغرق الانسان بكم هائل من المعلومات والحوادث يوميا, يحتاج الانسان الى "مؤثرات" قوية لكي يشعر انه حي وان هناك معنى لكل هذا الصخب المتعالي. شيئا فشيئا يصبح مدمنا للأثارة .. والمدمن لا تهمه نوعية وجودة الاثارة...مجرد الشعور بالاثارة يكفيه ولو كانت رخيصة

إستعمال مثال الرقص الشعبي في مكانه تماما

أحسنت

كوارث said...

أكيد رقاصة وبترقص
الموضوع ده من اشد المواضيع اللى محيراني لاني ملاحظ ان فيه مدونين بيطلبوه وآخرين بيرفضوه
بس اللى انا متفق معاكي فيه تماما
ان الاستغلال بدون علم الكاتب سرقة , ولو في سياق مختلف .. تدليس !

كوارث said...

نسيت اقول حاجه كمان
ان الجرايد دي غالبًا بتستغل ان معظم الحاجات ده مش مسجلة وان موضوع القضايا الالكترونية في مصر نايم وشبعان نوم .. فدوس ..تفتكر ازاي ممكن تاخد حقك من ناس زي دي ؟

micheal said...

كلامك جميل جدا جدا
كل واحد فينا بيرقص بس بطريقته وفي النهاية المحصلة بتكون مسخ
يا ريت كل واحد يكون نفسه وميحاولش يصنع لنفسه شخصية هلامية لان صدقيني لو كل واحد بقي نفسه وقدرنا نستيفيد من خبرات بعضينا حنبقي شيء كويس في النهاية
تحياتي

مهندس مصري said...

معاكي حق
اللي بتعمله الشروق شئ مقرف

bluestone said...

بنت القمر:
مفيش رقاصة بترقص غصب عنها يا قمر
الرقص ليه ناسه برضه

بالنسبة لردك على عبد الرحمن انا لازم استبعد من الشروق سوء النية المبيتة للاساءة لمدونيين معينيين او حتى للتدوين ككل

اصل يعني مع كامل احترامي لكل الناس ايه اللي بينهم وبين الشروق يعني ووزنهم ايه او اسمائهم ايه في السوق عشان اي صحيفة تتعمد تشويه صورتهم ؟

الحكاية ومافيها استرزاق على استهبال على استسهال من بعض الصحفيين وطالما فيه محتوى مجاني يبقى قشطة شيل يا علي بابا

تحياتي

bluestone said...

:تامر دياب
اشكرك
====================================
دكتور لكتر:
بالنسبة للنية فممكن تقرا ردي على بنت القمر
المهم هنا هو انهم استفادوا ماديا من محتوى مجاني لم يستأذنوا صاحبه في استخدامه

بالاضافة لاني اصلا ضد النشر الورقي للمدونات بدون سبب يعني النشر لمجرد كونها مدونات وخلاص

bluestone said...

زفت:
مش لاقي اسم تاني يعني :)

هناك من تعلو قيمتهم بالتركيز على الاجزاء الا انه في النهاية ما هو الا نقص في نقص فعلا
الله ينور

اتفق معك تماما في ان المثير والساخن هو المهم وليس القيم والحقيقي وانها ثقافة عالمية ولكن الفرق بيننا وبينهم انها ثقافة لا تتعدى على الحقوق وان فعلت فيمكنك استعادة حقك كاملا بالقانون
وهو عنصر غائب في مجتمعاتنا

اصبت تماما في تحليلك لادمان الاثارة :)))
عندك حق تماما

تامر علي said...

ولو إني ضد (الرقص ) جملة وتفصيلاً ولاأرى فيه أي فن إلا أنني أفهم أحياناً وجهة نظر (الرقاصة) من حيث الدوافع المادية في عالم المادة التي لايمكن الحصول عليها إلا (بالمادة) ... ولكن ما يحدث من وكالات انباء وصحف يسميه البعض بالسرقة وأنا لاأوافق على هذه التسمية فهي فير دقيقة وأفضل مصطلح "البغاء الفكري" عوضاً عنه لأن من يمارسه لايمتلك دوافع (الرقاصة) تحت الضغط المادي ولا (الحرامي) محترف الإجرام ولكنه أصبح ذو (مزاج) خاص

تحياتي

bluestone said...

كوارث:
وماتنساش ان فيه مدونين برضه بيحبوا الرقص وبيرقصوا كويس

بالنسبة لمسألة ازاي تاخد حقك فده مستحيل في الوقت الحالي لان مفيش اصلا اي قانون او تشريع يتناول حقوق الملكية الفكرية للمحتوى الالكتروني
غير انه اصلا قوانين الملكية الفكرية غير منطقية ولا مجدية

بس الاخلاق بتفرق

=============================
مايكل:
اشكرك
لا مش كلنا بنرقص
الرقص ليه ناسه

المشكلة ان فيه ناس بتلجأ للانترنت عشان ماتبقاش نفسها :)

================================
مهندس مصري:
مش بس الشروق
ناس كتير بتعمله ومدونيين ومواقع وجرايد

silverstone said...

maho kolo byr2os gat 3ala dol ya3ny
ta2reban alra2s ba2a loght al3asr!!!

Blank-Socrate said...

انا متفق اننا كلنا بنرقص
كلنا لصوص يا عزيزى
الفكرة احنا بنقيم نفسنا بالنسبه لايه ؟
لمعتقدتنا و ضميرنا الشخصى
----
عزيزتى تقنيه الاجزاء صح
بمعنى فى تعاملتنا مع الآخر
لازم اكلمه باللغه اللى بيحبها و يفهمها دون ان افقد جوهر شخصيتى و الهدف
بمعنى
لنفرض انى انسان مثلا امين و مهذب
باتعامل مع شخصيات مختلفه تماما عنى
باخرج من الحوار او التعامل بنتيجه ايجابيه و ناجحه
و فى النهايه الكل برضوا بيقول انى انسان امين و مهذب ؟
فى خدمه العملاء بيكون الشخص مدرب على انه يعامل كل عميل بلغته وثقافته لكنه بيحتفظ باطار عام مبيخرجش عنه
اتمنى انى مكنش خرجت عن الموضوع
-----
انا باحس اوقات كتيرة ان انت بتنقدى نقد موضوعى لاذع :)
رؤيتك بتكون صح
لكن بتعملى تركيز على السلبيات المطلقه للجانب الاخر
اعتراضى ان انت ايضا ليكى سلبيات مطلقه تعلمين بعضها و البعض الاخر يراه الاخرون
-----------
اسف للاطاله

كريم بهي said...

ادب الاطفال المكتوب للكبار

www.adabatfal.blogspot.com

مدونة جديدة

كريم بهي

mahmoud said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير