Friday, May 26, 2006

هو ده يا مصر حالك

ماليش نفس اقول اي حاجة خااااالص .. حاجة تقرف .. مفيش اي مشاعر جوايا دلوقتي غير القرف ..
ليه مش من حقنا نفرح ..
ليه كل يوم فيه مصيبة جديدة ومهزلة جديدة ..
ليه كل يوم بينكسر جوانا رمز ..
عايزنا نسيبها ولا نكرهها ولا ايه بس ..؟؟؟
مفيش كلام يتقال ..
هو ده يا مصر حالك؟؟؟؟؟؟؟؟؟؟؟؟؟

6 comments:

Anonymous said...

إيه مناسبة الكلام ده؟

محمد النقيب said...

لما الرموز بتتكسر..بتتكسر معاها حاجه جوانا ..مش لازم يكون للكلام مناسبه عندك يا يحيى..بس انا عارف انه ليه مناسبه عندي..

Anonymous said...

ريح اعصابق شويا حال الدنيا مش هيتغير في يوم و ليلة متبقاش سلبى الحياة لسا فيها حجات حلوا و لكن لو احنا ملينا من دفاع عن حقناالحكومة هيخروا كل حاجا حلوا فضلا فحياتك افتكر كل حاجا نفسك تحافظ عليها لما تحس ان الدنيا مبقاش فيهااي شىء كويس متنساش انتا مهتم ببلدك ليه

bluestone said...

واضح اني يمكن من كتر الغضب والانزعاج نسيت اكتب ليه .. بس فعلا مكانش ليه نفس اقول اي حاجة .. واعتقدت ان الناس كلها عارفة ليه ؟؟
امبارح دخلت اكتب تدوينة لطيفة ع ن انطباعاتي عن وثائقي الجزيرة عن المدونين وكنت في حالة سعادة حقيقية خاصة بعد اطلاق سراح مالك وزمايله وتجدد الامل في خروج علاء والاخرين والبنات ,, وقبل ما اكتب اي كلمة فوجئت بما حدث لشرقاوي وكريم ..
انا لا اعرفهما شخصيا ولم اقابل ايهما في حياتي ولكني بكيت بمرارة امس ..
وغضبت بشدة ..
حسيت ان كل حاجة بقت مقرفة ومالهاش لازمة ..
معرفتش اقول ايه لان كل الكلام مابقاش ليه اي لازمة اصلا ..

aiman said...

مش عارف لما اقرأ حاجه زي كده... اهنئ الحكومه و النظام انهم نجحوا في توصيل الشباب الي هو املنا للحال ده ...
ولا اعزي نفسي و من هم في اعمارنا علي مجهودنا و بهدلتنا و تغريبنا الاجباري ...
يا بنتي او يا اختي لا تحرمي نفسك من شرف المحاوله

bluestone said...

شرقاوي والشاعر كانوا بس المثال الفج لحياتنا اليومية ..
كانوا الصورة الاكثر قتامة لقيمتنا وثمننا وكرامتنا في بلدنا ,,
كانوا الصورة الواضحة اللي ماينفعش معاها اي كلام ولا مسكنات ولا تبريرات فارغة ولا اي محاولات للفهم والتبرير ..

aleskandrany
كنت عايزة اقول مليون حاجة بس لما قريت كلمتك ..

(خد الجملة وحط تحتها اللى إنت عاوزة كلة) ..
بالظبط .. ممكن نعقد نتكلم سنين وكلمنا كله يبدأ بالكلمة دي وينتهي بحسرة ..


يا عم ايمن
الواحد نفسه اتسدت ..
من كام شهر شاب كويس جدا وبيحب بلده بجد مقدرش يتحمل كم الاحباط ده وساب البلد وطفش .. هاجر .. قبل عقد عمل بره رغم انه كان رافض تماما يسيب مصر .. لدرجة ان اصحابه كان بيتريقوا عليه .. بس مع كل اللي بيحصل ده لقى انه اسلم حاجة يسيبها ويطفش قبل ما يتجنن ولا يموت من الاحباط والحزن