Sunday, June 22, 2008

طلب حضور





طلب حضور
على البدن المعاند انه ينزل من حصاره
ويغوص في تمتمات الروح
ويواصل الحزن الشفيف
بنفس الصبر

على الروح المعافرة
بنفس الرقة
توصلني من طرف السما
بالخيط
وتبكي بحرقة
لحد ما تحن السما
وتعيد لها نعمة بكاها بجد

للبدن والروح
انهم يرجعوا

ماعادش فيا احتمال

اني افضل وحيد


زي الوقت والسكر كان هنا..ومكانش:

واللي بيني وبينك ..ومش مالكه
ده حتة سكر
كان ممكن في ليلة واجعاك زي الليلة دي
يعصر لك عنب احلامه
ويخلي خطوتك في الرقص
أنعم
كان ممكن في ليلة حساك ..زي الليلة دي
يغطيك بالقطيفة

ويتقاسم معاك
كل اللي كان حيلة قلبه
كان ممكن في ليلة تشبهلك.. زي الليلة دي

يحط حصوة
في عين
كل اللي شافك
ولا سألش عنك
كأنك قرش قديم
او امنيات بتموت



صلاة:
من غير تفاصيل زيادة
او تعريجات
او إزاز مكسور في رجليها
من غير مطالب عشان وقفة المراية
من غير ماتحسب
هتقول ايه لروحها
عشان تعرف تنام
من غير زمبلك
او اعلانات نيون
او سيرك
من غير كل دول
هتعرف تبتسم وتبكي


من ديوان أحمد الفخراني
ديكورات بسيطة

ملحوظة:اسماء القصائد مختلفة بالديوان

6 comments:

KOKLEN said...
This comment has been removed by a blog administrator.
اسامة يس said...

حين نكتب برؤية اخرى..
ونخرج عن سياق المألوف
تظهر احيانا الصور غير واضحة المعالم..
لكن في وسطها نجد دلالات من خدر ممتع..
خالص تحياتي

alzaher said...

شعرك حلو
بس خللي بالك من الأوزان
وحاول تقرا لرواد شعر العامية على قد ما تقدر

ايــــــــــــــــــوب said...

ياعم الزهار بتقولك من ديوان ديكورات بسيطة ... لأحمد الفخرانى
معلش يابلو .. اكتر من كدا وربنا كريم
لكن صحيح ما قولتليش ؟؟
انتى بتكتبى شعر من امتى ؟؟؟

Anonymous said...

.
FREE Kareem! God Bless you Kareem, you are a hero for freedom. Millions of people are with you in spirit.
You are not alone. Many people are working to get you out. You will get out. Someday there will be a movie about your story. Please stay safe. We love you!
.
absurd thought -
God of the Universe says
outlaw most bloggers

license all the rest
monitor their writing

.
absurd thought -
God of the Universe says
surrender to jihad

sell out your great grandchildren
so theirs live Taliban life

.
absurd thought -
God of the Universe says
don't tell the truth

evil men will jail you
kill you to protect their lies

.
absurd thought -
God of the Universe says
don't destroy the new Nazis

exterminate their death cult
expose sick evil prophets

.
Campaign To FREE Kareem!
.
Mubarak Fears Islamist Nazis in Arabic
.
Hard To Swallow Blog in Arabic
.
Philosophy of Liberty Cartoon
.
Help Halt Terrorism Today!
.
USpace

:)
.

bluestone said...

اسامة:
بالطبع لكل شاعر رؤية
واحيانا نتوحد مع كلمة او اكثر
====================
ek\lzaher:
هو الشعر حلو جدا
بس مش بتاعي
ده بتاع احمد الفخراني
في ديوان اسمه ديكورات بسيطة
وانا كتبت اسمه في نهاية البوست
=================================


ايوب:
شفت بقى ؟؟
هو الظاهر الظاهر افتكر اني انا احمد الفخراني
وبيطلب منه يبقى يقرا شعر كتير :)))