Monday, June 15, 2009

آدميتنا..الهدية المجانية




كثيرا ما اتسائل لماذا تحترم آدمية البشر في الغرب بينما الانسان بلا قيمة تقريبا في بلادنا

لماذا نشعر بحريتنا واحترامنا لانفسنا وقيمتنا كبشر حينما نبتعد عن حدود بلادنا إلى بلاد بعيدة


ما الذي يعنيه ان تشعر انك مهم .. ليس لشيء تملكه أو منصب تحتله ولكن فقط لانك أنت ؟

أين ذلك الاحساس في بلادنا؟ لماذا نشعر دائما بالانسحاق؟ او بعدم الاكتراث على أكثر تقدير؟ا
ماهي قيمة الانسان في بلادنا؟

يذكر التاريخ كما درسناه ان المصريين خير جند الارض وشعب جبار وصاحب حضارة ..إلخ

لماذا إذن يمشي المصري محني الظهر .. على استعداد كامل لتقبيل الايادي والاقدام حتى وان لم يجبره العوز؟ل

ومتى يعود المصري كما سمعنا عنه في الكتب؟ ومن المسؤول عما أصابه ومن المسؤول عن إصلاح ما فسد؟ا


اسئلة اطرحها على نفسي كل يوم ولن أكف حتى أجد إجابة


أمر آخر ألاحظه كثيرا أثناء سفري خارج مصر وهو إنك ما ان تسير في اي شارع وان تلاقت عيناك بعين عابر تجده غالبا يبادرك بتحية صباح او مساء او يتمنى لك يوم هانئ
ان دخلت احد المتاجر يسارع العامل المختص ليقدم لك الخدمة بابتسامة لطيفة ورغبة حقيقية في المساعدة
بينما يعلو العبوس وجوه العابرين في بلادي .. تكاد تشعر بضيقهم ينفجر فوق وجوههم ...ا


ربما المقارنة ظالمة أو غير دقيقة .. وقد يقول لي احدهم أن المصري فيه ما فيه .. ويكفيه الغلاء والوباء

ومصاعب الحياة التي تنهال عليه من كل اتجاه

وانا لا ألومه .. فقط اعتقد ان الأمر ليس صعبا كما نعتقد


كنت في طريقي للعمل صباح أمس وتوقفت في منتصف شارع مزدحم ليمر رجل خمسيني بطئ الخطوة .. آثرت ان اتوقف بسيارتي وامنحه فرصة للعبور بدلا من إطلاق نفيري محذرة إياه لأمر أولا...ا

وهو امر عادة ما افعله لايماني بان الاولوية دائما للسائر وليس الراكب لاسباب كثيرة اهمها قواعد السلامة والأمان


وما ان توقفت وأشرت للرجل بيدي ليعبر ... علت وجهة نظرة رضى حقيقي وبابتسامة شبه مندهشة رفع يده شاكرا ومر بخطوة اسرع

ولم تفارق الابتسامة وجهه حتى غاب على الرصيف


تلك ابتسامة كنت احتاجها بحق وافتقدها في وجوه رفاق الطريق العابرين والغرباء

رأيت بعيني كيف يمكن ان يساهم تصرف بسيط في ان تشعر انسان بآدميته .. بانه مهم ... بأنك تهتم


تخيلت للحظة كيف سيكون الأمر لو.....ه

كلما حاول مسن او امرأة بصحبة طفلها أو رب أسرة يحاول عبور الطريق فتوقف سائق سيارة وأشار لهم بابتسامة ليعبروا .. ا

وانه كلما دخلت الي متجر أو محل لتشتري شيئا اهتتمت أولا بان تقول صباح الخير أو مساء الخير ولا تنسى أن تقول شكرا في طريق الخروج


ماذا لو اكثرنا من كلمة آسف؟ا

ماذا لو اهتتمنا بان نشكر من يقومون بخدمتنا في مطعم لنقول لهم إن الطعام كان رائعا والخدمة طيبة بدلا من أن نكتفي بدفع بقشيش كبير

في سلوك لا يخلو من استعلاء؟ا

ماذا لو قلت لسائس جراج عمارتك او بواب بيتك او ساعي مكتبك متشكر أو الله يكرمك وهو يقدم لك القهوة او يمسح زجاج سيارتك كل صبحا ؟؟ا


تخيل كم شخص سيشعر بآدميته خلال اليوم ... وكم ابتسامة ستتفتح في وجهك كل يوم ؟؟ا


هدايا مجانية تمنحها وتحصل عليها كل يوم

فأي شيء أجمل وأروع من ذلك؟؟؟؟؟ا

19 comments:

Sweet Violet said...

مافيش فعلا اجمل و اروع من كده

اعتقد الكلام ده كان زمان

اما دلوقتى مش عارفة ليه فعلا ماحدش بقى طايق حد

candy said...

على فكرة انا عايشة بالأسلوب اللى بتقولى عليه ده

ومش انا بس ناس كتير

مع انى مصرية (بأمانة بأمانة)وفى اللى مكفينى زى باقى المصريين

لكن توصلت مع اصحابى والناس العاقلين اللى اعرفهم أننا لازم نعيش اروع حياة

ولازم نوهب اروع احاسيس اللى حوالينا ، ومش لازم نخلى الظروف ولا الناس المحبطة اللى حوالينا هى اللى تأثر فينا...لكن لازم احنا اللى نأثر فيها

والحى بيأثر فى الميت.....مش العكس

عين فى الجنة said...

المدينة الفاضلة مجرد فكرة تصطدم باول عقبة
ولكن لا بأس من استمرار الامل فى النفوس

على باب الله said...

مفيش مانع أبداً

Desert cat said...

