اشعراحيانا اني اترنح بين عالمين متوازيين ..
اعيشهما .. اتراقص على حوافهما باستمتاع مضطرب ..
تجتاحني امواج الدهشة وانا واقفة بين الحدود ..
ايهما انا ؟؟؟؟
لست شيطانا وبالتأكيد لن تسعد الملائكة بكوني واحدا منها
اتعجب لهذا الكم من التناقضات التي تمتزج احيانا وتصطدم اخرى ..
ايهما انا .. ام هل هما وجهان لنفس العملة المشتعلة؟؟
ايهما انا .. ام هل هما وجهان لنفس العملة المشتعلة؟؟
رقصة افريقية صاخبة ..
تلك الرقصة الاثمة حول النار المقدسة ..
اؤديها نفسي بمنتهى اللذة .. على خطي النار ..
اؤديها نفسي بمنتهى اللذة .. على خطي النار ..
العابدة .. المعربدة
الصاخبة .. والخاملة
والدفة تتارجح بين الحجر الاحمر اللين .. والميزان القاسي ..
على الشاطئ امرأة عنيدة حمقاء وفتاة رقيقة ساذجة .. تتحاوران ..تتصارعان لفض الاشتباك
اتراني في الطريق .. ام اني في احترفت الانتظار
هل تلك اغاني النصر .. ام ترانيم انتحار ..
مازلت ابحر في الغمر المضطرب .. بمجدافين من سكر بني
ما اعرفه الان ..
ما اعرفه الان ..
اني لم احدث بعد ...
ان حياة ما في افق ما ابعد .. ارحب .. اكثر دفئا
مازالت في الامكان ..
فانا لم احدث بعد
8 comments:
"اتعجب لهذا الكم من التناقضات التي تمتزج احيانا وتصطدم اخرى ..
ايهما انا"
كنت أتحدث قريباً مع صديق لي عن التناقضات التي نعيشها في حياتنا: تناقضات مابين آلي بنقوله وآلي بنعيشه، تناقضات مابين حاجات بنعيشها في نفس الوقت وأحياناً في نفس اليوم، تناقضات ما بين حاجات رائعة بنعملها والدوافع آلي بتحركنا عشان نعملها.
لكن آلي انا بشوفه أن أصتدمنا مع هذه المتناقضات مهم جداً وده آلي ممكن نسميه الأصتدام مع حدودنا البشرية، وده بيخلينا ندرك حدودنا وضعفنا الحقيقي كبشر، ولازم نعترف بده ونقبله ونقبل أن أحنا محدودين، عشان تبدء بعد كده المرحلة التانية وهي قدرتنا على التعامل بحب وقوة مع هذه الحدود وتعديلها بالشكل آلي لازم مسيرة نمونا تمشي فيه.
انا قلت كلام كتير وحاسس أني توهت الدنيا بس ماعلينا ده جزء من حدودي الشخصية.;)
مساء الخير
هل أنتِ متأكدة انه هنالك حياة جديدة بالإمكان؟
طيب، مادمتُ لم أحدث بعد
لماذا هذا الالم.. البسيط
ولماذا أحس بكل شئ من حولي، وكأني حقيقية؟
الفكرة ياصديقتي من وراء فلسفتي هذه التي في الأعلى..
أنني أستيقظ كل صباح وأقول: اليوم أحسن
بكره الحلم الفلاني حيتحقق
بكره الشغل أحسن
بكره هعمل.. واسوي
وكل يوم، انضرب على دماغي.. زي الـ...... ولاّ بلاش..
طيب افضفض لك شوية؟
بقالي فترة نفسي أكتب شئ أرضى عنه .. ومش قادرة
لا وطني.. ولا عاطفي.. ولا حتى عن نفسي.
بقول: بكره تكبري.. وتضحكي على نفسك
بكره تكتبي وتكتبي.. وهتطلع حاجة تفوق الوصف
بكره يتعلموا منك.. ويبقى لك أسلوبك المميز..
وبكره بيجي.. وبيروح زي السيجارة..
عارفاها، بتتولع وتنطفي.. وصاحبها ولا واخد باله منها.. ولا عارف هي السيجارة رقم كام في اليوم ده..
لأنه عنده غيرها كتير
وشكله والله العليم ياصديقتي.. الأيام عندي زي السجاير..
اقول بكره أولّع لي يوم.. ويجي بكره وأولّعه.. وميحصلش حاجة..
وأهو، بقول: ده لسه مش انا.. ده "أنا" جاي بكره، بس أديله فرصة صغيرة :)
بخرف كتير انا.. معلش
مساء الفل
طيب واشمعنى أنا يعنى ... كلمتين ع السريع كده
أشعر أحيانا أنى اسبح فى الفراغ .. ومع غوصى فى اﻷعماق تزداد الاهتزازات
ومعها يتبدد هذا الفراغ شيئا فشيئا .. فيكشف عن وهج قرمزى ساحر يخلب اللب والعين
وأجد نفسى أصارع أمواج اليأس فى استماته عاشق رأى محبوبته التى ضاعت منه ويريد أن يصل اليها
وأصارع وأصارع .. ثم أجد صوتا معتادا ينساب الى أذنى .. قوم يا احمد بقى ... يبنى الشمس طلعت
انه صوت أمى الحنون .. وأفيق ثانية من حلمى اﻷبدى
حد فاهم حاجه ... ولا أنا
اه نسيت قلك يا بلو انك تمتلكى موهبه نثريه جيده
وكتاباتك تمتلئ بالصور الجميله والمعبره جدا
دا احنا غلابه جنبك والله
التناقض فعلا موجود في كل ملامح حياتنا كبشر .. لكن العجيب فعلا هو ازاي التناقضات دي بتنسجم مع بعض ..
ازاي ممكن تكون ملاك وشيطان مع بعض .. ازاي تحب النور والضلمة .. وتستمتع بيهم بنفس القدر ..
هل ده غلط فينا .. لان النور والضلمة لا يجتمعوا .. ؟؟؟
(تناقضات ما بين حاجات رائعة بنعملها والدوافع آلي بتحركنا عشان نعملها).
فكرة شغلت بالي مدة طويلة جدا ولازالت .. ممكن تلاقي نفسك بتعمل عمل غيري جدا وانساني لابعد الحدود ولكن اذا بحثت ستجد ان 90 في المئة من دوافع العمل ده انانية ذاتية بحته نابعة من رغبتك في الاحساس بالرضا عن نفسك ..
ساعتها ايه المعيار هنا العمل ولا دوافعه؟؟ وهل الدوافع دي حاجة انسانية طبيعية ام ذاتيه انانيه مؤسفة ؟؟؟؟
قريت مرة لفيلسوف كلمة بتقول ان العالم كله موجود داخل الانسان .. العالم بكل الوانه واشكاله ..؟؟؟
-اب كاهن قال مرة انه كلما تمعن وتعمق الانسان في البحث عن ذاته وجد المسيح داخلها ....
ايه علاقة الكلام ده بالتناقض الانساني وبالحدود البشرية .. مش عارفة .. بس حاسة ان ليه صلة ما ..
معلش أنا عارف انى تعليقى اللى فوق مالوش علاقه بالموضوع
بس مش عارف ليه كنت عاوز أعلق التعليق دا على الموضوع دا
مش دا تناقض برده
!!!!!!!!!!!!!!!!!!!!!!!!!!!!!!!
منار ..
لا مش متأكدة .. لكن عايشة على الامل ده .. انه في وقت ما قادم في انتظاري عالم الوانه اكثر بهجة ..
(طيب، مادمتُ لم أحدث بعد
لماذا هذا الالم.. البسيط
ولماذا أحس بكل شئ من حولي، وكأني حقيقية؟)
لاني لم احدث بعد بموجب قوانين عالمي المخملية ..
ولكن هذا لا يمنع احتمال شكل من اشكال الوجود الاضطراري ..
(أنني أستيقظ كل صباح وأقول: اليوم أحسن بكره الحلم الفلاني حيتحقق
بكره الشغل أحسن
بكره هعمل.. واسوي
وكل يوم، انضرب على دماغي.. زي الـ...... ولاّ بلاش..)
منار انا مش قلت لك قبل كده انك كتير بتقولي كلام دار في دماغي قبل كده ...
كنت دايما ان حياة البعض منا ما هي الا (سلسلة من المؤجلات) ..
كما لو انها قاعدة اتربينا عليها لنهرب من مواجهة الواقع احيانا .. كانوا دايما بيقولولنا بكره دايما احلى ..
لكن محدش قالنا بكره ده مابيجيش ليه؟؟
اكتشفت في مرحلة ما ان حياتي اصبحت سلسلة من المؤجلات ..
دايما بقول لنفسي (هاعمل كذا اول ما اخلص كذا) ..
يعني هاعيش حياتي اول ما ادخل الجامعة
اول ما اتخرج اول ما اشتغل ..
هاعيش حياتي مع مزيد من الاستقلال .. لو حبيت لو كونت اسرة ..
لكن اكتشفت ان دي مجرد حيلة لتجنب مواجهة الواقع او تغييره ..
فيه دايما بكره .. !!
بكره مفتوح ..
احنا في انتظاره وهو مابيجيش ..
ولا حد بيقولنا نروح له ازاي !!
(معلش أنا عارف انى تعليقى اللى فوق مالوش علاقه بالموضوع
بس مش عارف ليه كنت عاوز أعلق التعليق دا على الموضوع دا
مش دا تناقض برده)..
تفتكر ؟!؟!؟!؟!
Post a Comment