لفتة طيبة منك يا بلو
يمكن لاننا محتاجين المعاملة الطيبة وبالتالى بنبدأ إحنا بيها انا عندى فى الشغل بتاعى مش بقول على الشخص اللى بيساعدنى ده شغال عندى لاء بقول ده بيشتغل معايا لانه مش معنى انى بديله مرتب يبقى اشتريته
حقيقى بتمنى الروح الطيبة تسود المجتمع لان مشاكل الحياة فى كل الاحوال موجودة يبقى مش ننتهك كمان ادمية بعض

Sotouhi said...

I've been in Germany just for 3 months now and I feel that difference. People are much used to a good morning greeting or even a hallo, everyone and everywhere even if it is just a face to face look and they don't know each other and no conversation will take place. Even the public bus driver greets me just for me showing him my ticket...it's tradition !!

Something we weren't not raised up to do because I thin our parents were much more concerned with warning us from people who might harm us in a way or another.

Your example is perfect...simple act that leads to an enormous change.

Blank-Socrate said...

اعجبتنى الخاتمه
هدايا مجانية تمنحها وتحصل عليها كل يوم
الرحمه و الحب تنبع من داخل الانسان بغض النظر عن كم المعاناه التى نحياها
بصراحه مهما كانت الحياة صعبه دا مش مبرر ان الناس تتعامل بجفاء و انانيه بالشكل البشع اللى بنعيشه
كل ما افكر فى اسلوب الحياة فى الخارج احس برغبه فى الهجرة فقط للشعور بالاداميه
حقيقه تعاملتنا الفظه الجافه مش واضحه للناس للاسف هما فاكرين انهم شعب طيب و جدع و اخلاق
لكن الواقع غير كدا
شكرا لموقفك للراجل المسن النهاردة
:)

Anonymous said...
This comment has been removed by a blog administrator.
micheal said...

قبلتي المواجع والله
الواحد كل أمنيته يشوف فعلا اليوم اللي يحس فيه أن بقي فعلا بني ادم هنا
تفتكري يجي؟

يا مراكبي said...

بالفعل نعيش ذلك بحذافيره خارج حدود الوطن فنحب الأجانب ونرتاح للعيش بينهم .. ونصاب بالكآبة من التعامل مع الناس (بني وطني) من فرط العبوس الذي نراه فعلا وقولا ومن مجرد النظر

سبب ذلك هو اعتياد القبح في كل شيئ .. كل الحواس لدى الشعب لا تتعامل الا مع القبح فتعودت عليه وكما تعلمين فكل اناء ينضح بما فيه

علاج ذلك يحتاج وقتا طويلا .. نريد ان نلح على الناس في الاعلام وفي تعاملتنا معهم وفي برامج التوعية على أن نعود كما كنا محبين للجمال في سلوكنا وتعاملاتنا

اعادة تربية للمجتمع الذي اصبح لا ير الا القبح ليل نهار

bluestone said...

sweet VioleT:
معاكي انه ربما كان زمان
بس بيتهيألي في ايدينا على الاقل اننا نشجع انه يكون دلوقتي كمان

bluestone said...

كاندي:
عارفة انه مش سهل ابدا
واحيانا بيبقى شبه مستحيل انك تقولي لحد شكرا وتبتسمي وانتي فيكي اللي مكفيكي .. زينا كلنا
بس بالتدريب الوضع بيختلف .. وبيفرق

bluestone said...

راجي:
هي مش مدينة فاضلة خالص
والفكرة ابعد مايكون عن كونها أمل او رغبة في مدينة فاضلة
الباحثين عن المدينة الفاضلة يصابون بالجنون والاحباط
انما احنا باحثين عن لحظات مضيئة في نفق مظلم

bluestone said...

على باب الله:
ماشي :)
==================================
قطة الصحراء:
المفروض انه الاصل في التعامل زي ا انتي بتقولي .. في العالم كله مش معنى انك بتدي لحد مرتبي يبقى بيشتغل عندك
للاسف ده بواقي ثقافة عبيد وسخرة

وفعلا لو محتاجين معاملة إنسانية لازم نبدأ بيها ونجرب

bluestone said...

Sotouhi:
I hope it leads to any change whatsoever .. that's why I thought I might share it with others

bluestone said...

Blank-Socrate:
مش قادرة افهم السبب .. ناس كتير بتقول انه القهر اليومي ومصاعب المجتمع والحياة اليومية المتعبة
بس اللي مش منطقي ان الناس تفرغ غضبها واحباطها في بعض فتزوده ونفضل ندور في حلقة مفرغة

بره فعلا الاحساس بالآدمية بديهي جدا وغير قابل للنقاش .. عشت أجمل ايام حياتي في اوروبا وامريكا .. لا لشيء إلا لاحساسي الحقيقي بآدميتي وتمتعي بخصوصيتي كحقوق انسانية بديهية وليست منحة

انا بقى بشكر الراجل المسن لابتسامته التي منحتني يوما جميلا

bluestone said...

مايكل:
يمكن ما يجيش .. بس على الاقل بنحاول نعيش لحظات منه

bluestone said...

يامراكبي:
ربما فعلا زي ما قلت اعتياد القبح
هي دي المشكلة الحقيقية
وفقدان الرغبة في الحياة ..
احنا اتعودنا اننا نعيش بس محدش بيفكر ازاي يستمتع بحياته
نبقى فقط على قيد الحياة

إعادة تربية المجتمع دي كبيرة قوي يا مراكبي
يعني بصراحة لو الواحد هيستنى اعادة تربية المجتمع يبقى يهاجر احسن :(
بس يمكن المحاولات اليومية بتهون شوية من محيط القبح

وتلومني فيك said...
This comment has been removed by a blog administrator.